Home Daily news কোনবিধ গ্ৰীন টীত আছে এণ্টি ডায়েবেটিছ আৰু এণ্টি মাইক্ৰ’বিয়েল

কোনবিধ গ্ৰীন টীত আছে এণ্টি ডায়েবেটিছ আৰু এণ্টি মাইক্ৰ’বিয়েল

চাহ বিশেষজ্ঞৰ গৱেষণাত ওলাল এবিধ সতেজ চাহৰ বিশেষ গুণাগুণ৷ গোগামুখৰ ওখমাটি নাহৰবাৰী কছাৰী গাঁওস্থিত মহেশ্বৰী ক্ষুদ্ৰ অৰ্গেনিক চাহ বাগিচাৰ চাহৰ পৰীক্ষা-নিৰীক্ষাৰ অন্তত সফলতা লাভ কৰিলে বাগিচাখনে৷ 
এই গ্ৰীন টীত আছে এণ্টি ডায়েবেটিছ আৰু এণ্টি মাইক্ৰ’বিয়েল৷ যোৰহাটৰ টোকলাই চাহ গৱেষণা কেন্দ্ৰৰ মতে ২৩ শতাংশ অধিক Polyphenols যুক্ত গুণসম্পন্ন গ্ৰীন টী আৰু ব্লেক টী৷ ইয়াৰ লগত জড়িত হৈ আছে ধেমাজিৰ এজন অৱসৰপ্ৰাপ্ত এ চি এছ বিষয়া নৱ কুমাৰ ডেকা বৰুৱা৷ 
 ৫০ বিঘাৰ এই চাহ খেতিত ব্যৱহাৰ সম্পূৰ্ণৰূপে অৰ্গেনিক৷ উল্লেখ্য যে এই বাগিচাখনৰ স্বত্বাধিকাৰী নৱ কুমাৰ ডেকা বৰুৱাই ২০১৯ চনতে ষ্টেট ড্ৰাগ্‌ছ ট্ৰেষ্টিং লেবৰেটৰী, ফুড ট্ৰেষ্টিং লেবৰেটৰী আদিত এই অৰ্গেনিক চাহৰ ওপৰত পৰীক্ষা চলাবলৈ চাহ বিশেষজ্ঞ তথা বিজ্ঞানাগাৰলৈ চাহৰ নমুনা প্ৰেৰণ কৰিছিল৷ তাৰ পাছতে চৰকাৰী আয়ুৰ্বেদিক কলেজৰ ড॰ অনুপ বৈশ্যৰ নেতৃত্বত বিজ্ঞানী ড॰ ধ্ৰুৱজ্যোতি শৰ্মাই এই চাহ সফলতাৰে গৱেষণা কৰি উলিয়াইছিল৷ 
একেদৰে মানুহে খোৱাৰ উপৰি জন্তুৰ ওপৰত গৱেষণা কৰিছিল নেমকেয়াৰ গ্ৰnপ অব্‌ ইনষ্টিটিউটৰ ড॰ ভাৰ্গৱজ্যোতি চহৰীয়া, ড॰ নীলোৎপল শৰ্মা বৰা, ড॰ লক্ষ্যজিৎ নাথ, ড॰ সমীৰণ গামে৷
 ইয়াৰ পাছতে আনুষ্ঠানিক স্বীকৃতি লাভ কৰিছে মহেশ্বৰী ক্ষুদ্ৰ চাহ বাগিচাই৷ এই সফলতাৰ খবৰে অনুপ্ৰাণিত কৰিছে ধেমাজিৰ ক্ষুদ্ৰ চাহ খেতিয়কসকলক৷ মহেশ্বৰী ক্ষুদ্ৰ চাহ বাগিচা সম্পূৰ্ণ অৰ্গেনিক আৰু নিজ হাতে প্ৰস্তুত কৰা এখন চাহ বাগিচা৷

Most Popular

চাহৰ সৈতে বিস্কুট কিমান স্বাস্থ্যকৰ ?

পুৱা শুই উঠিয়েই দাঁত ব্ৰাছ কৰি আমি সকলোৱে চাহকাপত চুমুক দিওঁ৷ পুৱা ব্ৰেকফাষ্টৰ সৈতে চাহকাপ সেৱন নকৰিলে গোটেই দিনটোৱে এলাহ ভাব অথবা...

চাহৰ সৈতে বিস্কুটকিমান স্বাস্থ্যকৰ?

পুৱা শুই উঠিয়েই দাঁত ব্ৰাছ কৰি আমি সকলোৱে চাহকাপত চুমুক দিওঁ৷ পুৱা ব্ৰেকফাষ্টৰ সৈতে চাহকাপ সেৱন নকৰিলে গোটেই দিনটোৱে এলাহ ভাব অথবা...

স্বৰ্গ-মৰ্ত্যৰ মাজৰ এই উপত্যকা!য’ত সময়ো থমকি ৰৈছে

ছাংগ্ৰিলা উপত্যকা– সঁচাকৈয়ে কি আছে এই ৰহস্যময় উপত্যকাত৷ ইয়াক লৈ বিভিন্ন সময়ত নানা প্ৰশ্নৰ উদয় হৈছে৷ ইয়াৰ ৰহস্য...

ভূপৃষ্ঠত সূৰ্যৰ উৎপত্তিৰ আগতেই পানী আছিল : কোনে ক’লে?

বিশ্বব্ৰহ্মাণ্ডত নক্ষত্ৰ সৃষ্টি হোৱাৰ আগৰে পৰাই পানী আছিল৷ বিজ্ঞানীসকলে ইয়াৰ তথ্য লাভ কৰিছে৷ উল্লেখ্য যে বিজ্ঞানীসকলে বিশ্বব্ৰহ্মাণ্ডত প্ৰথমে নক্ষত্ৰ, পানী, পৃথিৱী নে...