Home Daily news জটিল ৰোগৰ কিছু ঔষধৰ দাম হ্ৰাস কৰিব কেন্দ্ৰীয় চৰকাৰে

জটিল ৰোগৰ কিছু ঔষধৰ দাম হ্ৰাস কৰিব কেন্দ্ৰীয় চৰকাৰে

কিছু ঔষধৰ দাম হ্ৰাস কৰি বহু ৰোগীক সকাহ দিবলৈ কেন্দ্ৰীয় চৰকাৰে এটা পদক্ষেপ গ্ৰহণ কৰাৰ সম্ভাৱনা আছে৷ কৰ্কট ৰোগ [কেঞ্চাৰ], মধুমেহ [ডায়েবেটিছ], বৃক্ক [কিডনী] ৰোগ আৰু হৃদৰোগৰ দৰে জটিল ৰোগৰ ঔষধৰ দাম উল্লেখনীয়ভাৱে হ্ৰাস কৰাৰ ঘোষণা কেন্দ্ৰীয় চৰকাৰে  ঘোষণা কৰে৷ চৰকাৰে এই সন্দৰ্ভত কিছু প্ৰস্তাৱ গ্ৰহণ কৰিছে যদিও ঘোষণাৰ বিষয়ে চূড়ান্ত সিদ্ধান্ত অৱশ্যে এতিয়াও লোৱা নাই৷ চৰকাৰী বিষয়ববীয়াই কয় যে জটিল ৰোগৰ কিছু  ঔষধৰ উচ্চ দামক লৈ কেন্দ্ৰীয় চৰকাৰ উদ্বিগ্ন আৰু চৰকাৰে সেইবোৰ নিয়ন্ত্ৰণ কৰিবলৈ বিচাৰে৷ সূত্ৰটোৱে কয় যে এবাৰ প্ৰস্তাৱটোত সিদ্ধান্ত ল’লেই ঔষধৰ দাম ৭০ শতাংশ হ্ৰাস পাব৷ 
আনহাতে  আন কিছু ঔষধ অন্তৰ্ভুক্ত কৰিবলৈ চৰকাৰে অত্যাৱশ্যকীয় ঔষধৰ ৰাষ্ট্ৰীয় তালিকা [এন এল ই এম], ২০১৫ সংশোধনৰ কামো কৰি আছে৷ ৰোগীয়ে দীৰ্ঘকাল ব্যৱহাৰ কৰা ঔষধবোৰৰ উচ্চ ট্ৰেড মাৰ্জিনত উচ্চ সীমা নিৰ্ধাৰণ কৰাৰ কথাও চৰকাৰে চিন্তা কৰি আছে৷ এই বিষয়ত চূড়ান্ত সিদ্ধান্তৰ বিষয়ে আলোচনা কৰিবলৈ কেন্দ্ৰীয় স্বাস্থ্য মন্ত্ৰী মনসুখ মণ্ডাভিয়াই ঔষধ উদ্যোগৰ প্ৰতিনিধিৰ সৈতে ২৬ জুলাইত এখন বৈঠকৰো আহ্বান কৰিছে৷ 
বৰ্তমান এন এল ই এমত থকা ৩৫৫তকৈ অধিক ঔষধৰ দাম নিয়ন্ত্ৰক এন পি পি এ-এ দামৰ উচ্চসীমা নিৰ্ধাৰণ কৰি থৈছে৷ তেনে তালিকাভুক্ত ঔষধত ট্ৰেড মাৰ্জিনো পাইকাৰী বিক্ৰেতাৰ বাবে ৮ শতাংশ আৰু খুচুৰা বিক্ৰেতাৰ বাবে ১৬ শতাংশত নিয়ন্ত্ৰণ কৰি থোৱা হৈছে৷ অৱশ্যে চৰকাৰৰ প্ৰত্যক্ষ নিয়ন্ত্ৰণত নথকা সকলো ঔষধত কোম্পানীবোৰে দাম নিৰ্ধাৰণ কৰিব পাৰে, যদিও তেওঁলোকে বছৰি ১০ শতাংশহে দাম বৃদ্ধি কৰিব পাৰে৷ প্ৰায়ে এনে ঔষধত ট্ৰেড মাৰ্জিন বহু বেছি আৰু ই ৰোগীৰ বাজেটত প্ৰভাৱ পেলায়৷

Most Popular

শীতকালত আপোনাৰচকুযুৰিৰ যতন কিদৰে ল’ব

আমি সকলোৱে শৰীৰৰ বিভিন্ন অংগৰ যতনৰ ওপৰত গুৰুত্ব দিওঁ৷ কিন্তু চকুৰ যতন ল’বলৈ পাহৰি যাওঁ৷ চকুযুৰিৰ জৰিয়তে আমি ধুনীয়া পৃথিৱীখনৰ সৌন্দৰ্যৰ দেখিবলৈ...

চলিত সপ্তাহত পৃথিৱীৰ একেবাৰেকাষেৰে পাৰ হ’ব এটা গ্ৰহাণু

ন্ডপৃথিৱীৰ কাষেৰে গ্ৰহাণু বা গ্ৰহাণুপুঞ্জ পাৰ হোৱাৰ ঘটনাটো নতুন নহয় যদিও পৃথিৱীৰ একেবাৰে কাষেৰে গ্ৰহাণু পাৰ হোৱাৰ ঘটনা এইবাৰ সংঘটিত হ’ব৷ চলিত...

বাহন চলিব গোবৰ গেছৰ ইন্ধনেৰে ! ক’ত, কেতিয়া?

দেশৰ বাহন নিৰ্মাণ প্ৰতিষ্ঠান মাৰুতি ছুজুকি মটৰ কৰ্প’ৰেশ্যনে ২০৩০ চনলৈকে শেহতীয়াকৈ এক দীৰ্ঘকালীন পৰিকল্পনা হাতত লৈছে৷ বাহন নিৰ্মাণ কৰা প্ৰতিষ্ঠানটোৱে আগন্তুক সময়ত...

জনসংখ্যা বৃদ্ধিৰ পদক্ষেপ : অবিবাহিত হৈও জন্ম দিব পাৰিব সন্তান ! ক’ত?

জনসংখ্যাৰ বৃদ্ধিৰ হাৰ পৃথিৱীয়ে সহিব নোৱৰাৰ সময়তে বিভিন্ন দেশে কিদৰে জনসংখ্যা ৰোধ কৰিব পাৰি তাৰ জনসংখ্যা ৰোধৰ ফলপ্ৰসূ আঁচনি ৰূপায়ণৰ চিন্তা-চৰ্চা অব্যাহত...