Home Daily news ডিফুত ডেংগুৰ ভয়াৱহ ৰূপ ডেংগুৰ লক্ষণ আৰু ল’বলগীয়া সজাগতা

ডিফুত ডেংগুৰ ভয়াৱহ ৰূপ ডেংগুৰ লক্ষণ আৰু ল’বলগীয়া সজাগতা

যোৱা কিছুদিন ধৰি ডিফু চহৰ আৰু ইয়াৰ পাৰ্শ্ববৰ্তী এলেকাসমূহত ডেংগুৰ সংক্ৰমণ যথেষ্ট পৰিমাণে বৃদ্ধি হোৱা পৰিলক্ষিত হৈছে৷ চৰকাৰী তথ্য অনুসৰি ডিফু  চহৰ আৰু ইয়াৰ পাশ্বৰ্ৱৰ্তী অঞ্চলসমূহত নতুনকৈ ৭২ গৰাকী লোক ডেংগুত আক্ৰান্ত হৈছে৷ আনহাতে কাৰ্বি আংলং জিলা প্ৰশাসন আৰু স্বাস্থ্য বিভাগে যুদ্ধকালীন তৎপৰতাৰে ডেংগু প্ৰতিৰোধৰ বাবে ব্যৱস্থা গ্ৰহণ কৰা পৰিলক্ষিত হৈছে যদিও এতিয়াও ডেংগু প্ৰতিৰোধ কৰিবলৈ সক্ষম হোৱা নাই৷ তথ্য মতে ৬ নৱেম্বৰত ডিফুত ৭৪জন, ৭ নৱেম্বৰত ৬০জন, ৮ নৱেম্বৰত ৭২জন লোক ডিফু আৰু ইয়াৰ পাশ্বৰ্ৱৰ্তী এলেকাত ডেংগু ৰোগত আক্ৰান্ত হোৱাৰ বিপৰীতে বোকাজান নগৰতো আন চাৰিজন লোক ডেংগুত আক্ৰান্ত হৈছে৷ আনহাতে কাষৰীয়া ডিমা হাছাও জিলাত পুনৰ তিনিজন লোকৰ দেহত ডেংগুৰ সংক্ৰমণ ধৰা পৰিছে৷ চৰকাৰী তথ্য মতে বৰ্তমানলৈ ১০৪২ গৰাকী লোকক এলিছা টেষ্ট কৰাত ৫৫৭ গৰাকীৰ দেহত ডেংগুৰ উপস্থিতি ধৰা পৰিছে৷ আনহাতে ডিফু স্বাস্থ্য বিভাগে সদৰী কৰা মতে বৰ্তমানলৈ ডিফু মেডিকেল কলেজ হাস্পাতালত ২৫জন ডেংগুত আক্ৰান্ত লোক ভৰ্তি হৈ আছে৷ 
ডেংগুৰ লক্ষণ আৰু ল’বলগীয়া সজাগতা ঃ ডেংগু এডিছ মহৰ দ্বাৰা সংক্ৰমিত এবিধ ভাইৰাছজনিত গ্ৰীষ্মমণ্ডলীয় ৰোগ৷ এডিছ মহে কামোৰাৰ ফলত ইয়াৰ মাধ্যমেৰে মানুহৰ দেহলৈ এই ৰোগ বিয়পি যায়৷ সচৰাচৰ এই মহে কামোৰাৰ তিনিদিনৰ ভিতৰত ইয়ৰ উপসৰ্গই মানুহৰ শৰীৰত দেখা দিয়ে৷ ডেংগু ৰোগৰ লক্ষণসমূহ ভিতৰত প্ৰথমে জ্বৰ হ’বলৈ আৰম্ভ কৰে৷ ক্ৰমান্বয়ে মূৰৰ বিষ, বমি, সৰ্বশৰীৰ বিষ, গাঁঠিৰ বিষ, উশাহ লোৱাৰ কষ্ট অনুভৱ আদি বিভিন্ন লক্ষণে দেখা দিয়ে৷ দুইৰ পৰা এসপ্তাহলৈকে শৰীৰত এইবোৰ উপসৰ্গই ক্ৰিয়া কৰি থাকে৷ কিছু কিছু ক্ষেত্ৰত ৰোগে মাৰাত্নক ৰূপ ধাৰণ কৰিব পাৰে৷ যাৰ ফলত ৰক্তপাত হ’ব পাৰে, তেজত অনুচক্ৰিয়াৰ মাত্ৰা কমি যায় অথবা তেজৰ প্লাজমা নিঃসৰণ ঘটিব পাৰে৷ ৰক্তচাপ বিপজ্জনকভাৱে কমি গৈ ৰোগীৰ মৃত্যুপৰ্যন্ত হয়৷ ডেংগু ৰোগ প্ৰতিৰোধৰ প্ৰধান উপায়টো হৈছে এডিছ মহৰ বংশবৃদ্ধি নাইকিয়া কৰা৷ এডিছ মহৰ কামোৰৰ পৰা ৰক্ষা পাবলৈ ইয়াৰ আৱাসস্থলীসমূহ ধবংস কৰা৷ এই মহবিধৰ বংশবৃদ্ধিৰ ৰোধৰ বাবে ইয়াৰ উপযোগী বিভিন্ন আধাৰ– যেনে পানী জমা হোৱা নলা-নৰ্দমা সদায় পৰিষ্কাৰকৈ ৰখা, যাতে নলাৰ আবদ্ধ পানীবোৰ ওলাই যাব পাৰে৷ নহ’লে নলাত আবদ্ধ হৈ থকা পানীত মহবিধে কণী পাৰি বংশবৃদ্ধি ঘটাব যাতে নোৱাৰে তালে চকু দিয়া৷ ফুলনিত টাব, অব্যৱহৃত হৈ পৰি থকা টায়াৰ, ফটা বাল্টি, নাৰিকল আদিৰ খোলা আদিত যাতে পানী আবদ্ধ হৈ নাথাকে, সেইটো লক্ষ্য ৰখা উচিত৷ আনহাতে ঘৰৰ চৌহদত আৱৰ্জনা কেতিয়াও নেপেলাব৷ ঘৰৰ পৰা ওলোৱা আৱৰ্জনা ডাষ্টবিনত জমা কৰক অথবা যিসমূহ আৱৰ্জনা  জ্বলাই দিব পাৰি সেইসমূহ জ্বলাই দি পৰিৱেশটো পৰিষ্কাৰকৈ ৰাখিবলৈ চেষ্টা কৰিব লাগে৷ ঘৰৰ চৌহদ সদায় চাফ-চিকুণকৈ ৰাখিবলৈ চেষ্টা কৰক৷

Most Popular

মছলা হিচাপে খোৱা কলাজিৰাৰআছে বিস্ময়কৰ শক্তি

প্ৰাচীন কালৰে পৰা কালজিৰা মানৱদেহৰ নানা ৰোগৰ চিকিৎসাত ব্যৱহাৰ হৈ আহিছে৷ কালজিৰা অকল খাদ্যৰ সোৱাদ বৃদ্ধিতে নহয়, ইয়াৰ বীজৰ পৰা উৎপন্ন হোৱা...

ৰেস্তোৰাঁত ফলৰ ৰসৰ পৰিৱৰ্তে ডিটাৰজেণ্ট মিহলি পানী : ক’ত?

ছ’চিয়েল মিডিয়াত প্ৰকাশিত এক আজব আৰু দায়িত্বজ্ঞানহীন কৰ্মই সৰ্বসাধাৰণৰ মাজত চাঞ্চল্যকৰ সৃষ্টি কৰিছে৷ চীনৰ ৰেস্তোৰাঁত ফলৰ ৰসৰ পৰিৱৰ্তে...

মহাবিশ্বত ISRO-ৰ ৰিইউজেবললঞ্চ ভেহিকলৰ পৰীক্ষাৰ পদক্ষেপ

এটা সময়ত সমুদ্ৰ বিশ্বৰ বাণিজ্য তথা শক্তিৰ কেন্দ্ৰ আছিল৷ কিন্তু লাহে লাহে এতিয়া মহাকাশে সেই স্থান পূৰ কৰিবলৈ...

পাঁচখন গাঁৱত ধূমপান নিষিদ্ধ!জানক ইয়াৰ আঁৰৰ কথা

ধূমপানৰ পৰা হ’ব পৰা ক্ষয়-ক্ষতিৰ তালিকাখন আমাৰ সকলোৰে জ্ঞাত৷ সেয়ে সময়সাপেক্ষে কিছুমান এলেকা বা অঞ্চল ধূমপানৰ পৰা সুৰক্ষিত হ’বলৈ নিষিদ্ধ কৰা হয়৷...