Home Daily news মহানগৰীত মহৰ বংশবৃদ্ধি ৰোধৰ বাবে জি এম চিৰ ব্যতিক্ৰমী পদক্ষেপ

মহানগৰীত মহৰ বংশবৃদ্ধি ৰোধৰ বাবে জি এম চিৰ ব্যতিক্ৰমী পদক্ষেপ

মহ হৈছে বিভিন্ন ৰোগৰ বাহক৷ মহৰ জৰিয়তে আমাৰ শৰীৰত বিভিন্ন ৰোগ বীজাণুৰ সংক্ৰমণ হয়৷ মেলেৰিয়া, টাইফয়েড, ডেংগু আদিকে ধৰি নানা ৰোগৰ সংক্ৰমণ মহৰ দ্বাৰা বিয়পে৷ মানুহৰ বাবে ক্ষতিকাৰক ৰোগৰ বাহক প্ৰাণীবিধে নলা-নৰ্দমা, আৱৰ্জনা, গেলা-পচা সামগ্ৰী, আবদ্ধ পানীত কণী পাৰি দ্ৰুতভাৱে নিজৰ বংশবৃদ্ধি কৰে৷ মহৰ পৰা বাচিবলৈ মহৰ কণী পৰা ঠাইবোৰ সদায় পৰিষ্কাৰ-পৰিচ্ছন্নকৈ ৰাখিব লাগে, যাতে কণী পৰা বাবে উপযুক্ত ঠাইৰ অভাৱ হয়৷ ইয়াৰ ফলত সহজে বংশবৃদ্ধি নহ’ব৷ বিশেষকৈ গুৱাহাটী মহানগৰৰ লেতেৰা নলাবোৰৰ মহে কণী পৰাৰ উপযুক্ত ঠাই হিচাপে বাছি লয়৷ 
ইয়াৰ প্ৰতিৰোধৰ ব্যৱস্থা হিচাপে গুৱাহাটী পৌৰ নিগমে এক আদৰণীয় পদক্ষেপ গ্ৰহণ কৰিছে৷ এই পদ্ধতিৰ জৰিয়তে মহৰ বংশবৃদ্ধি ৰোধ কৰিবলৈ লক্ষম হ’ব বুলি ভবা হৈছে৷ মহৰ বংশবৃদ্ধি ৰেধৰ বাবে জি এম চিয়ে গুৱাহাটী ৰে’লৱে কলনিৰ ৩১ নং ৱাৰ্ডৰ নলাবোৰত গুপ্পি আৰু গুম্বেচিয়া নামৰ মাছৰ প্ৰজাতিৰ পাঁচ শতাধিক পোনা এৰি দিছে৷ পৌৰ নিগমৰ মেয়ৰ মৃগেন শৰণীয়াই জানিবলৈ দিয়া মতে এই প্ৰজাতিৰ মাছে মহে পৰা কণী খাই মহৰ বংশবৃদ্ধি ৰোধ কৰিবলৈ সক্ষম হ’ব৷ পৰৱৰ্তী পৰ্যায়ত মহানগৰীৰ আন আন অঞ্চলসমবলৈও এইদৰে মহৰ বংশবৃদ্ধি ৰোধৰ বাবে নৱা মাছৰ পোনা এৰি দিয়াৰ বৱ্যৱস্থা গ্ৰহণ কৰা হ’ব বুলি মেয়ৰজনে সদৰী কৰিছে৷ ৰাজ্য চৰকাৰৰ স্বাস্থ্য বিভাগৰ সহযোগত গুৱাহাটী পৌৰ নিগমৰ এনে আদৰণীয় পদক্ষেপক সকলোৱে শলাগিছে৷

Most Popular

বেদতে আছিল বিজ্ঞানৰ সমস্ত সূত্ৰতোলপাৰ লগাইছে এই দাবীয়ে

বিজ্ঞানৰ সমস্ত সূত্ৰ বেদতে আছিল৷ এই দাবী কৰিছে ইছৰ’ৰ অধ্যক্ষ এছ সোমনাথে৷ ভাৰতৰ মহাকাশ গৱেষণা সংস্থা চমুকৈ ইছৰ’ৰ অধ্যক্ষ সোমনাথে কোৱা মতে...

প্ৰথমবাৰৰ বাবে মঙল গ্ৰহৰপৰাপৃথিৱীলৈ এলিয়েন ছিগ্‌নেল প্ৰেৰণ

পৃথিৱীৰ বাহিৰতো আন জীৱৰ সন্ধান অব্যাহত থকা অৱস্থাত প্ৰথমবাৰৰ বাবে মঙল গ্ৰহৰ পৰা পৃথিৱীলৈ মহাবিশ্বৰ এটা সংকেত প্ৰেৰণ কৰা হৈছে৷ আন...

সুখবৰ : ডায়েবেটিছৰ বাবে বিশ্বৰ প্ৰথম অৰেল ইনছুলিন উদ্ভাৱন

বৰ্তমান বিশ্বত ডায়েবেটিছ ৰোগে ভয়াৱহভাৱে দেখা দিছে৷ অনিয়মীয়া খাদ্য গ্ৰহণ, দৈনন্দিন জীৱন প্ৰণালীৰ সালসলনি, আৰামপ্ৰিয় জীৱন, পৰিশ্ৰমহীন কৰ্ম, খাদ্য সামগ্ৰী ভেজালকৰণ ইয়াৰ...

ধুমুহা আহে লাহে লাহে

(৩১ মে' : বিশ্ব ধঁপাত-বিৰোধী দিৱস উপলক্ষে) ডাঃ অৰূপ কুমাৰ নাথঅধ্যক্ষ তথা মুখ্য পৰিচালন সঞ্চালক আৰু মুখ্য ইউৰ'লজি বিশেষজ্ঞ,