শীতত হাত-ভৰিৰ আঙুলি অনৱৰতে ঠাণ্ডা হৈ থাকে নেকি? Do your fingers and toes always remain cold in winter?

শীতৰ সময়ত কিছুমান লোকৰ ক্ষেত্ৰত হোৱা এটা সাধাৰণ সমস্যা হৈছে হাত আৰু ভৰি অত্যন্ত চেঁচা হৈ থকা৷ শৰীৰৰ অন্য অংগ গৰম হ’লেও হাত আৰু ভৰি গৰম হ’বলৈ যথেষ্ট সময় লাগে৷ এনে ক্ষেত্ৰত কাম কৰাত অসুবিধা হোৱাৰ লগতে হাত-ভৰিও অচল হৈ যায়৷ আপোনাৰো যদি এই সমস্যা আছে, তেন্তে লওক এইকেইটা টিপছ৷

(১) সকলোতকৈ সহজ টিপছ হৈছে সৰিয়হৰ তেল আৰু নহৰু৷ এই দুয়োবিধ সামগ্ৰী একেলগে গৰম কৰি হাত-ভৰিত মালিচ কৰিলে আঙুলি সহজে গৰম হয়৷

(২) দুয়োখন হাতৰ আঙুলি একেলগে ঘঁহিলে ৰক্ত সৰবৰাহ বৃদ্ধি হয়৷ ফলত ঠাণ্ডা হৈ যোৱা আঙুলিৰ জড়তা আঁতৰি পুনৰ সক্ৰিয় হৈ উঠে৷

(৩) শৰীৰত পানীৰ অভাৱ হ’লেও হাত-ভৰি ঠাণ্ডা হৈ যায়৷ সেয়েহে দেহটোক হাইড্ৰেট কৰি ৰখা অত্যন্ত জৰুৰী৷

(৪) আপোনাৰ যদি হাত-ভৰি ঠাণ্ডা হৈ গৈছে, তেন্তে জাম্পিং জেক্‌ছ এক্সাৰছাইজ কৰক৷