কলাজিৰা– দেখিবলৈ এটা সৰু দানাৰ দৰে যদিও ইয়াৰ আছে বিস্ময়কৰ শক্তি৷ প্ৰাচীন কালৰ পৰা মানৱ দেহৰ বিভিন্ন ৰোগৰ প্ৰতিষেধক আৰু প্ৰতিৰোধক হিচাপে কলাজিৰা ব্যৱহাৰ হৈ আহিছে৷ কলাজিৰাত ফছফেট, লৌহ, ফচফৰাছ, কাৰ্বহাইড্ৰেট আদিৰ উপৰি বিভিন্ন জীৱাণুনাশক উপাদান পোৱা যায়৷ কলাজিৰাই কেঞ্চাৰ প্ৰতিৰোধক কেৰোটিন আৰু শক্তিশালী হৰমন, প্ৰস্ৰাৱ সংক্ৰান্তীয় বিভিন্ন ৰোগ প্ৰতিৰোধকাৰী উপাদান, পাচক এনজাইম আৰু অম্লনাশক উপাদানৰ লগতে অম্লৰোগৰ প্ৰতিষেধক হিচাপে কাম কৰে৷(১) মূৰৰ বিষ হ’লে তেলৰ সৈতে কলাজিৰা মিহলাই মূৰ মালিচ কৰিলে মূৰৰ বিষৰ পৰা উপশম পাব পাৰি৷
(২) কলাজিৰাৰ গুড়ি, অলিভ অইল আৰু বিশুদ্ধ মৌ মিহলাই পুৱা এচামুচকৈ খালে যৌনশক্তি বৃদ্ধি হয় আৰু যৌন দুৰ্বলতাৰ পৰা সকাহ পোৱা যায়৷
(৩) প্ৰথমে নেমুৰ ৰস চুলিত লগাই ১৫ মিনিটমান ৰাখি ছেম্পুৰে ভালদৰে ধুই ল’ব৷ তাৰ পাছত চুলিখিনি ভালদৰে শুকাই লৈ কলাজিৰাৰ তেলেৰে শুকোৱা চুলিখিনি মালিচ কৰিলে এপ্তাহৰ ভিতৰতে চুলি পকা বন্ধ হ’ব৷
(8) কফজনিত বা হাঁপানি ৰোগীয়ে কলাজিৰাৰ তেলেৰে বুকু আৰু পিঠি মালিচ কৰিলে এই ৰোগৰ পৰা পৰিত্ৰাণ পোৱা যায়৷
(৫) মৌৰ সৈতে কলাজিৰা মিহলাই খালে স্মৃতিশক্তি বৃদ্ধি পায় লগতে কুহুমীয়া পানীত কলাজিৰা মিহলাই খালে এজমা ৰোগৰ পৰা হাত সাৰিব পাৰি৷
(৬) কলাজিৰাৰ গুড়ি ডালিমৰ লগত মিহলাই খালে ডায়েবেটিছৰ কাৰণে উপকাৰী৷
(৭) চাহৰ সৈতে কলাজিৰা মিহলাই সেৱন কৰিলে হৃদৰোগৰ বাবে অতি উত্তম৷ ইয়াৰ লগতে এই মিশ্ৰণে শৰীৰৰ মেদবহুলতাৰ সমস্যাও নাইকিয়া কৰে৷
(৮) ৰাতি শোৱাৰ সময়ত কলাজিৰাৰ তেলেৰে চকু মালিচ কৰিলে চকুৰ বিভিন্ন সমস্যা নিৰ্মূল হয়৷
(৯) গৰম পানীৰ লগত বা চাহ খাওঁতে তাত অলপ কলাজিৰা মিহলাই সেৱন কৰিলে ৰক্তচাপ স্বাভাৱিক অৱস্থাত থাকে৷
(১০) একাপ গাখীৰত কলাজিৰা অলপ লৈ দৈনিক সেৱন কৰিলে এচিডিটি, বদহজম আদি সমস্যাৰ পৰা হাত সাৰি থাকিব পাৰি৷
