Home Daily news সাফল্য : মহানগৰীত একেদিনাই ২১ কোটি টকা মূল্যৰ ড্ৰাগ্‌ছ জব্দ

সাফল্য : মহানগৰীত একেদিনাই ২১ কোটি টকা মূল্যৰ ড্ৰাগ্‌ছ জব্দ

অসম আৰক্ষীয়ে ড্ৰাগ্‌ছ-বিৰোধী অভিযান অব্যাহত ৰাখিছে৷ চৰকাৰৰ কঠোৰ স্থিতিৰ পাছত অসম আৰক্ষীয়ে লোৱা পদক্ষেপত ইতিমধ্যে শ শ কোটি টকাৰ ড্ৰাগ্‌ছ জব্দ হোৱাৰ পাছতো অসমৰ মাজেৰে ড্ৰাগ্‌ছ সৰবৰাহ অব্যাহত আছে৷ কিন্তু সতৰ্ক অসম আৰক্ষীৰ অভিযানত একেদিনাই গুৱাহাটীত ২১ কোটি টকাতকৈ অধিক মূল্যৰ ড্ৰাগ্‌ছ জব্দ কৰাৰ লগতে ৩টা সৰবৰাহকাৰীক  গ্ৰেপ্তাৰ কৰিবলৈ সক্ষম হয়৷ মহানগৰ আৰক্ষীয়ে চলোৱা দুটা পৃথক ড্ৰাগছ-বিৰোধী অভিযানত সোণাপুৰ আৰু গড়চুকত মুঠ ৮০ হাজাৰ য়াবা টেবলেট জব্দ কৰে৷ সোণাপুৰত সমগ্ৰ নিশা অভিযান চলোৱাৰ পাছত আজি পুৱা গুৱাহাটী অভিমুখে এখন বিলাসী গাড়ীত আনি থকা ৬০ হাজাৰ নিচাযুক্ত য়াবা টেবলেট মহানগৰ আৰক্ষীয়ে জব্দ কৰাৰ লগতে এটা সৰবৰাহকাৰীক গ্ৰেপ্তাৰ কৰে৷ গড়চুকতো এখন জাইল’ গাড়ীত সৰবৰাহ কৰিবলৈ চেষ্টা কৰা অৱস্থাত ২০ হাজাৰ য়াবা টেবলেট জব্দ কৰাৰ লগতে দুটা সৰবৰাহকাৰীক গ্ৰেপ্তাৰ কৰে৷
প্ৰাপ্ত তথ্য অনুসৰি, মহানগৰ আৰক্ষীৰ যুটীয়া আৰক্ষী আয়ুক্ত পাৰ্থ সাৰথি মহন্তৰ নেতৃত্বত চলা অভিযানত সোণাপুৰ টোলগে’টত মণিপুৰৰ পৰা গুৱাহাটী অভিমুখে আহি থকা এখন আই২০ গাড়ীত লুকুৱাই অনা প্ৰায় ৬০ হাজাৰ য়াবা টেবলেট জব্দ কৰিবলৈ সক্ষম হয়৷ উল্লেখ্য যে দিল্লীত পঞ্জীয়ন কৰা গাড়ীখনৰ পিছফালে বিশেষ চেম্বাৰ বনায় আৰু স্পেয়াৰ চকাৰ ভিতৰত কৌশলেৰে লুকুৱাই অনা প্ৰায় ৬০ হাজাৰ য়াবা টেবলেটখিনি উদ্ধাৰ হয়৷ টেবলেটখিনি আন্তঃৰাষ্ট্ৰীয় বজাৰত মূল্য প্ৰায় ১৫ কোটি টকা হ’ব বুলি আৰক্ষীয়ে অৱগত কৰিছে৷ আৰক্ষীয়ে গাড়ীখনৰ চালক মণিপুৰৰ থৌবাল জিলাৰ লিলং আৰক্ষী থানাৰ অন্তৰ্গত মায়াইলেইকাল গাঁৱৰ বাসিন্দা আজমল খানক গ্ৰেপ্তাৰ কৰে৷ আনহাতে যুটীয়া আৰক্ষী আয়ুক্ত পাৰ্থ সাৰথি মহন্তৰ নেতৃত্বত মহানগৰ আৰক্ষীয়ে চলোৱা আন এটা অভিযানত গুৱাহাটীৰ পৰা দক্ষিণ শালমাৰা-মানকাচৰ অভিমুখে গৈ থকা অৱস্থাত এখন জাইল’ গাড়ীত সৰবৰাহ কৰিবলৈ চেষ্টা কৰা ২০ হাজাৰ য়াবা টেবলেট জব্দ কৰে৷ জব্দ কৰা টেবলেটখিনিৰ মূল্য আন্তঃৰাষ্ট্ৰীয় বজাৰত প্ৰায় ৬ কোটি টকা হ’ব বুলি আৰক্ষীয়ে সদৰী কৰিছে৷

Most Popular

শীতকালত আপোনাৰচকুযুৰিৰ যতন কিদৰে ল’ব

আমি সকলোৱে শৰীৰৰ বিভিন্ন অংগৰ যতনৰ ওপৰত গুৰুত্ব দিওঁ৷ কিন্তু চকুৰ যতন ল’বলৈ পাহৰি যাওঁ৷ চকুযুৰিৰ জৰিয়তে আমি ধুনীয়া পৃথিৱীখনৰ সৌন্দৰ্যৰ দেখিবলৈ...

চলিত সপ্তাহত পৃথিৱীৰ একেবাৰেকাষেৰে পাৰ হ’ব এটা গ্ৰহাণু

ন্ডপৃথিৱীৰ কাষেৰে গ্ৰহাণু বা গ্ৰহাণুপুঞ্জ পাৰ হোৱাৰ ঘটনাটো নতুন নহয় যদিও পৃথিৱীৰ একেবাৰে কাষেৰে গ্ৰহাণু পাৰ হোৱাৰ ঘটনা এইবাৰ সংঘটিত হ’ব৷ চলিত...

বাহন চলিব গোবৰ গেছৰ ইন্ধনেৰে ! ক’ত, কেতিয়া?

দেশৰ বাহন নিৰ্মাণ প্ৰতিষ্ঠান মাৰুতি ছুজুকি মটৰ কৰ্প’ৰেশ্যনে ২০৩০ চনলৈকে শেহতীয়াকৈ এক দীৰ্ঘকালীন পৰিকল্পনা হাতত লৈছে৷ বাহন নিৰ্মাণ কৰা প্ৰতিষ্ঠানটোৱে আগন্তুক সময়ত...

জনসংখ্যা বৃদ্ধিৰ পদক্ষেপ : অবিবাহিত হৈও জন্ম দিব পাৰিব সন্তান ! ক’ত?

জনসংখ্যাৰ বৃদ্ধিৰ হাৰ পৃথিৱীয়ে সহিব নোৱৰাৰ সময়তে বিভিন্ন দেশে কিদৰে জনসংখ্যা ৰোধ কৰিব পাৰি তাৰ জনসংখ্যা ৰোধৰ ফলপ্ৰসূ আঁচনি ৰূপায়ণৰ চিন্তা-চৰ্চা অব্যাহত...