Home Daily news ভাৰত বিশ্বৰ তৃতীয় সবৰ্বৃহৎ অৰ্থনীতিৰ দেশ হ’ব : কেতিয়া ?

ভাৰত বিশ্বৰ তৃতীয় সবৰ্বৃহৎ অৰ্থনীতিৰ দেশ হ’ব : কেতিয়া ?

বিনিয়োগ বৃদ্ধি কৰাৰ ক্ষেত্ৰত নীতিৰ সলনি, জনসংখ্যাগত সুবিধা আৰু ৰাজহুৱা ডিজিটেল আন্তঃগাঁথনিয়ে ২০২৭ চনৰ ভিতৰত ভাৰতক বিশ্বৰ তৃতীয় সবৰ্বৃহৎ অৰ্থনীতিৰ দেশলৈ উন্নীত কৰাব৷ মৰ্গান ষ্টেনলীয়ে এই পূৰ্বানুমান
 কৰিছে৷ মৰ্গান ষ্টেনলীয়ে আৰু কয় যে ভাৰতৰ মুঠ ঘৰুৱা উৎপাদন [জি ডি পি] অহা ১০ বছৰত বৰ্তমানৰ ৩.৪ ট্ৰিলিয়ন ডলাৰৰ পৰা ৯.৫ ট্ৰিলিয়ন ডলাৰলৈ বৃদ্ধি পাব৷ ‘ফাইনেন্সিয়েল টাইমছ’ত প্ৰকাশিত এটা লেখাত মৰ্গান ষ্টেনলীৰ মুখ্য এছীয় অৰ্থনীতিবিদ চেতন আহ্যই লিখিছে, ক্ৰমবৰ্ধিতভাৱে, প্ৰতি বছৰে ভাৰতৰ জি ডি পিত ৪০০ বিলিয়নকৈ অধিক ডলাৰ যোগ হ’ব৷ এই মাত্ৰাতকৈ কেৱল আমেৰিকা আৰু চীনৰ মাত্ৰাহে বেছি৷ চৰকাৰৰ নীতি সলনিৰ ক্ষেত্ৰত তেওঁ সামগ্ৰী আৰু সেৱা কৰৰ [জি এছ টি] ৰূপত কৰ সংস্কাৰ, কৰ্পৰেট
 কৰৰ হাৰত কৰ্তন আৰু উৎপাদন সম্পৰ্কীয়
 উদগনিমূলক আঁচনিৰ উদাহৰণ দিয়ে৷ 
তেওঁ কয় যে বহুমেৰুৰ বিশ্বত য’ত কোম্পানীবোৰে তেওঁলোকৰ যোগান শৃংখলা বহুমুখী কৰিছে, তাত ভাৰত লক্ষ্যস্থান হৈ পৰিছে৷ তেওঁ আৰু কয় যে ভাৰত এনে এটা পৰ্যায়ত সোমাই পৰিছে, য’ত আয় দ্ৰুত হাৰত গুণাত্মক অনুক্ৰমত বৃদ্ধি পাব৷ তেওঁ কয় যে ভাৰতে জি ডি পি ৩ ট্ৰিলিয়ন ডলাৰ কৰিবলৈ ১৯৯১ চনৰ পৰা ৩১ বছৰ সময় ল’লে ৷ আমাৰ পূৰ্বানুমান
ৰ মতে এই জি ডি পি অতিৰিক্ত ৩ ট্ৰিলিয়ন বৃদ্ধি পাবলৈ মাত্ৰ সাত বছৰ সময় ল’ব৷ তেওঁ ভাৰত আৰু আন দেশবোৰৰ মাজত ডিজিটেল আন্তঃগাঁথনিৰ ক্ষেত্ৰত থকা পাৰ্থক্যও দেখুৱায়৷ ভাৰতে এক ডিজিটেল আন্তঃগাঁথনি তৈয়াৰ কৰিছে, যি আন্তঃগাঁথনিৰ ভেটি হৈছে আধাৰ৷ আনহাতে অন্য দেশবোৰে ব্যক্তিগত খণ্ডৰ নেটৱৰ্কৰ পথ ব্যৱহাৰ কৰিছে৷

Most Popular

বাহন চলিব গোবৰ গেছৰ ইন্ধনেৰে ! ক’ত, কেতিয়া?

দেশৰ বাহন নিৰ্মাণ প্ৰতিষ্ঠান মাৰুতি ছুজুকি মটৰ কৰ্প’ৰেশ্যনে ২০৩০ চনলৈকে শেহতীয়াকৈ এক দীৰ্ঘকালীন পৰিকল্পনা হাতত লৈছে৷ বাহন নিৰ্মাণ কৰা প্ৰতিষ্ঠানটোৱে আগন্তুক সময়ত...

জনসংখ্যা বৃদ্ধিৰ পদক্ষেপ : অবিবাহিত হৈও জন্ম দিব পাৰিব সন্তান ! ক’ত?

জনসংখ্যাৰ বৃদ্ধিৰ হাৰ পৃথিৱীয়ে সহিব নোৱৰাৰ সময়তে বিভিন্ন দেশে কিদৰে জনসংখ্যা ৰোধ কৰিব পাৰি তাৰ জনসংখ্যা ৰোধৰ ফলপ্ৰসূ আঁচনি ৰূপায়ণৰ চিন্তা-চৰ্চা অব্যাহত...

জিভাখন চাফা নকৰিলেকি কি ৰোগ হ’ব পাৰে

আমাৰ শৰীৰৰ অত্যন্ত প্ৰয়োজনীয় অংগৰ ভিতৰত জিভাখন অন্যতম৷ কিন্তু শৰীৰৰ আন অংগৰ সমান্তৰালভাৱে জিভাখনৰ যত্নত আওকাণ কৰা দেখা...

সাৱধান ! বিশ্বজুৰি ভয়ংকৰভাৱে বৃদ্ধি পাইছে বায়ু প্ৰদূষণ

বিশ্বজুৰি ভয়াৱহভাৱে বৃদ্ধি পাইছে বায়ু প্ৰদূষণৰ মাত্ৰা৷ এই বায়ু প্ৰদূষণৰ ফলতে বছৰি লাখ লাখ লোকে প্ৰাণ হেৰুৱাবলগীয়া হৈছে৷ আনহাতে গোলকীয় উষ্ণতা বৃদ্ধিৰ...