Home Daily news ১৪ বছৰৰ পাছত খাৰুৱা তেলৰ সৰ্বাধিক দাম

১৪ বছৰৰ পাছত খাৰুৱা তেলৰ সৰ্বাধিক দাম

আমেৰিকা আৰু ইউৰোপিয়ান দেশে ৰাছিয়াৰ তেল আমদানিত নিষেধাজ্ঞা আৰোপ কৰাৰ বিষয়ে আলোচনা কৰা তথা ইৰানৰ সৈতে আলোচনাত পলম হোৱা বাবে যোগানৰ ভয়ৰ মাজতে যোৱা সাত মাৰ্চত তেলৰ দাম ১৩০ আমেৰিকান ডলাৰৰ অধিক হ’ল৷ ই হৈছে ২০০৮ চনৰ পৰা সৰ্বাধিক৷ আমেৰিকা আৰু ইউৰোপিয়ান মিত্ৰ দেশে ৰাছিয়াৰ পৰা তেল আমদানিত নিষেধাজ্ঞাৰ কথা বিবেচনা কৰি আছে বুলি বাতৰি ওলোৱা তথা ইৰানৰ খাৰুৱা তেল বিশ্বৰ বজাৰলৈ অহাত পলম হোৱাৰ বাবে সাত মাৰ্চত খাৰুৱা তেলৰ দাম যোৱা সপ্তাহতকৈ ২০ শতাংশ বৃদ্ধি পাইছে৷ মেহতা ইকুইটিজৰ কম’ডিটিজ বিভাগৰ উপাধ্যক্ষ ৰাহুল কালান্ত্ৰিয়ে কয় যে ২০২০ চনৰ পাছত খাৰুৱা তেলৰ সাপ্তাহিক দাম সৰ্বাধিক বৃদ্ধি পাইছে৷ ব্ৰেণ্টৰ খাৰুৱা তেলত ২১ শতাংশ আৰু ডিব্লউ টি আইৰ খাৰুৱা তেলত ২০  শতাংশ বৃদ্ধি পাইছে৷ ৰাছিয়াই দৈনিক ৪০ লাখৰ পৰা ৫০ লাখ বেৰেল তেল ৰপ্তানি কৰে৷ ৰাছিয়া হৈছে ছৌডি আৰবৰ পাছত বিশ্বৰ দ্বিতীয় সবৰ্বৃহৎ খাৰুৱা তেল ৰপ্তানিকাৰী দেশ৷ ব্ৰেণ্টৰ খাৰুৱা তেলৰ দাম  সাত মাৰ্চৰ আগবেলা প্ৰতি বেৰেলত ১৩০ আমেৰিকান ডলাৰ হ’লগৈ৷ ই ২০১২ চনৰ শীৰ্ষ মাৰ্ক বেৰেলত ১২৮ আমেৰিকান ডলাৰক চেৰ পেলালে৷ ব্ৰেণ্টৰ খাৰুৱা তেলৰ দাম ২০০৮ চনত ইতিহাসৰ ভিতৰত সৰ্বোচ্চ হৈছিল, প্ৰতি বেৰেলত ১৪৩ আমেৰিকান ডলাৰ৷ ইফালে ডলাৰ অনুসৰি টকাৰ মূল্য  সাত মাৰ্চত  সৰ্বকালৰ ভিতৰত নিম্ন হয়৷  সাত মাৰ্চত প্ৰথম ভাগত প্ৰতি ডলাৰত টকাৰ মূল্য ৭৬.৯৬ হোৱাৰ পাছত ৭৭.০১-ও হয়গৈ৷

Most Popular

বেদতে আছিল বিজ্ঞানৰ সমস্ত সূত্ৰতোলপাৰ লগাইছে এই দাবীয়ে

বিজ্ঞানৰ সমস্ত সূত্ৰ বেদতে আছিল৷ এই দাবী কৰিছে ইছৰ’ৰ অধ্যক্ষ এছ সোমনাথে৷ ভাৰতৰ মহাকাশ গৱেষণা সংস্থা চমুকৈ ইছৰ’ৰ অধ্যক্ষ সোমনাথে কোৱা মতে...

প্ৰথমবাৰৰ বাবে মঙল গ্ৰহৰপৰাপৃথিৱীলৈ এলিয়েন ছিগ্‌নেল প্ৰেৰণ

পৃথিৱীৰ বাহিৰতো আন জীৱৰ সন্ধান অব্যাহত থকা অৱস্থাত প্ৰথমবাৰৰ বাবে মঙল গ্ৰহৰ পৰা পৃথিৱীলৈ মহাবিশ্বৰ এটা সংকেত প্ৰেৰণ কৰা হৈছে৷ আন...

সুখবৰ : ডায়েবেটিছৰ বাবে বিশ্বৰ প্ৰথম অৰেল ইনছুলিন উদ্ভাৱন

বৰ্তমান বিশ্বত ডায়েবেটিছ ৰোগে ভয়াৱহভাৱে দেখা দিছে৷ অনিয়মীয়া খাদ্য গ্ৰহণ, দৈনন্দিন জীৱন প্ৰণালীৰ সালসলনি, আৰামপ্ৰিয় জীৱন, পৰিশ্ৰমহীন কৰ্ম, খাদ্য সামগ্ৰী ভেজালকৰণ ইয়াৰ...

ধুমুহা আহে লাহে লাহে

(৩১ মে' : বিশ্ব ধঁপাত-বিৰোধী দিৱস উপলক্ষে) ডাঃ অৰূপ কুমাৰ নাথঅধ্যক্ষ তথা মুখ্য পৰিচালন সঞ্চালক আৰু মুখ্য ইউৰ'লজি বিশেষজ্ঞ,