মাছ ভাজি থাকোঁতে হঠাৎ গৰম তেল ছিটিকি পৰা নাইবা চাহ চেকি থাকোঁতে চাহ হাতত পৰা অথবা গৰম পানী, গৰম দাইল পৰি হাত পোৰাৰ দৰে ঘটনা প্ৰায় বহুতৰে ঘৰত হৈয়ে থাকে৷ এনেদৰে হাত বা শৰীৰৰ অন্য অংশ পুৰিলে বিশেষ চিন্তা কৰিবলগীয়া নাই যদিও কেতিয়াবা ই ডাঙৰ বিপদ নঘটোৱাও নহয়৷ এতিয়া কথা হ’ল এনেদৰে হাত পুৰিলে লগে লগে কি কৰিব?(১) গৰম চাহ বা ভাতৰ ফেন আদি পৰি হাত পুৰিলে বৰফ লগাব লাগে৷ কিন্তু বৰফ লগোৱাৰ আগতে হাতখন প্ৰথমে কিছু সময় ঠাণ্ডা পানীত ভিজাই ৰাখি এখন কাপোৰত কেইটুকুৰামান বৰফ বান্ধি ১৫ মিনিটমান ক্ষতস্থানত লগালে জ্বলন কমে৷
(২) জ্বলন কমোৱাত এলোভেৰা উত্তম৷ সতেজ এলোভেৰা জেলেৰে ক্ষতস্থানত ৩০ মিনিটমান মালিচ কৰিলে আৰাম পোৱা যায়৷
(৩) এলোভেৰাৰ লগত নাৰিকল তেল মিশ্ৰণ কৰি কেইদিনমান লগালে জ্বলন কম হোৱাৰ লগতে জুয়ে পোৰা দাগবোৰো নাইকিয়া হয়৷
(8) কেইটামান টী বেগ বৰফযুক্ত ঠাণ্ডা পানীত কিছু সময় তিয়াই ৰাখি সেই পানী ক্ষতস্থানত লগালে আৰাম পোৱা যায়৷
(৫) এনেদৰে প্ৰাথমিক চিকিৎসা কৰি উঠাৰ পাছতো যদি সুফল পোৱা নায়ায়, তেন্তে ততালিকে চিকিৎসকৰ পৰামৰ্শ লওক৷
