Home Fitness Plus স্মৃতিশক্তি ধৰি ৰাখিবলৈএইবোৰ অভ্যাস কৰক

স্মৃতিশক্তি ধৰি ৰাখিবলৈএইবোৰ অভ্যাস কৰক

শৰীৰ সুস্থ আৰু সবল কৰি ৰাখিবলৈ মন আৰু মগজু দুয়োটাই সুস্থ ৰখাটো অতিকে প্ৰয়োজন৷ চিন্তা কৰাৰ ক্ষমতা, নিত্য-নৈমিত্তিক কাৰ্যপ্ৰণালী আদি সুচাৰুৰূপে পৰিচালনা কৰিবলৈ মগজু বা মস্তিষ্ক শান্ত-সুস্থ হৈ থকাটো জৰুৰী৷ আনহাতে মনটো প্ৰফুল্লিত কৰি ৰাখিলেহে শৰীৰ নিৰোগী হৈ থাকিব৷ কথাতে আছে যে এটা সুস্থ মনতহে এটা সুস্থ দেহে বাস কৰে৷ সেয়েহে মন অথবা মস্তিষ্ক ঠিকমতে ৰক্ষণাবেক্ষণ যদি কৰা নহয়, তেনেহ’লে ইয়াৰ সস্পূৰ্ণ বেয়া প্ৰভাৱ স্বাস্থ্যৰ ওপৰত পৰে৷ শৰীৰ নিৰোগী কৰি লগতে মন আৰু মগজু সুস্থ-সবল কৰি ৰাখিবলৈ আপুনি এইবোৰ কাম দৈনন্দিন কৰিব পাৰে৷ যিয়ে আপোনাৰ মস্তিষ্ক সুস্থ আৰু তৰুণ আৰু ফিট কৰি ৰাখিবলৈ সমৰ্থ হ’ব৷ আপোনাৰ মস্তিষ্কৰ বাবে এটা ব্যায়াম কৰিব পাৰে৷ ইয়াৰ বাবে আপুনি নতুন কিছু কথা শিকিব পাৰে৷ আপুনি নতুন কথা বা তথ্যৰ সমল অনুসৰণ কৰিব পাৰে৷ এটা নতুন ভাষা শিকিবলৈ আগ্ৰহ প্ৰকাশ কৰিব পাৰে৷ মগজুত চিন্তাৰ পৰিসৰ বৃদ্ধি হৈ সিৰা-উপসিৰাই ক্ৰিয়া কৰিবলৈ আৰম্ভ কৰিব৷ অৰ্থাৎ মগজুৰ ব্যায়ামৰ লেখীয়া হ’ব৷ যাৰ ফলত মগজুলৈ তেজ চলাচল উন্নত হ’ব৷ অৰ্থাৎ মস্তিষ্কৰ কাৰ্যক্ষমতা যথেষ্ট উন্নত হ’ব৷ ইয়াৰ সমান্তৰালভাৱে নতুন ভাষা জ্ঞানৰ কৃতকাৰ্যতাই মনটোও আনন্দ প্ৰকাশ কৰি প্ৰফুল্লিত ভাব জগাই তুলিব৷
গান শুনা কাৰ্যই আমাৰ স্বাস্থ্যৰ ওপৰত যথেষ্ট ভাল প্ৰভাৱ পেলায়৷ আমাৰ মস্তিষ্কৰ বিভিন্ন অংগত সক্ৰিয় কৰি তোলে গান শুনাৰ ফলত৷ গান শুনিলে আমাৰ উদ্বেগ-উদ্বিগ্নতা, মানসিক চিন্তা, স্ত্ৰেচ, মনৰ বেদনা বহুখিনি লাঘৱ কৰে৷ গান শুনিলে একে সময়তে মেজাজ, মানসিক সতৰ্কতা তথা স্মৃতিশক্তিও উন্নত কৰে৷ গৱেষণাত পোৱা মতে আপুনি যেতিয়া গান শুনে বা এনেধৰণৰ সংকেত কৰ্ণগোচৰ হয়, তেতিয়া মস্তিষ্কই ডোপামিন নামৰ উপাদান নিঃসৰণ কৰে, যিয়ে আপোনাৰ মস্তিষ্ক সুস্থ ৰখাত সহায় কৰে৷
আপোনাৰ মস্তিষ্কৰ ব্যায়ামৰ বাবে এবিধ উৎকৃষ্ট পন্থা হ’ল গেম খেলাটো৷ মস্তিষ্কৰ ব্যায়ামৰ বাবে কিছুমান গেমত নিজকে নিয়োজিত কৰিব পাৰে৷ ইয়াৰ বাহিৰেও ড্ৰয়িং কৰা, ছবি অঁকা, স্কেটছ অংকন কৰা আদি কাৰ্যত জড়িত কৰিলে মগজু সক্ৰিয় হৈ থাকে৷ অৰ্ছাৎ মগজুৰ প্ৰয়োজনীয় ব্যায়াম এইবোৰ মাধ্যমেৰেও কৰিব পাৰে৷ আকৌ সময়-সুবিধা অনুসৰি স্মৃতিশক্তি উন্নত কৰিবলৈ দবা, কেৰম আদি গেমত আত্মনিয়োজন কৰিব পাৰে৷ এইধৰণৰ খেলে মস্তিষ্কৰ কাৰ্য উন্নত কৰাৰ লগতে স্মৃতিশক্তি বঢ়োৱাত সহায় কৰে৷
স্বাস্থ্যসন্মত খাদ্য আমাৰ শৰীৰৰ বাবে অত্যন্ত লাগতিয়াল৷ বিশেষকৈ মস্তিষ্কৰ বৃদ্ধি তথা বিকাশৰ বাবে কিছুমান খাদ্য আমাৰ খাদ্য তালিকাত ৰখাটো খুবেই প্ৰয়োজনীয়৷ ওমেগা৩ ফেটী এচিড, এণ্টিঅক্সিডেণ্ট, ফোলেট কোলিনৰ দৰে উপাদান সমৃদ্ধ খাদ্যই আমাৰ স্মৃতিশক্তি খৰতকীয়াভাৱে উন্নত কৰাত সহায় কৰে৷ পুষ্টিগুণসম্পন্ন খাদ্য গ্ৰহণ কৰাটো মস্তিষ্কৰ স্বাস্থ্য তথা বিকাশৰ বাবে অতি আৱশ্যক৷

Most Popular

বেদতে আছিল বিজ্ঞানৰ সমস্ত সূত্ৰতোলপাৰ লগাইছে এই দাবীয়ে

বিজ্ঞানৰ সমস্ত সূত্ৰ বেদতে আছিল৷ এই দাবী কৰিছে ইছৰ’ৰ অধ্যক্ষ এছ সোমনাথে৷ ভাৰতৰ মহাকাশ গৱেষণা সংস্থা চমুকৈ ইছৰ’ৰ অধ্যক্ষ সোমনাথে কোৱা মতে...

প্ৰথমবাৰৰ বাবে মঙল গ্ৰহৰপৰাপৃথিৱীলৈ এলিয়েন ছিগ্‌নেল প্ৰেৰণ

পৃথিৱীৰ বাহিৰতো আন জীৱৰ সন্ধান অব্যাহত থকা অৱস্থাত প্ৰথমবাৰৰ বাবে মঙল গ্ৰহৰ পৰা পৃথিৱীলৈ মহাবিশ্বৰ এটা সংকেত প্ৰেৰণ কৰা হৈছে৷ আন...

সুখবৰ : ডায়েবেটিছৰ বাবে বিশ্বৰ প্ৰথম অৰেল ইনছুলিন উদ্ভাৱন

বৰ্তমান বিশ্বত ডায়েবেটিছ ৰোগে ভয়াৱহভাৱে দেখা দিছে৷ অনিয়মীয়া খাদ্য গ্ৰহণ, দৈনন্দিন জীৱন প্ৰণালীৰ সালসলনি, আৰামপ্ৰিয় জীৱন, পৰিশ্ৰমহীন কৰ্ম, খাদ্য সামগ্ৰী ভেজালকৰণ ইয়াৰ...

ধুমুহা আহে লাহে লাহে

(৩১ মে' : বিশ্ব ধঁপাত-বিৰোধী দিৱস উপলক্ষে) ডাঃ অৰূপ কুমাৰ নাথঅধ্যক্ষ তথা মুখ্য পৰিচালন সঞ্চালক আৰু মুখ্য ইউৰ'লজি বিশেষজ্ঞ,