Home Daily news পশু ধন সাৰথি সেৱা ডায়েল কৰক ১৯৬২ নম্বৰত

পশু ধন সাৰথি সেৱা ডায়েল কৰক ১৯৬২ নম্বৰত

স্বাস্থ্য আৰু পৰিয়াল কল্যাণ বিভাগৰ দৰে এইবাৰ পশুপালন আৰু পশু চিকিৎসা বিভাগত চলিব ভ্ৰাম্যমাণ চিকিৎসা এম্বুলেন্স৷ প্ৰতিখন এম্বুলেন্সত পশুৰ জৰুৰীকালীন চিকিৎসাৰ সকলো সুবিধা উপলব্ধ হ’ব৷ ইতিমধ্যে এই এম্বুলেন্স সেৱাক পশু ধন সাৰথি হিচাপে নামকৰণ কৰিছে৷ পশু পালকসকলে ১৯৬২ টোল ফ্ৰী নম্বৰ ডায়েল কৰি এই ম’বাইল চিকিৎসা সেৱাৰ সুবিধা ল’ব পাৰিব৷ জানিব পৰা মতে মন্ত্ৰী অতুল বৰাৰ অধীনস্থ পশুপালন আৰু পশু চিকিৎসা বিভাগে এই নতুন সেৱাৰ বাবে এতিয়ালৈ ২০খন এম্বুলেন্স ক্ৰয় কৰিছে৷ ক্ৰয় কৰা এই এম্বুলেন্সসমূহ চিকিৎসা আগবঢ়াব পৰাকৈ সাজু কৰাৰ ব্যৱস্থা অব্যাহত আছে৷ বিভাগীয় সূত্ৰই সদৰী কৰা অনুসৰি পৰ্যায়ক্ৰমে এই ভ্ৰাম্যমাণ পশু চিকিৎসা এম্বুলেন্সৰ সংখ্যা বৃদ্ধি কৰা হ’ব৷ ৰাজ্য চৰকাৰক কেন্দ্ৰীয় চৰকাৰে যোগান ধৰিব প্ৰায় ডেৰশখন পশু চিকিৎসাৰ এম্বুলেন্স৷ এই এম্বুলেন্সসমূহত জৰুৰীকালীন সেৱাৰ লগতে অস্ত্ৰোপচাৰৰ ব্যৱস্থাও থাকিব৷ পশুপালকে ১৯৬২ নম্বৰত ডায়েল কৰি ঠিকনা জনালে নিৰ্দিষ্ট স্থানত এম্বুলেন্স গৈ উপস্থিত হ’ব আৰু চিকিৎসা আগবঢ়াব৷ এই পশু ধন সাৰথি সেৱাৰ সৈতে পশু চিকিৎসাৰ লগতে চিকিৎসা কৰ্মীৰ এটা গোট নিয়োজিত হৈ থাকিব৷ নতুনকৈ আৰম্ভ হ’ব লগা এই সেৱাৰ বাবে প্ৰয়োজন হ’ব অতিৰিক্ত চিকিৎসকৰ৷ কাৰণ চিকিৎসালয়সমূহত নিয়োজিত চিকিৎসকক এই সেৱাত নিয়োজিত কৰিলে চিকিৎসালয়ত চিকিৎসকৰ অভাৱ হ’ব৷ সেয়ে পশুপালন বিভাগত নিযুক্তি হ’ব নতুন চিকিৎসকৰ৷ এতিয়া এই নতুন সেৱাৰ জৰিয়তে বিভাগটো পূৰ্বৰ তুলনাত অধিক গতিশীল হোৱাৰ সম্ভাৱনা আছে৷

Most Popular

বেদতে আছিল বিজ্ঞানৰ সমস্ত সূত্ৰতোলপাৰ লগাইছে এই দাবীয়ে

বিজ্ঞানৰ সমস্ত সূত্ৰ বেদতে আছিল৷ এই দাবী কৰিছে ইছৰ’ৰ অধ্যক্ষ এছ সোমনাথে৷ ভাৰতৰ মহাকাশ গৱেষণা সংস্থা চমুকৈ ইছৰ’ৰ অধ্যক্ষ সোমনাথে কোৱা মতে...

প্ৰথমবাৰৰ বাবে মঙল গ্ৰহৰপৰাপৃথিৱীলৈ এলিয়েন ছিগ্‌নেল প্ৰেৰণ

পৃথিৱীৰ বাহিৰতো আন জীৱৰ সন্ধান অব্যাহত থকা অৱস্থাত প্ৰথমবাৰৰ বাবে মঙল গ্ৰহৰ পৰা পৃথিৱীলৈ মহাবিশ্বৰ এটা সংকেত প্ৰেৰণ কৰা হৈছে৷ আন...

সুখবৰ : ডায়েবেটিছৰ বাবে বিশ্বৰ প্ৰথম অৰেল ইনছুলিন উদ্ভাৱন

বৰ্তমান বিশ্বত ডায়েবেটিছ ৰোগে ভয়াৱহভাৱে দেখা দিছে৷ অনিয়মীয়া খাদ্য গ্ৰহণ, দৈনন্দিন জীৱন প্ৰণালীৰ সালসলনি, আৰামপ্ৰিয় জীৱন, পৰিশ্ৰমহীন কৰ্ম, খাদ্য সামগ্ৰী ভেজালকৰণ ইয়াৰ...

ধুমুহা আহে লাহে লাহে

(৩১ মে' : বিশ্ব ধঁপাত-বিৰোধী দিৱস উপলক্ষে) ডাঃ অৰূপ কুমাৰ নাথঅধ্যক্ষ তথা মুখ্য পৰিচালন সঞ্চালক আৰু মুখ্য ইউৰ'লজি বিশেষজ্ঞ,