Home Diet Plus শীতকালি ছালখনৰ সুৰক্ষাৰ বাবেএইকেইবিধ ছুপাৰ ফুড খাওক

শীতকালি ছালখনৰ সুৰক্ষাৰ বাবেএইকেইবিধ ছুপাৰ ফুড খাওক


শীত হ’ল ৰুক্ষ ঋতু৷ বায়ুত আদ্ৰৰ্তাৰ পৰিমাণ কমি যোৱা হেতু শীতকালত ছালখন শুকান আৰু ৰক্ষ হৈ পৰে৷ ছালখন প্ৰাণহীন হৈ পৰে৷ কিছু শাৰীৰিক সমস্যা যেে, কাহ, চৰ্দি, জ্বৰ প্ৰভাৱ বেছি পৰাৰ সমান্তৰালকৈ এই ঋতুত ছালৰ ওপৰতো প্ৰভাৱ বিস্তাৰ কৰে৷ মুখ, ওঁঠ ফটাৰ লগতে মুখৰ উজ্জ্বলতা, সজীৱতা হেৰাই যায়৷ ইয়াৰ কাৰণ হিচাপে শৰীৰত ভিটামিন আৰু পানীৰ অভাৱ হয়৷ সেয়ে শীতত শৰীৰত পানীৰ ভাৰসাম্য বজাই ৰখাটো জৰুৰী৷ বিভিন্ন গৱেষণাত প্ৰমাণিত হৈছে যে শীতকালত কিছু ফল আৰু পাচলিয়ে ছালখনৰ সুৰক্ষাত অৰিহণা যোগায়৷ শৰীৰত পৰ্যাপ্ত পৰিমাণৰ ভিটামিন আৰু তৰল পদাৰ্থ যোগান ধৰে৷ এইবোৰ পাচলিয়ে শৰীৰৰ পৰা ক্ষতিকাৰক পদাৰ্থ বাহিৰ কৰাতো সহায় কৰে৷ তেজ বিশুদ্ধ কৰা তথা ছালখনে প্ৰাকৃতিক আভা পায়৷ কি কি ছুপাৰ ফুডে ছালখনক পুষ্টি যোগায়, জানো আহক৷
গাজৰ অণ্টিঅক্সিডেণ্ট, ভিটামিন-চি, বিটা কেৰ’টিন, বিভিন্ন প্ৰকাৰৰ পুষ্টিকৰ উপাদানেৰে ভৰপূৰ৷ এই উদাপাদবোৰে শৰীৰৰ পৰা টক্সিন বাহিৰ কৰাত মুখ্য ভূমিকা গ্ৰহণ কৰে৷ শৰীৰত ক’লাজেন প্ৰস্তুত কৰে৷ ছালৰ শুষ্কতা তথা টনটনি ভাব নাইকিয়া কৰি ছালখনক উজ্জ্বলতা তথা সজীৱতা প্ৰদান কৰে৷ আনহাতে গাজৰে ছালখনক ভিতৰৰ পৰা সুৰক্ষা দিয়ে৷
ভিটামিন-চি, ভিটামিন-এ, ভিটামিন-ই, আদি বিভিন্ন প্ৰয়োজনীয় উপাদানেৰে সেউজীয়া শাক পালেং সমৃদ্ধ৷ আনহাতে পালেং শাকত প্ৰদাহ বিৰোধী উপাদান পোৱা যায়৷ বিশেষজ্ঞই জনোৱা মতে পালেং শাকে ছালৰ অক্সিডেটিভ ষ্টে˜চ, প্ৰদাহ, ভাইৰাছৰ আক্ৰমণ তথা ছালৰ আন আন সমস্যাৰ পৰা সুৰক্ষা দিয়ে৷ ছালৰ বাৰ্ধক্য ৰোধ কৰিবলৈ, ছালৰ শুষ্কতা, মুখত পৰা ক’লা দাগ আদিৰ পৰা মুক্তি পাবলৈ নিয়মিতভাৱে পালেং শাক খাওক৷
বেদনাত এণ্টিমাইক্ৰ’বিয়েল উপাদান থাকে৷ যাৰ ফলত ছালখনৰ লগতে দেহক বেক্টেৰিয়াৰ সংক্ৰমণৰ পৰা ৰক্ষা কৰে৷ নিয়মিতভাৱে বেদনা বা ডালিম খালে ব্ৰুণৰ সমস্যা দূৰ হয়৷ ছালৰ জ্বলন তথা তৈলাক্ত ভাব ধৰি ৰাখিবলৈ বেদনা খাব পাৰে৷
কমলা টেঙা এণ্টিঅক্সিডেণ্টৰ ভাণ্ডাৰ৷ কমলাত থকা ভিটামিন-চি ছালৰ সু¸স্বাস্থ্যৰ বাবে বিস্ময়কৰভাৱে ফলপ্ৰদ কমলাই মুখৰ সৌন্দৰ্য ৰক্ষা কৰাত গুৰুত্বপূৰ্ণ ভূমিকা পালন কৰে৷ ছালৰ শুষ্কতা, ৰুক্ষতা দূৰ কৰি ছালখন উজ্জ্বল, কোমল কৰি তোলে৷
মধুৰিআম ভিটামিন-এ, ভিটামিন-চি, বিটা কেৰ’টিন, লাইকোপিনৰ দুৰ্দান্ত উৎস৷ এইবোৰ উপাদানে ছালৰ ক’লাজেন তৈয়াৰ কৰাত সহায় কৰে৷ সেয়ে ছালৰ শুষ্কতা, টানটান ভাব নোহোৱা কৰে ছালখন স্বাভাৱিক কৰি ৰাখে৷ ছালৰ বাৰ্ধত্যৰ চাপৰ প্ৰক্ৰিয়াত বিলম্ব কৰি ছালখন সতেজ, নমনীয় কৰি ৰাখে৷

Most Popular

শীতকালত আপোনাৰচকুযুৰিৰ যতন কিদৰে ল’ব

আমি সকলোৱে শৰীৰৰ বিভিন্ন অংগৰ যতনৰ ওপৰত গুৰুত্ব দিওঁ৷ কিন্তু চকুৰ যতন ল’বলৈ পাহৰি যাওঁ৷ চকুযুৰিৰ জৰিয়তে আমি ধুনীয়া পৃথিৱীখনৰ সৌন্দৰ্যৰ দেখিবলৈ...

চলিত সপ্তাহত পৃথিৱীৰ একেবাৰেকাষেৰে পাৰ হ’ব এটা গ্ৰহাণু

ন্ডপৃথিৱীৰ কাষেৰে গ্ৰহাণু বা গ্ৰহাণুপুঞ্জ পাৰ হোৱাৰ ঘটনাটো নতুন নহয় যদিও পৃথিৱীৰ একেবাৰে কাষেৰে গ্ৰহাণু পাৰ হোৱাৰ ঘটনা এইবাৰ সংঘটিত হ’ব৷ চলিত...

বাহন চলিব গোবৰ গেছৰ ইন্ধনেৰে ! ক’ত, কেতিয়া?

দেশৰ বাহন নিৰ্মাণ প্ৰতিষ্ঠান মাৰুতি ছুজুকি মটৰ কৰ্প’ৰেশ্যনে ২০৩০ চনলৈকে শেহতীয়াকৈ এক দীৰ্ঘকালীন পৰিকল্পনা হাতত লৈছে৷ বাহন নিৰ্মাণ কৰা প্ৰতিষ্ঠানটোৱে আগন্তুক সময়ত...

জনসংখ্যা বৃদ্ধিৰ পদক্ষেপ : অবিবাহিত হৈও জন্ম দিব পাৰিব সন্তান ! ক’ত?

জনসংখ্যাৰ বৃদ্ধিৰ হাৰ পৃথিৱীয়ে সহিব নোৱৰাৰ সময়তে বিভিন্ন দেশে কিদৰে জনসংখ্যা ৰোধ কৰিব পাৰি তাৰ জনসংখ্যা ৰোধৰ ফলপ্ৰসূ আঁচনি ৰূপায়ণৰ চিন্তা-চৰ্চা অব্যাহত...