আপুনি যদি সুস্থ থাকিব বিচাৰে, তেন্তে প্ৰতিদিনে পুৱা টোপনিৰ পৰা উঠিয়েই এগিলাচ পানী সেৱন কৰক৷ চিকিৎসকেও খালী পেটত পানী সেৱন কৰিবলৈ পৰামৰ্শ দিয়ে৷ বহুতে আকৌ শুই উঠিয়েই পানী সেৱন কৰাৰ অভ্যাস কৰি লয়৷ কিয়নো ইয়াৰ আছে বহুতো লাভ৷ পুৱা খালী পেটত এগিলাচ পানী সেৱন কৰিলে আশ্চৰ্যকৰ লাভ হয়৷ জানো আহক পুৱা খালী পেটত পানী সেৱন কৰিলে আমাৰ শৰীৰৰ কিধৰণেৰে উপকাৰ হয়৷(১) গোটেই ৰাতিটো শোৱাৰ পাছত আমাৰ শৰীৰ এনেই শুষ্ক হৈ থাকে৷ সেয়েহে পুৱা উঠিয়েই পানী সেৱন কৰিলে শৰীৰত পানীৰ অভাৱ দূৰ হয়৷
(২) নিতৌ খালী পেটত এক গ্লাছ পানী সেৱন কৰিলে মলাশয় পৰিষ্কাৰ হয়৷ সেয়েহে শৰীৰে সহজেই নতুনকৈ খোৱাৰ বাবে পুষ্টি গ্ৰহণ কৰিব পাৰে৷
(৩) এনে বহুত মানুহ আছে, যাৰ শুই উঠিলেই মূৰৰ বিষ অনুভৱ হয়৷ তেওঁলোকে ৰাতিপুৱা শুই উঠিয়েই পানী সেৱন কৰিলে এনে বিকাৰ নোহোৱা হয়৷ কিয়নো শৰীৰত পানীৰ পৰিমাণ কমি যোৱাৰ ফলতে এনে অসুবিধা হ’ব পাৰে৷
(8) খালী পেটত নিয়মিতভাৱে পানী সেৱন কৰিলে ছাল আৰু চুলি ভালে ৰখাত সহায় কৰে৷
(৫) আপোনাৰ যদি অত্যধিক গেছৰ সমস্যা আছে, তেনেহ’লে পুৱা শুই উঠিয়েই একো নেখোৱাকৈ পানী খোৱাৰ অভ্যাস কৰক৷ নিমিষতে গেছৰ সমস্যা দূৰ হ’ব৷
(৬) হজমৰ সমস্যা, কোষ্ঠকাঠিন্যৰ সমস্যা আদি দূৰ কৰাৰ উত্তম উপায় হ’ল নিতৌ শুই উঠি এগিলাচ গৰম পানী সেৱন কৰা৷
(৭) ৰাতি শুই থকাৰ ফলত পানীৰ অভাৱ পূৰণ কৰিবলৈ দৈনিক পুৱা পানী খোৱাৰ অভ্যাস কৰক৷ এনেদৰে পানী সেৱন কৰাৰ ফলত শৰীৰে ইয়াৰ প্ৰয়োজনীয় কাৰ্যক্ষমতা চলাই নিয়াত সহায়ক হয়৷
(৮) যিসকলে শৰীৰৰ ওজন কমাবলৈ বিচাৰে, তেওঁলোকে প্ৰতিদিনে শুই উঠিয়েই খালী পেটত পানী সেৱন কৰিব পাৰে৷ কিয়নো যিমানে বেছি পানী সেৱন কৰিব, সিমানে হজম ভাল হয় আৰু শৰীৰত চৰ্বি জমা হ’ব নোৱাৰে৷
