Home Daily news বিশ্বত নতুন প্ৰত্যাহ্বানৰসৃষ্টি কৰিছে প্লাষ্টিকৰ কণাই

বিশ্বত নতুন প্ৰত্যাহ্বানৰসৃষ্টি কৰিছে প্লাষ্টিকৰ কণাই

প্লাষ্টিকে বিশ্বৰ বাবে ভয়াৱহ পৰিস্থিতিৰ যে সৃষ্টি কৰিছে সেই কথা সকলোৱে জানে৷ শেহতীয়াকৈ বিজ্ঞানীসকলে দিয়া আন এক তথ্যই আন নতুন সংকটৰ ইংগিত দিছে৷ বায়ুমণ্ডলক ওপঙি থকা প্লাষ্টিকৰ কণা এতিয়া বৰষুণৰ পানীৰ লগত মিহলি হৈছে অথবা কঁুৱলীৰ সৈতে বায়ু মণ্ডলত ভাহি ফুৰিবলৈ লৈছে৷ এনভাইৰনমেণ্টেল ছায়েন্স এণ্ড টেকন’লজীৰ শেহতীয়া সংস্কৰণত প্ৰকাশ পোৱা গৱেষণাৰ প্ৰতিবেদনৰ পৰা এই কথা জানিব পৰা গৈছে৷ এই প্ৰতিবেদনখনত উল্লেখ কৰা অনুসৰি নিউজিলেণ্ডৰ ৰাজধানী অকলেণ্ডৰ নগৰীয়া অঞ্চলৰ ঘৰৰ ছাদত প্ৰতি বৰ্গমিটাৰত এদিনত গড় হিচাপত প্ত হাজাৰ প্লাষ্টিকৰ কণা জমা হ’বলৈ ধৰিছে৷ এবছৰত ইয়াৰ পৰিমাণ হ’ব প্ৰায় ৭৪ মেট্ৰিক টন বা ৩০ লাখ বটলত ব্যৱহাৰ কৰা প্লাষ্টিকৰ সমান৷ একেধৰণৰ গৱেষণা ২০২০ বৰ্ষত ব্ৰিটেইনত কৰা হৈছিল৷ তেতিয়া প্ৰকাশ কৰা অনুসৰি মহানগৰখনত মুকলি স্থানত প্ৰতি দিনে মাইক্ৰ’প্লাষ্টিকৰ ৭১১ ক্ষুদ্ৰকণা জমা হৈছিল৷ 
অৱশ্যে অকলেণ্ডৰ তুলনাত ইয়াৰ পৰিমাণ প্ৰায় ৬  গুণ কম৷ অৱশ্যে তেতিয়া প্লাষ্টিকৰ অতি ক্ষুদ্ৰ কণাক হিচাপত লোৱা হোৱা নাছিল৷ বিজ্ঞানীসকলে আশংকা কৰা অনুসৰি এতিয়া প্লাষ্টিকৰ অতি ক্ষুদ্ৰ কণা উশাহৰ লগত আমাৰ শৰীৰতো প্ৰৱেশ কৰিছে৷ ইয়াৰ লগতে বৰষুণৰ পানী, সমুদ্ৰৰ পানী, খাদ্য সামগ্ৰী তথা খাদ্য শৃংখলাতো [ফুড চেইন] প্লাষ্টিকৰ অতি ক্ষুদ্ৰ কণা মিহলি হোৱা বুলি আশংকা প্ৰকাশ কৰা হৈছে৷ অকলেণ্ডত গৱেষণাৰ সময়ত পোৱা কণাৰ আকাৰ ১০-৫০ মাইক্ৰ’মিটাৰৰ আছিল৷ কেৱল ৩ শতাংশ কণাৰ আকাৰহে ১০০ মাইক্ৰ’মিটাৰ বা তাতকৈ বেছি আছিল৷ অৱশ্যে মাইক্ৰ’ প্লাষ্টিক কণাই আমাৰ শৰীৰত কেনে ধৰণৰ প্ৰভাৱ পেলাব পাৰে বা পেলাইছে সেই সম্পৰ্কে সঠিকভাৱে এতিয়ালৈকে জানিব পৰা হোৱা নাই৷ এখন প্ৰতিবেদনত উল্লেখ কৰা অনুসৰি প্ৰতি বছৰে এজন ব্যক্তিৰ শৰীৰত প্লাষ্টিকৰ ৭৪ হাজাৰ কণা প্ৰৱেশ কৰে৷

Most Popular

বেদতে আছিল বিজ্ঞানৰ সমস্ত সূত্ৰতোলপাৰ লগাইছে এই দাবীয়ে

বিজ্ঞানৰ সমস্ত সূত্ৰ বেদতে আছিল৷ এই দাবী কৰিছে ইছৰ’ৰ অধ্যক্ষ এছ সোমনাথে৷ ভাৰতৰ মহাকাশ গৱেষণা সংস্থা চমুকৈ ইছৰ’ৰ অধ্যক্ষ সোমনাথে কোৱা মতে...

প্ৰথমবাৰৰ বাবে মঙল গ্ৰহৰপৰাপৃথিৱীলৈ এলিয়েন ছিগ্‌নেল প্ৰেৰণ

পৃথিৱীৰ বাহিৰতো আন জীৱৰ সন্ধান অব্যাহত থকা অৱস্থাত প্ৰথমবাৰৰ বাবে মঙল গ্ৰহৰ পৰা পৃথিৱীলৈ মহাবিশ্বৰ এটা সংকেত প্ৰেৰণ কৰা হৈছে৷ আন...

সুখবৰ : ডায়েবেটিছৰ বাবে বিশ্বৰ প্ৰথম অৰেল ইনছুলিন উদ্ভাৱন

বৰ্তমান বিশ্বত ডায়েবেটিছ ৰোগে ভয়াৱহভাৱে দেখা দিছে৷ অনিয়মীয়া খাদ্য গ্ৰহণ, দৈনন্দিন জীৱন প্ৰণালীৰ সালসলনি, আৰামপ্ৰিয় জীৱন, পৰিশ্ৰমহীন কৰ্ম, খাদ্য সামগ্ৰী ভেজালকৰণ ইয়াৰ...

ধুমুহা আহে লাহে লাহে

(৩১ মে' : বিশ্ব ধঁপাত-বিৰোধী দিৱস উপলক্ষে) ডাঃ অৰূপ কুমাৰ নাথঅধ্যক্ষ তথা মুখ্য পৰিচালন সঞ্চালক আৰু মুখ্য ইউৰ'লজি বিশেষজ্ঞ,