Home Daily news পৃথিৱীৰ জলবায়ু বিশৃংখলাৰ দিশে আগবাঢ়িছে : গুটেৰেছ

পৃথিৱীৰ জলবায়ু বিশৃংখলাৰ দিশে আগবাঢ়িছে : গুটেৰেছ

ৰাষ্ট্ৰসংঘৰ সচিবপ্ৰধান এণ্টনিঅ’ গুটেৰেছে সকীয়াই দিয়ে যে পৃথিৱীখন অপৰিৱৰ্তনীয় ‘জলবায়ু বিশৃংখলা’ৰ ফালে আগবাঢ়িছে৷ ইজিপ্তত অনুষ্ঠিত হ’বলগীয়া আগন্তুক জলবায়ু শীৰ্ষ সন্মিলনত অংশ গ্ৰহণ কৰিবলগীয়া বিশ্বৰ নেতাসকলক তেওঁ নিৰ্গমণ হ্ৰাস কৰাৰ অৱস্থালৈ পৃথিৱীক আনিবলৈ আহ্বান জনায়৷ ইয়াৰ উপৰি জলবায়ুৰ পৰিৱৰ্তনৰ বিৰুদ্ধে যুঁজাত বিত্ত যোগান ধৰাৰ প্ৰতিশ্ৰুতি পূৰণ কৰিবলৈ তথা পুনৰনবীকৰণ শক্তি ব্যৱহাৰ দ্ৰুত কৰাত উন্নয়নশীল দেশসমূহক সহায় কৰিবলৈ তেওঁ আহ্বান জনায়৷ ৰাষ্ট্ৰসংঘৰ সচিবপ্ৰধানজনে কয় যে কপ ২৭ নামে জনাজাত ‘ইউ এন ফ্ৰে’মৱৰ্ক কনভেনশ্যন অন ক্লাইমেট চেঞ্জ’ত ২৭ সংখ্যক বাৰ্ষিক সন্মিলন ‘পুনৰ বিশ্বাস গঢ়াৰ আৰু জলবায়ুৰ এই বিপদৰ পৰা বিশ্বক উদ্ধাৰ কৰাৰ আকাংক্ষা পুনৰ স্থাপন কৰাৰ এখন মঞ্চ হ’ব লাগিব৷ 
তেওঁ আৰু কয় যে ৬ নৱেম্বৰত ইজিপ্ত শ্বৰ্ম এল-শ্বেখত আৰম্ভ হ’বলগীয়া কপ ২৭ৰ পৰা পাবলগীয়া আটাইতকৈ গুৰুত্বপূৰ্ণ ফল হ’ব লাগিব নিৰ্গমণ দ্ৰুতভাৱে হ্ৰাস কৰাৰ এক স্পষ্ট ৰাজনৈতিক সদিচ্ছা৷ তাৰ বাবে প্ৰয়োজন হ’ব অধিক চহকী উন্নত দেশবোৰৰ মাজত এখন ঐতিহাসিক চুক্তি৷ গুটেৰেছে কয় যে যদি সেই চুক্তি স্বাক্ষৰিত নহয়, আমাৰ সৰ্বনাশ হ’ব৷ ৰাষ্ট্ৰসংঘৰ সচিব প্ৰধানজনে আৰু কয় যে চুক্তিখনত অধিক চহকী দেশবোৰে উন্নয়নশীল দেশবোৰক পুনৰনবীকৰণ শক্তি ব্যৱহাৰ দ্ৰুত কৰিবলৈ বিত্তীয় আৰু কাৰিকৰী সাহায্য আগবঢ়াব লাগিব৷ গুটেৰেছে কয় যে গ্ল’বেল ৱাৰ্মিং বা গোলকীয় উষ্ণতাৰ বাবে দোষী গ্ৰীন হাউছ গেছৰ নিৰ্গমণ ২০৩০ চনৰ ভিতৰত ৪৫ শতাংশ হ্ৰাস পাব লাগিব বুলি বিজ্ঞানীসকলে সকীয়াই দিয়াৰ বিপৰীতে যোৱা কেইসপ্তাহমানৰ প্ৰতিবেদনে এক স্পষ্ট আৰু হতাশাজনক ছবিহে দেখুৱাইছে৷

Most Popular

মছলা হিচাপে খোৱা কলাজিৰাৰআছে বিস্ময়কৰ শক্তি

প্ৰাচীন কালৰে পৰা কালজিৰা মানৱদেহৰ নানা ৰোগৰ চিকিৎসাত ব্যৱহাৰ হৈ আহিছে৷ কালজিৰা অকল খাদ্যৰ সোৱাদ বৃদ্ধিতে নহয়, ইয়াৰ বীজৰ পৰা উৎপন্ন হোৱা...

ৰেস্তোৰাঁত ফলৰ ৰসৰ পৰিৱৰ্তে ডিটাৰজেণ্ট মিহলি পানী : ক’ত?

ছ’চিয়েল মিডিয়াত প্ৰকাশিত এক আজব আৰু দায়িত্বজ্ঞানহীন কৰ্মই সৰ্বসাধাৰণৰ মাজত চাঞ্চল্যকৰ সৃষ্টি কৰিছে৷ চীনৰ ৰেস্তোৰাঁত ফলৰ ৰসৰ পৰিৱৰ্তে...

মহাবিশ্বত ISRO-ৰ ৰিইউজেবললঞ্চ ভেহিকলৰ পৰীক্ষাৰ পদক্ষেপ

এটা সময়ত সমুদ্ৰ বিশ্বৰ বাণিজ্য তথা শক্তিৰ কেন্দ্ৰ আছিল৷ কিন্তু লাহে লাহে এতিয়া মহাকাশে সেই স্থান পূৰ কৰিবলৈ...

পাঁচখন গাঁৱত ধূমপান নিষিদ্ধ!জানক ইয়াৰ আঁৰৰ কথা

ধূমপানৰ পৰা হ’ব পৰা ক্ষয়-ক্ষতিৰ তালিকাখন আমাৰ সকলোৰে জ্ঞাত৷ সেয়ে সময়সাপেক্ষে কিছুমান এলেকা বা অঞ্চল ধূমপানৰ পৰা সুৰক্ষিত হ’বলৈ নিষিদ্ধ কৰা হয়৷...