Home Daily news সুখবৰ : ৰাজ্যত জোৱাৰ খেতি কৰাৰ বাবে সিদ্ধান্ত

সুখবৰ : ৰাজ্যত জোৱাৰ খেতি কৰাৰ বাবে সিদ্ধান্ত

ৰাজ্যৰ কৃষকসকলৰ বাবে সুখবৰ৷ ৰাজ্য চৰকাৰখনে কৃষি  ক্ষেত্ৰখনক এক নতুন মাত্ৰা প্ৰদান কৰাৰ বাবে অসমত জোৱাৰ খেতি কৰাৰ সিদ্ধান্ত গ্ৰহণ কৰিছে৷ সেই অনুসৰি মুখ্যমন্ত্ৰী ড॰ হিমন্ত বিশ্ব শৰ্মাৰ নিৰ্দেশত ‘অসম জোৱাৰ অভিযান’ নামৰ এখন আঁচনি গ্ৰহণ  কৰা হৈছে৷ সাত বছৰীয়া এই অভিযানৰ আৰম্ভণি হ’ব ২০২২-২৩ বিত্তীয় বৰ্ষৰ পৰাই৷ উল্লেখ্য যে ভাৰত চৰকাৰে জোৱাৰ শস্য আৰু খেতিৰ প্ৰসাৰৰ বাবে গ্ৰহণ কৰা পদক্ষেপৰ প্ৰতি লক্ষ্য ৰাখি অসম চৰকাৰেও ২০২৩ বৰ্ষটো জোৱাৰ বৰ্ষ হিচাপে পালন কৰিবলৈ সাজু হৈছে৷ অসম জোৱাৰ অভিযান’ৰ অধীনত জোৱাৰ উৎপাদন কৰাই নহয় এই শস্যৰ বজাৰ তথা ন্যূনতম সমৰ্থন মূল্যও চৰকাৰে নিৰ্ধাৰণ কৰি দিব৷ আজিৰ তাৰিখত ব্যক্তিগত প্ৰচেষ্টাৰে ৰাজ্যৰ বিভিন্ন প্ৰান্তৰ খেতিয়কসকলে জোৱাৰ খেতি কৰি আছে যদিও ৰাজ্য চৰকাৰে আৰম্ভ কৰিব লগীয়া এই অভিযানে আৰম্ভণিতে ১৫খন জিলাক সামৰি ল’ব৷ 
আনকি ৰাজ্য চৰকাৰখনে এই অভিযানৰ জৰিয়তে  উৎপাদিত খাদ্য অসম সৰ্বশিক্ষা অভিযানৰ অধীনত পি এম পোষণ আঁচনিৰ যোগেদি বিদ্যালয়সমূহত যোগান ধৰাৰো পৰিকল্পনা কৰিছে৷ একেদৰে এই উৎপাদিত খাদ্য সম্ভাৰ অংগনৱাড়ী কেন্দ্ৰতো যোগান ধৰা হ’ব৷ জানিব পৰা মতে, এই অভিযানৰ সফল ৰূপায়ণৰ বাবে বিভিন্ন প্ৰতিষ্ঠিত সমিতি আৰু সংস্থালৈ ৰাজ্য চৰকাৰখনে পত্ৰ প্ৰেৰণ কৰিছে৷ হায়দৰাবাদৰ আই চি আৰ আই এছ এ টিৰ পৰা কাৰিকৰী সহায় বিচৰা হৈছে আৰু ইণ্ডিয়ান ইনষ্টিটিউট অব্‌ মিলেটছ ৰিছাৰ্চক এই অভিযানৰ সফল ৰূপায়ণৰ বাবে পৰাৰ্মশদাতা হিচাপে অন্তৰ্ভুক্ত কৰাৰ পৰিকল্পনা কৰা হৈছে৷

Most Popular

শীতকালত আপোনাৰচকুযুৰিৰ যতন কিদৰে ল’ব

আমি সকলোৱে শৰীৰৰ বিভিন্ন অংগৰ যতনৰ ওপৰত গুৰুত্ব দিওঁ৷ কিন্তু চকুৰ যতন ল’বলৈ পাহৰি যাওঁ৷ চকুযুৰিৰ জৰিয়তে আমি ধুনীয়া পৃথিৱীখনৰ সৌন্দৰ্যৰ দেখিবলৈ...

চলিত সপ্তাহত পৃথিৱীৰ একেবাৰেকাষেৰে পাৰ হ’ব এটা গ্ৰহাণু

ন্ডপৃথিৱীৰ কাষেৰে গ্ৰহাণু বা গ্ৰহাণুপুঞ্জ পাৰ হোৱাৰ ঘটনাটো নতুন নহয় যদিও পৃথিৱীৰ একেবাৰে কাষেৰে গ্ৰহাণু পাৰ হোৱাৰ ঘটনা এইবাৰ সংঘটিত হ’ব৷ চলিত...

বাহন চলিব গোবৰ গেছৰ ইন্ধনেৰে ! ক’ত, কেতিয়া?

দেশৰ বাহন নিৰ্মাণ প্ৰতিষ্ঠান মাৰুতি ছুজুকি মটৰ কৰ্প’ৰেশ্যনে ২০৩০ চনলৈকে শেহতীয়াকৈ এক দীৰ্ঘকালীন পৰিকল্পনা হাতত লৈছে৷ বাহন নিৰ্মাণ কৰা প্ৰতিষ্ঠানটোৱে আগন্তুক সময়ত...

জনসংখ্যা বৃদ্ধিৰ পদক্ষেপ : অবিবাহিত হৈও জন্ম দিব পাৰিব সন্তান ! ক’ত?

জনসংখ্যাৰ বৃদ্ধিৰ হাৰ পৃথিৱীয়ে সহিব নোৱৰাৰ সময়তে বিভিন্ন দেশে কিদৰে জনসংখ্যা ৰোধ কৰিব পাৰি তাৰ জনসংখ্যা ৰোধৰ ফলপ্ৰসূ আঁচনি ৰূপায়ণৰ চিন্তা-চৰ্চা অব্যাহত...