ঋতুস্ৰাৱৰ সময়ত সকলো মহিলাই ছেনিটাৰী নেপকিন ব্যৱহাৰ কৰে৷ পিছে এই ছেনিটাৰী নেপকিন ব্যৱহাৰ কৰাৰ সময়ত বহুতেই কিছুমান ভুল কৰা দেখা যায়৷ তাৰ ভিতৰত বহু দেৰিলৈ একেটা ছেনিটাৰী নেপকিনে ব্যৱহাৰ কৰা, ৰক্ত ক্ষৰণ কমকৈ হ’লে ছেনিটাৰী নেপকিন নসলোৱা, স্কুল-অফিচ আদিলৈ গ’লে একেটা ছেনিটাৰী নেপকিনে ব্যৱহাৰ কৰা ইত্যাদি৷ কিন্তু ছেনিটাৰী নেপকিন ব্যৱহাৰ কৰাৰ সময়ত কিছুমান সতৰ্কতা অৱলম্বন কৰা অতিকে জৰুৰী৷
(১) ছেনিটাৰী নেপকিন ব্যৱহাৰ কৰাৰ আগতে হাত ভালকৈ ধুই লোৱা উচিত৷ নহ’লে হাতত থকা জীৱাণু শৰীৰৰ ভিতৰত প্ৰৱেশ কৰাৰ আশংকা থাকে৷
(২) এটা ছেনিটাৰী নেপকিন গোটেই দিনটো ব্যৱহাৰ কৰা মুঠেও উচিত নহয়৷ ইয়াৰ ফলত যোনীৰ ইনফেক্শ্যন হৈ খজুৱতি, ৰঙা পৰা, প্ৰস্ৰাৱৰ জ্বলন, যোনী ফুলি অহা আদি সমস্যাই দেখা দিব পাৰে৷ সেয়েহে অন্ততঃ ৪-৬ ঘণ্টাৰ মূৰে মূৰে এটা ছেনিটাৰী নেপকিন সলাব লাগে৷
(৩) ৰঙীন আৰু সুগন্ধিযুক্ত ছেনিটাৰী নেপকিন ব্যৱহাৰ নকৰিব৷ কাৰণ এনেধৰণৰ ছেনিটাৰী নেপকিনত ৰাসায়নিক দ্ৰব্য মিশ্ৰিত হৈ থাকে, যাৰ ফলত ই আপোনাৰ শৰীৰৰ ক্ষতি কৰিব পাৰে৷
(৪) ইয়াৰ লগতে মনত ৰাখিব কেতিয়াও সঘনাই ছেনিটাৰী নেপকিনৰ ব্ৰেণ্ড সলনি কৰি থকা উচিত নহয়৷
