মানৱ দেহৰ পঞ্চইন্দ্ৰিয়ৰ ভিতৰত এটা অপৰিহাৰ্য অংগ হৈছে চকু৷ এই চকু দুটিৰ দ্বাৰাই আমি ধুনীয়া পৃথিৱীখনৰ সৌন্দৰ্য উপভোগ কৰিবলৈ সক্ষম হৈছোঁ৷ সেয়েহে আমি আমাৰ চকুযুৰিৰ বিশেষ যতন লোৱা উচিত৷ কিন্তু দৈনন্দিন প্ৰযুক্তিগত বিষয়ত ব্যস্ত থকাৰ ফলত আমাৰ চকুৰ জিৰণিৰ কথা পাহৰি পেলাওঁ৷ যাৰ ফলত আমাৰ চকুযুৰিৰ বিভিন্ন সমস্যা হোৱা দেখা যায়৷ সেয়েহে চকুযুৰি ভালে ৰাখিবলৈ উপযুক্ত আহাৰ গ্ৰহণ কৰাটো প্ৰয়োজন৷(১) ইয়াৰ বাবে ভিটামিন-A, ভিটামিন-K, লিউটিন আদি প্ৰচুৰ পৰিমাণে গ্ৰহণ কৰিব লাগে৷
(২) সেউজীয়া শাক-পাচলি বিশেষকৈ গাজৰ খোৱাটো খুব জৰুৰী৷
(৩) বাদামজাতীয় খাদ্যসমূহ চকুৰ ৰেটিনাৰ কাৰণে ভাল৷
(8) চকুৰ কাৰণে ঠাণ্ডা পানী বৰ উপকাৰী৷ চকুযুৰিক উজ্জ্বল আৰু ঠাণ্ডা কৰি ৰাখিবলৈ দিনটোত কেইবাবাৰো চকুযুৰিত ঠাণ্ডা পানী ছটিয়াব লাগে৷
(৫) বহু সময় ধৰি ম’বাইল, টিভি, কম্পিউটাৰ চাই থকাৰ মাজত কমেও পাঁচ মিনিট সময় চকুযুৰিক জিৰণি দিয়াটো প্ৰয়োজন৷
(৬) কেতিয়াবা চকুত ধূলি-মাকতি পৰিলে কেতিয়াও মোহাৰিব নালাগে৷ তাৰ পৰিৱৰ্তে পৰিষ্কাৰ পানীৰে চকুটো ধুই দিব লাগে৷
(৭) মাজে মাজে তিয়ঁহ সৰু সৰুকৈ চকলিয়াই চকুৰ পতাত দিলেও চকুযুৰি সতেজ হয়৷
(৮) পৰাপক্ষত চকুৰ ব্যায়াম কৰাটো খুব ভাল৷
(৯) বাহিৰলৈ ওলাই গ’লে প্ৰখৰ ৰ’দৰ পৰা চকুযুৰিক সুৰক্ষা দিবলৈ ছানগ্লাছ পিন্ধিহে বাহিৰলৈ ওলাব লাগে৷
(১০) দিনটোৰ ব্যস্ততাৰ অন্তত ৰাতি আমি কমেও আঠ ঘণ্টা শোৱাটো উচিত৷
এনেধৰণে বিভিন্ন উপায়েৰে আমি চকুযুৰিৰ যতন লৈ বিভিন্ন ৰোগৰ পৰা চকুযুৰিক সুৰক্ষা প্ৰদান কৰিব পাৰোঁ৷
