শাক আমাৰ শৰীৰৰ বাবে খুবেই স্বাস্থ্যকৰ৷ কিন্তু পালেং শাক সকলোতকৈ বেছি উপকাৰী যেন বোধ হয়৷ পালেং শাক ভিটামিন আৰু খনিজৰ এটা ভাল উৎস হোৱা বাবে স্বাস্থ্যৰ পক্ষে দৰকাৰী৷ ইয়াত ভিটামিন-A, ভিটামিন-C, মেগনেচিয়াম, আইৰন, মেংগানিজ আদি প্ৰচুৰ পৰিমাণে পোৱা যায়৷ আপোনাৰ দৈনন্দিন খাদ্য তালিকাত পালেং শাক অন্তৰ্ভুক্ত কৰিলে স্বাস্থ্যৰ সমস্যা নিৰাময়ত সহায় কৰে৷ পালেং শাক খালে কি কি উপকাৰ হয় জানো আহক৷/__opt__aboutcom__coeus__resources__content_migration__simply_recipes__uploads__2010__06__spinach-seame-garlic-horiz-a-1600-0ebe05cbfb8d4e7c974a550727eeb6b4.jpg)
(১) পালেং শাকত প্ৰচুৰ পৰিমাণে লুটেইন আৰু জেক্সানথিন পোৱা যায় বাবে চকুৰ কাৰণে উপকাৰী৷ চকুৰ দৃষ্টিশক্তি উন্নত কৰা, কেৰোটিনয়ডৰ উপস্থিতিত ছানি আৰু মেকুলাৰ অৱক্ষয় প্ৰতিৰোধ কৰাত সহায় কৰে৷
(২) পালেং শাকত প্ৰচুৰ পৰিমাণে ভিটামিন-A, ভিটামিন-C, ভিটামিন-K, মেগনেচিয়াম, আইৰন আদি পোৱা যায়, যিয়ে ৰোগ প্ৰতিৰোধ ক্ষমতা বঢ়োৱাত সহায় কৰে৷
(৩) তদুপৰি পালেং শাকে অক্সিডেটিভ ষ্ট্ৰেচৰ বিৰুদ্ধে যুঁজ কৰাত সহায় কৰে৷
(৪) নাইট্ৰেট সমৃদ্ধ পালেং শাকে তেজত ৰক্তচাপৰ মাত্ৰাৰ ভাৰসাম্য বজাই ৰখাত সহায় কৰে৷ যাৰ ফলত কৰোনাৰী ৰোগৰ সম্ভাৱনা হ্ৰাস পায়৷
(৫) কেঞ্চাৰ ৰোগৰ বৃদ্ধি পালেং শাকে কমাব পাৰে৷ ইয়াত থকা MGDG আৰু SQDG উপাদান দুবিধে কেঞ্চাৰ কোষৰ সৈতে যুঁজ কৰাৰ ফলত ৰোগৰ আশংকা কমি থাকে৷
