Home Daily news ৰাজ্যত প্ৰথমবাৰলৈ চকলেট গছ ৰোপণ

ৰাজ্যত প্ৰথমবাৰলৈ চকলেট গছ ৰোপণ

তিনিচুকীয়া জিলাৰ ইটাখুলি উন্নয়ন খণ্ডৰ সৌজন্যত এম জি এনৰেগা আঁচনিৰ ‘স্বনিৰ্ভৰ নাৰী আত্মনিৰ্ভৰ অসম’ৰ অধীনত তিনিচুকীয়াৰ লাংকাচি গাঁৱত খেতিয়কসকলে কম সময়ৰ ভিতৰতে সৰ্বাধিক উৎপাদন কৰি লাভান্বিত হোৱাকৈ হৰেশ্বৰ ফুকন আৰু লক্ষ্মীনাথ চেতিয়াৰ প্ৰচেষ্টাত ক’ক’ [চকলেট গছ)ৰোপণৰ কাৰ্যসূচী ৰূপায়ণ কৰে৷ উজনি অসমৰ তিনিচুকীয়া জিলাৰ লাংকাচি গাঁৱত পোনপ্ৰথমবাৰৰ বাবে এই ক’ক’ (চকলেট) গছ ৰোপণ কৰিছে৷ উজনি অসমৰ এই গাঁওখন ক’ক’ (চকলেট গছ) খেতিৰ বাবে বিখ্যাত হৈ পৰিব৷ গাঁওখনৰ ৪০গৰাকীকৈ হিতাধিকাৰীক লগত লৈ প্ৰতিগৰাকী হিতাধিকাৰীৰ ৩ বিঘাকৈ মাটিত প্ৰথমবাৰৰ বাবে কৰা হ’ব এই চকলেট গছৰ খেতি৷ প্ৰতি বিঘাত ১৪০টাকৈ পুলি ৰোপণ কৰিব পৰাকৈ প্ৰায় ১৬০০তকৈ অধিক ক’ক’ পুলি (চকলেট গছ) প্ৰদান কৰে৷ হিতাধিকাৰীসকলক উদ্দেশ্যি এই খেতিৰ বিষয়ে ইটাখুলি খণ্ড উন্নয়ন বিষয়া শিখামণি গগৈয়ে সবিশেষ বৰ্ণনা কৰে৷ উল্লেখ্য যে এই খেতি ৰোপণ কৰা তিনি বছৰৰ পাছতে ইয়াৰ ফল ধৰিব৷ ই ত্ৰিশ বছৰলৈকে ফল দিব৷ যাৰ বাবে এই ক’ক’ (চকলেট গছ)ৰ খেতিয়কসকলে লাভান্বিত হ’ব পাৰিব৷ অনুষ্ঠানত অসম চৰকাৰৰ শ্ৰম আৰু চাহ জনজাতি কল্যাণ দপ্তৰৰ মন্ত্ৰী সঞ্জয় কিষাণে গছপুলি ৰোপণ কাৰ্যসূচীৰ শুভ উদ্বোধন কৰে৷ মন্ত্ৰী কিষাণে সংবাদ মাধ্যমৰ আগত জনায় যে স্ব-নিৰ্ভৰ অসম গঢ় দিবলৈ আৰু নিবনুৱাক সংস্থাপিত কৰিব পৰাকৈ অনাগত দিনত তিনিচুকীয়াৰ বিভিন্ন ঠাইত এই ক’ক’ (চকলেট গছ) পুলি প্ৰদান কৰিব৷ অৰুণ মৰাণৰ সভাপতিত্বত অনুষ্ঠিত অনুষ্ঠানত কৃষি বিভাগৰ সহকাৰী পৰিদৰ্শক পুলক গগৈ, জিলা পৰিষদৰ বিষয়ববীয়া, লাংকাচি গাঁৱৰ বিভিন্ন মহিলা গোটৰ বিষয়ববীয়াসহ স্থানীয় ৰাইজ উপস্থিত আছিল৷

Most Popular

মছলা হিচাপে খোৱা কলাজিৰাৰআছে বিস্ময়কৰ শক্তি

প্ৰাচীন কালৰে পৰা কালজিৰা মানৱদেহৰ নানা ৰোগৰ চিকিৎসাত ব্যৱহাৰ হৈ আহিছে৷ কালজিৰা অকল খাদ্যৰ সোৱাদ বৃদ্ধিতে নহয়, ইয়াৰ বীজৰ পৰা উৎপন্ন হোৱা...

ৰেস্তোৰাঁত ফলৰ ৰসৰ পৰিৱৰ্তে ডিটাৰজেণ্ট মিহলি পানী : ক’ত?

ছ’চিয়েল মিডিয়াত প্ৰকাশিত এক আজব আৰু দায়িত্বজ্ঞানহীন কৰ্মই সৰ্বসাধাৰণৰ মাজত চাঞ্চল্যকৰ সৃষ্টি কৰিছে৷ চীনৰ ৰেস্তোৰাঁত ফলৰ ৰসৰ পৰিৱৰ্তে...

মহাবিশ্বত ISRO-ৰ ৰিইউজেবললঞ্চ ভেহিকলৰ পৰীক্ষাৰ পদক্ষেপ

এটা সময়ত সমুদ্ৰ বিশ্বৰ বাণিজ্য তথা শক্তিৰ কেন্দ্ৰ আছিল৷ কিন্তু লাহে লাহে এতিয়া মহাকাশে সেই স্থান পূৰ কৰিবলৈ...

পাঁচখন গাঁৱত ধূমপান নিষিদ্ধ!জানক ইয়াৰ আঁৰৰ কথা

ধূমপানৰ পৰা হ’ব পৰা ক্ষয়-ক্ষতিৰ তালিকাখন আমাৰ সকলোৰে জ্ঞাত৷ সেয়ে সময়সাপেক্ষে কিছুমান এলেকা বা অঞ্চল ধূমপানৰ পৰা সুৰক্ষিত হ’বলৈ নিষিদ্ধ কৰা হয়৷...