সাৱধান ! মহানগৰীত খাদ্য সুৰক্ষা বিভাগৰ অভিযান

0
388

মহানগৰত অব্যাহত আছে ভেজাল ফলৰ বেহা৷ গুৱাহাটীৰ বিভিন্ন প্ৰান্তৰ বজাৰত  এচাম অসাধু ব্যৱসায়ীয়ে বিষাক্ত ৰাসায়নিক দ্ৰব্য ব্যৱহাৰেৰে পকোৱা ফল বিক্ৰী কৰি আছে৷ ফাঁচি বজাৰৰ ফল-মূলৰ ব্যাৱসায়িক প্ৰতিষ্ঠানত খাদ্য সুৰক্ষা বিভাগে যোৱা ২৬ এপ্ৰিলত অভিযান চলায়৷ এম এছ ৰোড আৰু এছ আৰ চি বি ৰোডৰ সাতখনকৈ পাইকাৰী ফল-মূলৰ ব্যাৱসায়িক প্ৰতিষ্ঠানত চলা এই অভিযানত বিষাক্ত ৰাসায়নিক দ্ৰব্য ব্যৱহাৰ কৰি পকোৱা বৃহৎ পৰিমাণৰ ফল জব্দ কৰা হয়৷ 
উল্লেখ্য যে মহানগৰৰ বজাৰত উপলব্ধ ফলে আপোনাৰ জীৱনলৈ ভয়াৱহ বিপদ কঢ়িয়াই আনিছে৷ কাৰণ মহানগৰলৈ দৈনিক ট্ৰাকে ট্ৰাকে বহিঃৰাজ্যৰ পৰা আহিছে সুস্বাদু ফল৷ কিন্তু অধিক লাভৰ আশাত ব্যৱসায়ীসকলে অপৈণত অৱস্থাতে গছৰ পৰা ছিঙি অনা ফল গুৱাহাটীৰ বজাৰত বিক্ৰীৰ বাবে আনি পকাবলৈ ব্যৱহাৰ কৰিছে কেলচিয়াম কাৰ্বাইড৷ 
যি স্বাস্থ্যৰ পক্ষে যথেষ্ট ক্ষতিকাৰক৷ যাৰ ফলস্বৰূপে এনেদৰে পকোৱা ফল খোৱাটো স্বাস্থ্যৰ পক্ষে হানিকাৰক হৈ পৰিছে৷ সেয়েহে মহানগৰীৰ ফল খোৱাটো শৰীৰৰ কাৰণে বিপজ্জনক হিচাপে দেখা দিছে৷

LEAVE A REPLY

Please enter your comment!
Please enter your name here