বৰ্তমান বিশ্বত ভয়াৱহভাৱে ডায়েবেটিছ ৰোগীৰ সংখ্যা বৃদ্ধি পাবলৈ ধৰিছে৷ প্ৰত্যেকদিনে অগণন লোক এই ৰোগৰ চিকাৰ হৈছে৷ ভয়ংকৰ ব্যাধিৰূপে দেখা দিছে এইবিধ ‘অজ্ঞাতে অহা’ বেমাৰে৷ ভেজাল খাদ্য, জাংকফুডৰ আকৰ্ষণ, আৰামী জীৱন-যাপন, মানসিক চাপ, প্ৰতিকূল পৰিৱেশ আদিয়েই এই ৰোগৰ প্ৰধান কাৰণ৷ সেয়েহে আপোনাৰ দেহত কিছুমান লক্ষণে দেখা দিলে পলম নকৰি আজিয়েই ব্লাড ছুগাৰ পৰীক্ষা কৰাওক৷ এনেধৰণৰ সাৱধানতাই আপোনাৰ জীৱন বচাব পাৰে৷ সেয়েহে জানো আহক আপুনি শৰীৰত এনে কি লক্ষণ দেখা দিলে ছুগাৰ টেষ্ট কৰিব৷(১) ডায়েবেটিছ ৰোগীয়ে কি খোৱা উচিত, সেই সম্পৰ্কে খুব সতৰ্ক থকা দৰকাৰ৷ খাদ্যাভ্যাসৰ সামান্য অসাৱধানতা হ’লেই এনে লোকৰ তেজত ছুগাৰৰ মাত্ৰা বাঢ়ি যাব পাৰে৷ সেয়েহে এজন ডায়েবেটিছ ৰোগীয়ে যথেষ্ট সংযতভাৱে জীৱন-যাপন কৰা উচিত৷
(২) হঠাতে খুব ক্লান্ত অনুভৱ কৰা, অলপ খোজ কাঢ়িলেই ভাগৰ লগা, শৰীৰ অৱসাদগ্ৰস্ত আদিবোৰ ডায়েবেটিছ ৰোগ কাৰণ হ’ব পাৰে৷
(৩) হাত-ভৰিৰ জিন্জিন্নি, শৰীৰৰ সিৰা-উপসিৰাবোৰ টানি ধৰা, কথাই কথাই খং উঠা আদিবোৰ এই ৰোগৰ কাৰণ৷
(8) আপোনাৰ লগাতকৈ বেছি পৰিমাণে প্ৰস্ৰাৱ হোৱা বা পানীৰ পিয়াহ লাগি থকা কাৰকবোৰো ডায়েবেটিছ ৰোগৰ প্ৰাথমিক লক্ষণ বুলি ধৰা হয়৷
(৫) গালত গুটি উঠা, ছালৰ ৰং শেঁতা পৰা, কোনো কাৰণ নোহোৱাকৈ ছাল ৰঙা পৰা আদি ছালৰ বিভিন্ন সমস্যাই দেখা দিলে আপুনি ব্লাড ছুগাৰৰ পৰীক্ষা কৰা উচিত৷
(৬) হঠাৎ চকুৰ বিকাৰ হোৱা বা চকুৰে কম দেখা পোৱা আদিয়েই ডায়েবেটিছ ৰোগৰ লক্ষণ হ’ব পাৰে৷
(৭) আপোনাৰ শৰীৰৰ যদি হঠাতে ওজন বাঢ়ি যায় বা শৰীৰৰ ওজন কমি যায়৷ তেন্তে পলম নকৰি আপুনি ব্লাড ছুগাৰৰ পৰীক্ষা কৰাই লওক৷
