সকলোৰে ঘৰত কম-বেছি পৰিমাণে জেঠী দেখা যায়৷ ঘৰৰ চুক-কোণ, চিলিং, পাকঘৰৰ চুক আদি ইহঁতে থাকে৷ সাধাৰণতে জেঠীয়ে আমাৰ বিশেষ অসুবিধা নিদিয়ে যদিও খোৱা খাদ্য, ৰান্ধি থোৱা আঞ্জা আদিৰ পৰিলে এইবোৰ বিষাক্ত হৈ পৰে আৰু এইবোৰ খাদ্য অজানিতে গ্ৰহণ কৰিলে পেটৰ বিভিন্ন সমস্যা হোৱা দেখা যায়৷ সেয়েহে ঘৰত জেঠীৰ উপদ্ৰৱ নোহোৱা কৰিবলৈ কিছুমান ঘৰুৱা উপায় অৱলম্বন কৰাটো আৱশ্যক৷ জানো আহক কিদৰে ঘৰুৱা উপায়েৰে জেঠীৰ উপদ্ৰৱৰ পৰা হাত সাৰিব পাৰি৷ বিশেষজ্ঞৰ পৰা জনা মতে জেঠীয়ে কফিৰ গোন্ধ একেবাৰে সহ্য কৰিব নোৱাৰে৷ সেয়েহে কফিৰে প্ৰস্তুত কৰা পনীয় ঘৰত কোণবোৰত ৰাখিলে জেঠীয়ে সেই ঠাই ত্যাগ কৰিবলৈ বাধ্য হয়৷
সাজ-পোছাক, বাচন-বৰ্তন বা অন্য সামগ্ৰী পোক-পৰুৱাৰ পৰা ৰক্ষা পৰিবলৈ সাধাৰণতে নেফথলিন ব্যৱহাৰ কৰা হয়৷ ঘৰত জেঠীৰ উপদ্ৰৱৰ পৰা ৰক্ষা পাবলৈও নেফথলিন ব্যৱহাৰ কৰিব পাৰি৷
জলকীয়াৰ উগ্ৰ গোন্ধ জেঠী, পঁইতাচোৰাৰ বাবে বিৰক্তিকৰ, ইহঁতে ইয়াৰ গোন্ধ একেবাৰে সহ্য কৰিব নোৱাৰে৷ যি ঠাইত জেঠী বেছিকৈ দেখা যায়, সেই ঠাইত জলকীয়া ে¦x’ কৰি দিলে নিমিষতে নাইকিয়া হয়৷
সাধাৰণতে জেঠীয়ে থাকিবলৈ গৰম ঠাই পচন্দ কৰে, ঠাণ্ডা ঠাই একেবাৰে সিহঁতে পচন্দ নকৰে৷ সেয়েহে ঠাণ্ডা পানীৰে ে¦x’ কৰি দিলেও জেঠী নোহোৱা হয়৷
আনহাতে ঘৰৰ ভিতৰত জেঠীৰ উপদ্ৰৱৰ পৰা পৰিত্ৰাণ পাবলৈ পিঁয়াজ অথবা নহৰু কেইচকলমান কাটি ৰাখিব পাৰে৷ পিঁয়াজ বা নহৰুৰ গোন্ধ জেঠীয়ে সহ্য কৰিব নোৱাৰে৷
জেঠীৰ উপদ্ৰৱৰ সমস্যা দূৰ কৰাৰ বাবে সকলোতকৈ উত্তম পন্থা হৈছে ঘৰৰ চাৰিওফাল পৰিষ্কাৰ-পৰিচ্ছন্নকৈ ৰখা৷ ঘৰৰ চুক-কোণ আদিত লেতেৰা আৱৰ্জনা জমা হ’বলৈ নিদিয়ে জেঠীৰ বাসস্থান কৰিব নোৱাৰে৷ ইয়াৰ লগতে ঘৰৰ দৰ্জা, খিৰিকী সময়মতে খোলা ৰখা, জেঠীৰ থকা ঠাইবোৰ বন্ধ ৰখা, পৰিষ্কাৰকৈ ৰখা আদি কৰিলে জেঠীৰ পৰা পৰিত্ৰাণ পাব পাৰি৷
ঘৰত জেঠীৰ উপদ্ৰৱ কিদৰে নাইকিয়া কৰিব ?
