Home Daily news বিশুদ্ধ খোৱাপানীয়েহে সামূহিক স্বাস্থ্য উন্নত কৰিব ঃ কোনে ক’লে

বিশুদ্ধ খোৱাপানীয়েহে সামূহিক স্বাস্থ্য উন্নত কৰিব ঃ কোনে ক’লে

জল জীৱন মিছন আঁচনিখনৰ ৰূপায়ণ মসৃণ আৰু কাৰ্যকৰীকৰণ নিশ্চিত কৰিবলৈ জনস্বাস্থ্য কাৰিকৰী বিভাগ আৰু পঞ্চায়ত আৰু গ্ৰামোন্নয়ন বিভাগৰ অধীনস্থ এ এছ আৰ এল এমৰ মাজত বুজাবুজিৰ চুক্তি স্বাক্ষৰিত হয়৷ গুৱাহাটীৰ শ্ৰীমন্ত শংকৰদেৱ কলাক্ষেত্ৰত জনস্বাস্থ্য কাৰিকৰী বিভাগৰ মন্ত্ৰী জয়ন্ত মল্ল বৰুৱাৰ উপস্থিতিত বুজাবুজিৰ চুক্তি সম্পাদন হোৱাৰ পাছত মন্ত্ৰীগৰাকীয়ে কয় যে বিশুদ্ধ খোৱাপানীয়েহে সামূহিকভাৱে স্বাস্থ্য উন্নত কৰিব পাৰে৷ পৰম্পৰাগতভাৱে ব্যৱহাৰ কৰি অহা উৎসৰ পানী সদায় সুৰক্ষিত আৰু পৰিষ্কাৰ নহয় আৰু সেই পানী ব্যৱহাৰ কৰি থাকিলে ৰোগ হোৱাৰ প্ৰবল সম্ভাৱনা থাকে৷ 
মন্ত্ৰী বৰুৱাই লগতে কয় যে স্বেচ্ছাসেৱী সংগঠন আৰু আত্মসহায়ক গোটসমূহে স্থানীয় ভাষাত ৰাইজৰ মাজত বিশুদ্ধ পানী যোগান সন্দৰ্ভত সজাগতা সৃষ্টি কৰিবলৈ সক্ষম হ’ব৷ জল জীৱন মিছনৰ পানী যোগান ধৰাৰ ব্যৱস্থাটো সুচল কৰি তোলাৰ বাবে নিয়োগ কৰা আত্মসহায়ক গোট আৰু স্বেচ্ছাসেৱী সংগঠনসমূহক প্ৰতিটো পৰিয়ালৰ বিপৰীতে ২৮০ টকাকৈ মাননি দিয়াৰ ব্যৱস্থা কৰাৰ কথা উল্লেখ কৰি মন্ত্ৰী বৰুৱাই লগতে কয় যে  এই গোট আৰু স্বেচ্ছাসেৱী সংগঠনসমূহৰ কাম-কাজ তিনিটা পৰ্যায়ত বিভক্ত হ’ব৷ প্ৰথম পৰ্যায়ত পৰিকল্পনা আৰু সংগ্ৰহ, দ্বিতীয় পৰ্যায়ত ৰূপায়ণ আৰু তৃতীয় পৰ্যায়ত কাৰ্যকৰীকৰণ৷ ইফালে জল জীৱন মিছনৰ প্ৰকল্পসমূহ নিয়াৰিকৈ পৰিচালনা কৰাত জল মিত্ৰ নিয়োগ কৰা হ’ব আৰু সেই জল মিত্ৰসকলক ৰাজ্যখনৰ বিভিন্ন আই টি আইত প্ৰশিক্ষণ দি থকাৰ কথা তেওঁ উল্লেখ কৰে৷

Most Popular

বেদতে আছিল বিজ্ঞানৰ সমস্ত সূত্ৰতোলপাৰ লগাইছে এই দাবীয়ে

বিজ্ঞানৰ সমস্ত সূত্ৰ বেদতে আছিল৷ এই দাবী কৰিছে ইছৰ’ৰ অধ্যক্ষ এছ সোমনাথে৷ ভাৰতৰ মহাকাশ গৱেষণা সংস্থা চমুকৈ ইছৰ’ৰ অধ্যক্ষ সোমনাথে কোৱা মতে...

প্ৰথমবাৰৰ বাবে মঙল গ্ৰহৰপৰাপৃথিৱীলৈ এলিয়েন ছিগ্‌নেল প্ৰেৰণ

পৃথিৱীৰ বাহিৰতো আন জীৱৰ সন্ধান অব্যাহত থকা অৱস্থাত প্ৰথমবাৰৰ বাবে মঙল গ্ৰহৰ পৰা পৃথিৱীলৈ মহাবিশ্বৰ এটা সংকেত প্ৰেৰণ কৰা হৈছে৷ আন...

সুখবৰ : ডায়েবেটিছৰ বাবে বিশ্বৰ প্ৰথম অৰেল ইনছুলিন উদ্ভাৱন

বৰ্তমান বিশ্বত ডায়েবেটিছ ৰোগে ভয়াৱহভাৱে দেখা দিছে৷ অনিয়মীয়া খাদ্য গ্ৰহণ, দৈনন্দিন জীৱন প্ৰণালীৰ সালসলনি, আৰামপ্ৰিয় জীৱন, পৰিশ্ৰমহীন কৰ্ম, খাদ্য সামগ্ৰী ভেজালকৰণ ইয়াৰ...

ধুমুহা আহে লাহে লাহে

(৩১ মে' : বিশ্ব ধঁপাত-বিৰোধী দিৱস উপলক্ষে) ডাঃ অৰূপ কুমাৰ নাথঅধ্যক্ষ তথা মুখ্য পৰিচালন সঞ্চালক আৰু মুখ্য ইউৰ'লজি বিশেষজ্ঞ,