Home Daily news কৃষকৰ মাজত হাহাকাৰ খেতিপথাৰত শুঁৰ পোকৰ উপদ্ৰৱ

কৃষকৰ মাজত হাহাকাৰ খেতিপথাৰত শুঁৰ পোকৰ উপদ্ৰৱ

ৰাজ্যত হৈ যোৱা বানপানীৰ ফলত জনসাধাৰণৰ লগতে খাটিখোৱা কৃষক শ্ৰেণীৰ মাজতো বিশেষ প্ৰভাৱ পৰিছিল৷ বান শুকোৱাৰ পাছত খেতিয়কে খেতি কৰাৰ মানসিকতাৰে পথাৰত নামিছিল৷ চহা খেতিয়কে সেই মতে যেনেকৈ পাৰে পথাৰত কঠীয়া ৰুই প্ৰায় শেষ কৰিছিল৷ কিন্তু এতিয়া আন এক বিপদ আনি দেখা দিছে খেতিয়কসকলৰ৷ ধাননি পথাৰবোৰ সেউজীয়া হ’বলৈ আৰম্ভ কৰাৰ সময়তে এইবাৰৰ প্ৰথমটো বানে পাটাছাৰকুছি অঞ্চলৰ  কৃষকসকলৰ সপোন চূৰমাৰ কৰিছিল শালিধানৰ কঠীয়াবোৰ নষ্ট কৰাৰ বাবেই৷ বানৰ পাছত খেতি কৰাৰ আশাৰে পুনৰ শালিধানৰ কঠীয়া সিঁচিছিল৷ কিন্তু অঞ্চলটোত হোৱা খৰাঙৰ বাবে শালিধানৰ খেতি পতাত ব্যাঘাত জন্মিছে৷ খৰাঙৰ মাজতে হোৱা সামান্য  বৰষুণৰ পানীৰে কিছু খেতি পাতিছিল৷ 
তাতো এতিয়া ভূতৰ ওপৰত দানহ পৰাদি উপদ্ৰৱ কৰিছে ‘আৰ্মি’ নামৰ এবিধ ভূৰ জাতীয় পোকে৷ যাক ‘শুঁৰপোক’ বুলিও কোৱা হয়৷ পাটাছাৰকুছি অঞ্চলৰ কুঁৱাৰা, সৰিহ চাকলা, দলৈগাঁও, পলাহ শিমলুবাৰী আদিকে ধৰি কেইবাখনো গাঁৱৰ খেতিপথাৰত এইবিধ পোকৰ উপদ্ৰৱ বাঢ়িছে৷ এই পোকে  দিনৰ ভাগত গোছাৰ মাজত সোমাই থাকে আৰু সন্ধিয়া ওলাই নিশাটোৰ ভিতৰতে বিঘাই বিঘাই ধানগছ খাই শেষ কৰে৷ ইয়াৰ উপদ্ৰৱৰ পৰা নিজৰ খেতিডৰাক ৰক্ষা কৰিবলৈ উক্ত অঞ্চলৰ কৃষকসকলে নিজৰ গাঁঠিৰ ধনেৰে কীটনাশক ঔষধ প্ৰয়োগ কৰিছে৷ 
বজালী জিলাৰ কৃষি বিভাগৰ বিষয়া-কৰ্মচাৰীয়ে পোকে খোৱা খেতি পৰিদৰ্শন কৰিছে যদিও কৃষি বিভাগৰ পৰা উচিত ব্যৱস্থা লোৱা পৰিলক্ষিত হোৱা নাই৷ কৃষকসকলে কষ্টোপাৰ্জিত গাঁঠিৰ ধন খৰচ কৰি আৰম্ভ কৰা ধানখেতি এনেদৰে ‘আৰ্মি’ পোকে তহিলং কৰাত হতাশ হৈ পৰিছে৷  আনহাতে বান বিধ্বস্ত এই খেতিপথাৰসমূহত নাই কোনো জলসিঞ্চনৰ ব্যৱস্থা৷ এনেদৰে প্ৰতিবছৰে ক্ষতিগ্ৰস্ত হৈ থকা বাবেই কৃষকসকলৰ বেছভাগেই খেতিৰ প্ৰতি অনীহা প্ৰকাশ কৰিছে আৰু ইতিমধ্যে একাংশ কৃষকে খেতি কৰিবলৈ এৰিছে৷ গতিকে কৃষকসকলক বিনামূলীয়াকৈ কীটনাশক ঔষধ আৰু স্প্ৰে মেচিনৰ যোগান ধৰিবলৈ একাংশ কৃষকে চৰকাৰক দাবী জনাইছে৷

Most Popular

ধুমুহা আহে লাহে লাহে

(৩১ মে' : বিশ্ব ধঁপাত-বিৰোধী দিৱস উপলক্ষে) ডাঃ অৰূপ কুমাৰ নাথঅধ্যক্ষ তথা মুখ্য পৰিচালন সঞ্চালক আৰু মুখ্য ইউৰ'লজি বিশেষজ্ঞ,

ধুমুহা আহে লাহে লাহে

(৩১ মে' : বিশ্ব ধঁপাত-বিৰোধী দিৱস উপলক্ষে) ডাঃ অৰূপ কুমাৰ নাথঅধ্যক্ষ তথা মুখ্য পৰিচালন সঞ্চালক আৰু মুখ্য ইউৰ'লজি বিশেষজ্ঞ,

ঘণ্টা ঘণ্টা ধৰি কাণত হেডফোনথাকিলে হ’ব পাৰে এই মহা বিপদ

নিয়মিতভাৱে হেডফোন ব্যৱহাৰ কৰিলে বিভিন্ন সমস্যাই দেখা দিব পাৰে৷ এই তালিকাত কিছু ভয়াৱহ ৰোগৰ নামো সন্নিৱিষ্ট হৈছে৷ সময় থাকোঁতে সেয়ে এই বিষয়ে...

তিতাকেৰেলা এইবোৰৰসৈতে ভুলতো নাখাব

খাবলৈ তিতা হ’লেও তিতাকেৰেলা যে আমাৰ শৰীৰৰ বাবে ভীষণ উপকাৰী সেই কথা সকলোৱে জানে৷ তিতাকেৰেলা এনে এবিধ পাচলি, যাৰ আছে হাজাৰটা ঔষধি...