Home Daily news ইটালি, আফ্ৰিকালৈ যাব বজালীৰ চাউল

ইটালি, আফ্ৰিকালৈ যাব বজালীৰ চাউল

কৃষিক্ষেত্ৰৰ উৰ্বৰ ভূমিত উৎপাদিত সামগ্ৰীৰে অৰ্থনীতিৰ পৰিকাঠামো নিৰ্মাণ হোৱা বজালীৰ কৃষি খণ্ড আৰু কৃষকক বজালীৰ উপায়ুক্ত ভাৰত ভূষণ দেৱ চৌধুৰীয়ে এক সিদ্ধান্তৰ জৰিয়তে নতুন মাত্ৰা প্ৰদান কৰিলে৷ উল্লেখ্য যে ভূটানৰ জৰিয়তে বজালীৰ কৃষকৰ চাউল ইটালি আৰু আফ্ৰিকালৈ প্ৰেৰণ কৰাৰ বাবে সিদ্ধান্ত গ্ৰহণ কৰা উপায়ুক্ত দেৱ চৌধুৰীয়ে ছয় মাৰ্চত ভূটানৰ এগৰাকী উদ্যোগী চেৰিং পেনজৰৰ সৈতে উপায়ুক্তৰ কাৰ্যালয়ত বাৰ্তালাপ কৰি চাউল প্ৰেৰণ কৰা বিষয়টো নিশ্চিত কৰে৷ এই দিশত পেনজৰক যাৱতীয় প্ৰশাসনীয় সহযোগিতা আগবঢ়োৱাৰ কথা উল্লেখ কৰি দেৱ চৌধুৰীয়ে কয় যে এই বিষয়টোৱে ব্যৱসায়-বাণিজ্যৰ দিশটো উন্নীত কৰাৰ উপৰি আন্তঃৰাষ্ট্ৰীয় পৰ্যায়ত মৈত্ৰী বন্ধনো সুদৃঢ় কৰিব৷ আনহাতে বজালীৰ চাউল ইটালি, আফ্ৰিকাত সমাদৃত হ’ব, এই কথাটোৱে বজালীৰ কৃষকক অধিক উল্লসিত কৰিছে এইবাবেই যে এই প্ৰক্ৰিয়াৰ দ্বাৰা বজালীৰ কৃষক বাৰুকৈয়ে লাভান্বিত হ’ব আৰু বজালীৰ কৃষি খণ্ডত নতুন দিগন্তৰ উন্মেষ ঘটিব৷ ভূটানৰ উদ্যোগী পেনজৰে এই কথাও সদৰী কৰিছে যে পৰৱৰ্তী পৰ্যায়ত বজালীৰ চাউল বিভিন্ন বিদেশী ৰাষ্ট্ৰলৈও প্ৰেৰণ কৰিব৷ ক’ভিডকালীন পৰিস্থিতিৰ পাছত আন্তঃৰাষ্ট্ৰীয় বজাৰ ব্যৱস্থা যথেষ্ট সন্তোষজনক দিশে ধাৱমান হোৱাৰ সময়ত ভূটানৰ জৰিয়তে বজালীৰ চাউল বিদেশলৈ প্ৰেৰণ কৰা বিষয়টোৱে যথেষ্ট তাৎপৰ্য বহন কৰিছে৷ উপায়ুক্ত দেৱ চৌধুৰীয়ে প্ৰকাশ কৰিছে যে বজালীৰ অৰ্থনীতিৰ বুনিয়াদ সুদৃঢ় কৰাৰ হকে তেওঁ অবিৰতভাৱে প্ৰচেষ্টা চলাই যাব৷

Most Popular

পাঁচখন গাঁৱত ধূমপান নিষিদ্ধ!জানক ইয়াৰ আঁৰৰ কথা

ধূমপানৰ পৰা হ’ব পৰা ক্ষয়-ক্ষতিৰ তালিকাখন আমাৰ সকলোৰে জ্ঞাত৷ সেয়ে সময়সাপেক্ষে কিছুমান এলেকা বা অঞ্চল ধূমপানৰ পৰা সুৰক্ষিত হ’বলৈ নিষিদ্ধ কৰা হয়৷...

শীতকালত আপোনাৰচকুযুৰিৰ যতন কিদৰে ল’ব

আমি সকলোৱে শৰীৰৰ বিভিন্ন অংগৰ যতনৰ ওপৰত গুৰুত্ব দিওঁ৷ কিন্তু চকুৰ যতন ল’বলৈ পাহৰি যাওঁ৷ চকুযুৰিৰ জৰিয়তে আমি ধুনীয়া পৃথিৱীখনৰ সৌন্দৰ্যৰ দেখিবলৈ...

চলিত সপ্তাহত পৃথিৱীৰ একেবাৰেকাষেৰে পাৰ হ’ব এটা গ্ৰহাণু

ন্ডপৃথিৱীৰ কাষেৰে গ্ৰহাণু বা গ্ৰহাণুপুঞ্জ পাৰ হোৱাৰ ঘটনাটো নতুন নহয় যদিও পৃথিৱীৰ একেবাৰে কাষেৰে গ্ৰহাণু পাৰ হোৱাৰ ঘটনা এইবাৰ সংঘটিত হ’ব৷ চলিত...

বাহন চলিব গোবৰ গেছৰ ইন্ধনেৰে ! ক’ত, কেতিয়া?

দেশৰ বাহন নিৰ্মাণ প্ৰতিষ্ঠান মাৰুতি ছুজুকি মটৰ কৰ্প’ৰেশ্যনে ২০৩০ চনলৈকে শেহতীয়াকৈ এক দীৰ্ঘকালীন পৰিকল্পনা হাতত লৈছে৷ বাহন নিৰ্মাণ কৰা প্ৰতিষ্ঠানটোৱে আগন্তুক সময়ত...