কেঞ্চাৰ ৰোগীক কেঞ্চাৰ-ধবংসী ভেক্‌চিনৰ প্ৰথম পালি প্ৰয়োগ

0
250

আমেৰিকাত এজন কেঞ্চাৰ ৰোগীক কেঞ্চাৰ ভাইৰাছ ধবংস কৰিব পৰা এটা ভেক্‌চিনৰ প্ৰথম পৰ্যায়ৰ পৰীক্ষাত প্ৰথমটো পালি দিয়া হয়৷ ৰোগীজন এই চিকিৎসা পৰীক্ষাৰ [মেডিকেল ট্ৰায়েল] এজন স্বেচ্ছাসেৱক বুলি অনুমান কৰা হৈছে৷ 
মানুহৰ দেহত কেঞ্চাৰৰ চে’ল বা কৰ্কট ৰোগৰ কোষ ধবংস কৰিব পৰা এবিধ ভাইৰাছ ব্যক্তিজনৰ দেহত ভেক্‌চিনেৰে সুমুৱাই দিয়া হয়৷ জীৱ-জন্তুত এই ভাইৰাছটোৱে ইতিবাচক ফল দেখুৱাইছে৷ এই চিকিৎসাৰ নাম অংকলিটিক ভাইৰাছ থেৰাপি৷ কেঞ্চাৰ চে’ল ধবংস কৰিবলৈ এবিধ ভাইৰাছ ব্যৱহাৰ কৰা হৈছে৷ 
কেঞ্চাৰ-বিধবংসী ভাইৰাছটোৰ নাম দিয়া হৈছে ভেক্সিনিয়া৷ ই স্বাস্থ্যৱান কোষবোৰ ধবংস নকৰে৷ ‘নিউজ উইক’ত প্ৰকাশিত এটা বাতৰিত কোৱা হৈছে যে ইমিউজিন লিমিটেড আৰু চিটি অব্‌ হ’পে অংকলিটিক ভাইৰাছৰ প্ৰথম পৰ্যায়ৰ পৰীক্ষা প্ৰথমজন ৰোগীক দি পৰীক্ষা আৰম্ভ কৰিছে আৰু দুবছৰত সমগ্ৰ আমেৰিকাত ১০০ কৰ্কট ৰোগীক দি পৰীক্ষা চলোৱাৰ লক্ষ্য লোৱা হৈছে৷ এই ভেক্‌চিনটোৰ পৰীক্ষা সফল হ’লে কেঞ্চাৰৰ চিকিৎসাত বৈপ্লৱিক পৰিৱৰ্তন ঘটাৰ সম্ভাৱনা আছে৷

LEAVE A REPLY

Please enter your comment!
Please enter your name here