Home Daily news মে’ মাহৰ পৰা ৰাজ্যত জাপানীজ এনকেফেলাইটিছৰ প্ৰাদুৰ্ভাৱ বৃদ্ধি

মে’ মাহৰ পৰা ৰাজ্যত জাপানীজ এনকেফেলাইটিছৰ প্ৰাদুৰ্ভাৱ বৃদ্ধি

ৰাজ্যত এই বছৰৰ মে’ মাহৰ পৰা জাপানীজ এনকেফেলাইটিছ বৃদ্ধি পাইছে৷ দক্ষিণ শালমাৰা, ডিমা হাছাও আৰু পশ্চিম কাৰ্বি আংলঙৰ বাহিৰে প্ৰায় সকলো জিলাতে কিছু পৰিমাণে হ’লেও এই ৰোগে প্ৰভাৱিত কৰিছিল৷ এই ৰোগত আক্ৰান্তৰ সংখ্যা মে’ মাহৰ পৰা জুলাইৰ প্ৰথম সপ্তাহলৈ বৃদ্ধি পাইছিল৷ কিন্তু ৰোগবিধক নিয়ন্ত্ৰণ কৰিবলৈ চৰকাৰে গ্ৰহণ কৰা বিভিন্ন ব্যৱস্থাৰ পিছত জুলাই মাহৰ দ্বিতীয় সপ্তাহৰ পৰা আক্ৰান্তৰ সংখ্যাৰ লগতে জাপানীজ এনকেফেলাইটিছত মৃত্যু হোৱাৰ সংখ্যা যথেষ্ট পৰিমাণে হ্ৰাস পায়৷ 
নগাঁও জিলাত উদ্বেগজনকভাৱে জাপানীজ এনকেফেলাইটিছত আক্ৰান্ত ৰোগীৰ সংখ্যা বৃদ্ধি পায়৷ জিলাখনত এতিয়ালৈকে মুঠ ৪৪ গৰাকী লোক জে ইৰ দ্বাৰা আক্ৰান্ত হয়৷ সমান্তৰালকৈ যোৰহাটত ৩৭ আৰু গোলাঘাটত ৩৪ গৰাকী লোক আক্ৰান্ত হৈ প্ৰাদুৰ্ভাৱ বৃদ্ধি পোৱা পৰিলক্ষিত হৈছে৷ ২৭ জুলাইলৈকে ৰাজ্যত জাপানীজ এনকেফেলাইটিছত আক্ৰান্ত হোৱা মুঠ ৰোগীৰ সংখ্যা হৈছে ৩০৩জন আৰু মৃত্যুৰ সংখ্যা ৪৫জন৷ গড় হিচাপত প্ৰতিদিনে ৩.২৪ গৰাকী আক্ৰান্তক চিনাক্ত কৰা হৈছে৷ 
আনহাতে গোৱালপাৰা জিলাত চলিত জুলাই মাহতে আঠগৰাকী লোক জাপানীজ এনকেফেলাইটিছ ৰোগত আক্ৰান্ত হোৱা বুলি জানিব পৰা গৈছে৷ যোৱা চাৰি জুলাইত স্বাস্থ্য বিভাগে জিলাখনত কৃষ্ণাই ভেলাখামাৰত প্ৰথমগৰাকী আক্ৰান্ত হিচাপে ববিতা নাথক চিনাক্ত কৰে৷ ইয়াৰ পাছত টিপলাই গৰুচট্‌কাত মুছপিয়াৰা খাতুন, চুনাৰীৰ ঘুণীমাৰী চৰৰ ছানিদুল ইছলাম, কৃষ্ণাই নয়াপাৰাৰ ছানোৱাৰ ইছলাম আৰু লক্ষীপুৰ ছুপাৰভিটাৰ মছলেমুদ্দিন এই ৰোগত আক্ৰান্ত হয়৷

Most Popular

নাছাই ক’লে : পৃথিৱীৰ পৰা মঙল গ্ৰহ পাবলৈ মাত্ৰ ৪৫ দিন লাগিব

বিশ্বৰ কেইবাখনো দেশে মঙল গ্ৰহলৈ মানুহ পঠিয়াবলৈ প্ৰস্তুতি চলাইছে৷ আমেৰিকাৰ মহাকাশ সংস্থা নাছাৰ মতে, পৃথিৱীৰ পৰা মঙল গ্ৰহলৈ...

স্মাৰ্টফোনৰ তলৰ ফুটাটোৰ কাম কি : আপুনি হয়তো নাজানে?

মানৱ জীৱনশৈলীত মোবাইল ফোনটো এতিয়া এটা অবিচ্ছেদ্য অংগ হৈ পৰিছে৷ হাতৰ টিপতে সমস্ত বিশ্বখন হাতে পোৱা, সকলো স্তৰৰ খবৰ, বিত্তীয় লেনদেন, যোগাযোগ...

কঠোৰ হৈছে ৰাজ্য চৰকাৰঅসমত বাল্য বিবাহৰ ভয়াৱহ ছবি

বাল্য বিবাহৰ বিৰুদ্ধে কঠোৰ হৈছে ৰাজ্য চৰকাৰ৷ ৰাষ্ট্ৰীয় পৰিয়াল স্বাস্থ্য সমীক্ষা-৫ত অসমত বাল্য বিবাহ আৰু কম বয়সতে মাতৃত্বৰ বোজা বহন কৰিবলগীয়া...

মনৰ পৰা এইবোৰ ভাবনা দূৰকৰিলে নিজেই নিজৰ অনুপ্ৰেৰণা হ’ব

এজন সুস্থ-সবল মানবৰ হিচাপে জীৱন নিৰ্বাহ কৰিবলৈ শাৰীৰিক সুস্থতাৰ লগতে প্ৰয়োজন মানসিক দৃঢ়তাও৷ মানৱ জীৱনত কিন্তু সকলো সময়তে...