Home Daily news মৃত্যুৰ আগমুহূৰ্তৰ চিন্তা আবদ্ধ হ’ল বিশেষ যন্ত্ৰত

মৃত্যুৰ আগমুহূৰ্তৰ চিন্তা আবদ্ধ হ’ল বিশেষ যন্ত্ৰত

প্ৰথমবাৰৰ বাবে এজন ব্যক্তিৰ মৃত্যু ওচৰ চাপি অহাৰ আগমুহূৰ্তত মানুহজনৰ মনত সেই সময়ছোৱাত ঘটে, এই সকলোবোৰ কাৰ্যক্ৰমণিকা বিজ্ঞানীয়ে এটা বিশেষ যন্ত্ৰত আবদ্ধ কৰিবলৈ সক্ষম হৈছে৷ বিজ্ঞানীসকলে দাবী কৰিছে যে মৃত্যুৰ ১৫ মিনিট সময় আগতে মানুহ এজনৰ মগজুয়ে শেষ মুহূৰ্তত তেওঁৰ জীৱনৰ ভাল স্মৃতিবোৰ মনত পেলায়৷  শেহতীয়া অধ্যয়ন অনুসৰি বিজ্ঞানীসকলে দুৰ্ঘটনাক্ৰমে মানুহৰ আটাইতকৈ জটিল অংগ, মগজুত ঘটা কিছুমান মুহূৰ্ত আবদ্ধ কৰি ৰাখিবলৈ সক্ষম হয়৷ মৃত্যুৰ সময়ত এজন ব্যক্তিয়ে শেষমুহূৰ্তত কি ভাবে, সেয়া বিজ্ঞানীসকলে লিপিবদ্ধ কৰিছে৷ দৰাচলতে অধ্যয়নটো চলোৱা হৈছিল এজন চিকিৎসাধীন এজন ৰোগীৰ ক্ষেত্ৰত৷ মৃগীৰোগত আক্ৰান্ত বৃদ্ধ লোকজনৰ চিকিৎসাধীন অৱস্থাতে মৃত্যু হয়৷ লোকজন ইলেক্ট্ৰএনচেফালোগ্ৰাম বা ই ই জিৰ সৈতে সংলগ্ন হৈ আছিল৷ মৃত লোকজনৰ মৃত্যুৰ পূৰ্বৰ ১৫ মিনিটৰ আবদ্ধ কৰি ৰখা হৈছে, যাৰ পৰা স্পষ্টকৈ জানিবলৈ পোৱা হৈছে যে ব্যক্তিজনে তেওঁৰ জীৱনৰ শেষ মুহূৰ্তত ভাল স্মৃতিবোৰ মনত পেলাইছিল৷ গৱেষণাটোত কোৱা হৈছে যে এজন ব্যক্তিৰ মৃত্যুৰ আগমুহূৰ্তত মগজু অতি সক্ৰিয় হৈ থাকে৷ আনহাতে শেষ মুহূৰ্তত মানুহৰ মন এনে অৱস্থাত উপনীত হয় যেন কোনোবাই সপোনহে দেখি আছে৷ আচৰিত কথাটো হ’ল সেই সময়ত মানুহৰ শৰীৰ জঠৰ হৈ পৰিলেও, কিন্তু অন্তিম পৰ্যায়ত উপনীত হোৱাৰ পাছতো মনটোৱে কিছুসময়ৰ বাবে সঠিকভাৱে কাম কৰি থাকে৷ এই গৱেষণাটো কৰা লুইচডিল জেম্মাৰ বিশ্ববিদ্যালয়ৰ নিউৰ’ছাৰ্জন ডাঃ আজমল জেম্মাৰে জনোৱা মতে গামা দোলন তৰংগৰ সময়ত মানুহৰ মগজুৱে পুৰণি কালৰ ভাল লগা স্মৃতিবোৰ মনত ৰাখিবলৈ আৰম্ভ কৰে৷ মানুহৰ বাহিৰে নিগনিৰ ক্ষেত্ৰতো মৃত্যুৰ সময়ত একেধৰণৰ পৰিঘটনা দেখিবলৈ পোৱা যায়৷ কিন্তু মানুহৰ ক্ষেত্ৰত পূৰ্বতে কেতিয়াও এনেকুৱা তথ্য পোৱা হোৱা নাছিল৷ প্ৰতিবেদনখনত উল্লেখ কৰা অনুসৰি ইয়াৰ অৰ্থ হৈছে যে গোটেই বিষয়টো এতিয়াও অধিক গৱেষণাৰ প্ৰয়োজন৷ কিন্তু নিশ্চিত ৰূপত কোৱা হয় যে এজন ব্যক্তিৰ মৃত্যুৰ আগতে তেওঁৰ সৰ্বশ্ৰেষ্ঠ স্মৃতিবোৰ মনত পেলাবলৈ ধৰে৷

Most Popular

পাঁচখন গাঁৱত ধূমপান নিষিদ্ধ!জানক ইয়াৰ আঁৰৰ কথা

ধূমপানৰ পৰা হ’ব পৰা ক্ষয়-ক্ষতিৰ তালিকাখন আমাৰ সকলোৰে জ্ঞাত৷ সেয়ে সময়সাপেক্ষে কিছুমান এলেকা বা অঞ্চল ধূমপানৰ পৰা সুৰক্ষিত হ’বলৈ নিষিদ্ধ কৰা হয়৷...

শীতকালত আপোনাৰচকুযুৰিৰ যতন কিদৰে ল’ব

আমি সকলোৱে শৰীৰৰ বিভিন্ন অংগৰ যতনৰ ওপৰত গুৰুত্ব দিওঁ৷ কিন্তু চকুৰ যতন ল’বলৈ পাহৰি যাওঁ৷ চকুযুৰিৰ জৰিয়তে আমি ধুনীয়া পৃথিৱীখনৰ সৌন্দৰ্যৰ দেখিবলৈ...

চলিত সপ্তাহত পৃথিৱীৰ একেবাৰেকাষেৰে পাৰ হ’ব এটা গ্ৰহাণু

ন্ডপৃথিৱীৰ কাষেৰে গ্ৰহাণু বা গ্ৰহাণুপুঞ্জ পাৰ হোৱাৰ ঘটনাটো নতুন নহয় যদিও পৃথিৱীৰ একেবাৰে কাষেৰে গ্ৰহাণু পাৰ হোৱাৰ ঘটনা এইবাৰ সংঘটিত হ’ব৷ চলিত...

বাহন চলিব গোবৰ গেছৰ ইন্ধনেৰে ! ক’ত, কেতিয়া?

দেশৰ বাহন নিৰ্মাণ প্ৰতিষ্ঠান মাৰুতি ছুজুকি মটৰ কৰ্প’ৰেশ্যনে ২০৩০ চনলৈকে শেহতীয়াকৈ এক দীৰ্ঘকালীন পৰিকল্পনা হাতত লৈছে৷ বাহন নিৰ্মাণ কৰা প্ৰতিষ্ঠানটোৱে আগন্তুক সময়ত...