Retinyl palmitate আৰু Homosalate কেমিকেলে DNA-ক প্ৰভাৱিত কৰিব পাৰে আৰু ইয়াৰ ফলত শিশুৰ ছালৰ টিউমাৰ, কেঞ্চাৰ আদি হ’ব পাৰে৷
গৰমৰ দিন প্ৰায় সমাগত৷ এই দিনকেইটাত সূৰ্যৰ প্ৰখৰ তাপৰ বাবে ঘৰৰ পৰা ওলোৱাটো কঠিন হৈ পৰে যদিও সকলোৱে দৈনন্দিন কামতো কৰিবই লাগিব৷ সেই কাৰণে সূৰ্যৰ প্ৰখৰ ৰ’দে যাতে ছালখনৰ ক্ষতি কৰিব নোৱাৰে, তাৰ বাবে বহুতেই বাহিৰলৈ ওলোৱাৰ আগতে ছানস্ক্ৰিন ব্যৱহাৰ কৰাৰ পৰামৰ্শ দিয়ে৷ আজিকালি ডাঙৰৰ দৰে শিশুসকলৰ বাবেও বিভিন্ন ছানস্ক্ৰিন বজাৰত উপলব্ধ৷ কিন্তু এই ছানস্ক্ৰিনসমূহত কিছুমান কেমিকেল থাকে, যিবোৰ শিশুৰ কোমল ছালৰ বাবে উপযোগী নহয়৷(১) JOURNAL OF THE AMERICAN MEDICAL ASSOCIATION ত প্ৰকাশিত এটা তথ্যৰ পৰা জানিব পৰা গৈছে যে ছানস্ক্ৰিনত এনেকুৱা কিছুমান কেমিকেল থাকে, যাক ৰক্তবাহিকাই অতি সহজে শুহি ল’ব পাৰে, যাৰ ফলত ছালৰ বিভিন্ন সমস্যাই দেখা দিব পাৰে৷
(২) সকলো ধৰণৰ ছানস্ক্ৰিনত Oxybenzone নামৰ কেমিকেল থাকে৷ এইবিধ উপাদান অতি সোনকালে ছালৰ লগত মিলি যায়৷ যিহেতু শিশুৰ ছাল অতি কোমল হয়, সেয়েহে এই উপাদানৰ ফলত খৰ, বেচু আদিৰ দৰে বিভিন্ন ধৰণৰ ছালৰ সমস্যা দেখা দিব পাৰে৷ এইবিধ উপাদানে হৰমনৰ অসন্তুলন আৰু অন্তঃস্ৰাৱী প্ৰক্ৰিয়াক প্ৰভাৱিত কৰে৷
(৩) ছানস্ক্ৰিনত থকা Octinoxate নামৰ কেমিকেলবিধে ফ্ৰি ৰেডিকেল উৎপন্ন কৰে, যাৰ বিৰূপ প্ৰভাৱ শিশুৰ ছাল আৰু কোষত পৰিব পাৰে৷
(৪) Retinyl palmitate আৰু Homosalate কেমিকেলে DNA-ক প্ৰভাৱিত কৰিব পাৰে আৰু ইয়াৰ ফলত শিশুৰ ছালৰ টিউমাৰ, কেঞ্চাৰ আদি হ’ব পাৰে৷
(৫) NCBI অনুসৰি শিশুৰ ছানস্ক্ৰিনত Oxybenzone আৰু Octocrylene থাকিব নালাগে৷ গতিকে শিশুৰ বাবে ছানস্ক্ৰিন কিনোতে এনেবোৰ উপাদান নথকা ছানস্ক্ৰিনহে কিনিব৷
আৰু চাওক-জানেনে? ব্লাড গ্ৰুপৰ ওপৰত নিৰ্ভৰ কৰে হাৰ্ট এটেকৰ সম্ভাৱনা
