শিশুৰ স্মৃতিশক্তি বঢ়াবলৈ এইবোৰ খাদ্য নিয়মিতভাৱে খুৱাওক

0
327

শিশু অৱস্থা বা শিশুকালত আপোনাৰ সন্তানক পুষ্টিকৰ খাদ্য খুওৱাটো অত্যন্ত দৰকাৰ৷ কিয়নো এই সময়খিনিত শিশু এটিৰ পুষ্টিকৰ খাদ্য যিমান প্ৰয়োজন, শিশুটিৰ মানসিক, শাৰীৰিক বিকাশৰ বাবে প্ৰয়োজনীয় সুষম আহাৰ৷ এই সময়ছোৱাত পুষ্টিকৰ খাদ্যৰ অভাৱ হ’লে মস্তিষ্কৰ বিকাশ, স্মৃতিশক্তিৰ বিকাশত ব্যাধাত জন্মিব পাৰে৷ ইউনিছেফে জনোৱা অনুসৰি ৩ বছৰৰ পৰা ৫ বছৰ বয়সৰ শিশুৰ ক্ষেত্ৰত খাদ্য খোৱাৰ আটাইতকৈ গুৰুত্ব দিব লাগে৷ তেতিয়াহে শিশুৰ মন, শৰীৰ তথা স্মৃতিশক্তিৰ সঠিক বিকাশ হ’ব পাৰে৷ এই বয়সৰ সৰু ল’ৰা-ছোৱালীৰ কি কি খাদ্য খুওৱা উচিত জানো আহক৷
আমাৰ মস্তিষ্কৰ গঠন তথা বিকাশৰ বাবে ওমেগা৩ অত্যন্ত গুৰুত্বপূৰ্ণ উপাদান৷ শৰীৰত ইয়াৰ অভাৱ হ’লে মস্তিষ্কৰ সঠিক বিকাশত ব্যাধাত জন্মিব পাৰে৷ ইয়াৰ উপৰি স্মৃতিশক্তি দুৰ্বল হ’ব পাৰে ওমেগা-৩ৰ অভাৱ হ’লে৷ সেয়েহে ওমেগা-৩যুক্ত খাদ্য কণী, মাছ অদি শিশু অৱস্থাত খাবলৈ দিব লাগে, যিয়ে শিশুটিৰ মগজু তথা স্মৃতিশক্তিৰ সঠিক বিকাশ সাধন কৰে৷
বিভিন্ন বাদামজাতীয় বীজ শিশুক খাদ্য হিচাপে গ্ৰহণ কৰিব দিব, কিয়নো এইধৰণৰ খাদ্যত ওমেগা৩ যথেষ্ট পৰিমাণে থাকে৷
সেউজীয়া শাক-পাচলি শিশুক যথেষ্ট পৰিমাণে খোৱাৰ অভ্যাস কৰক৷ সেউজীয়া শাকত যথেষ্ট পৰিমাণে ভিটামিন, বিটা কেৰটিন, ফলেট থাকে, যিয়ে মস্তিষ্কৰ গঠন, বিকাশত সহায় কৰে৷ লগতে পঢ়া-শুনাত মনোযোগ বঢ়াই স্মৃতিশক্তি উন্নত কৰাত সহায় কৰে এইবোৰ শাক-পাচলিয়ে৷
শিশু কালত বিভিন্ন ৰকমৰ বেৰীজাতীয় ফল খাবলৈ দিয়ক৷ এইবোৰ ভিটামিন-চি থকাৰ লগতে আইৰন, মেগমেচিয়াম, কেলচিয়াম, পটাচিয়াম, ফচফৰাছ, জিংক আদি নানা উপাদান পোৱা যায়৷ শিশুৰ মানসিক বিকাশ, স্মৃতিশক্তি বঢ়োৱাত এইবোৰ ফলে যথেষ্ট সহায় কৰে৷
ওটছত প্ৰচপৰ পৰিমাণে ফাইবাৰ থাকে৷ পেটৰ বিভিন্ন সমস্যা, শৰীৰৰ বেয়া কলেষ্টৰেলৰ পৰিমাণ কমোৱাৰ লগতে শৰীৰৰ বাবে উপকাৰী বেক্টেৰিয়া বঢ়োৱাত ওটছে সহায় কৰে৷ নিয়মিতভাৱে শিশুৱে ওটছ খালে পৰোক্ষভাৱে মস্তিষ্কৰ বিকাশত সহায় কৰে৷

LEAVE A REPLY

Please enter your comment!
Please enter your name here