Home Daily news অসম কেঞ্চাৰৰ হট্‌স্পটত পৰিণত হৈছে নেকি ?

অসম কেঞ্চাৰৰ হট্‌স্পটত পৰিণত হৈছে নেকি ?

কেঞ্চাৰৰ ‘হটস্পট’ত পৰিণত হৈছে অসম৷ শেহতীয়াকৈ ৰাজ্যখনত এই মাৰাত্মক ৰোগবিধে ঘাতকৰ ৰূপ ধাৰণ কৰিছে৷ প্ৰতিবছৰেই ভয়াৱহভাৱে বৃদ্ধি পোৱা এই ৰোগত যোৱা পাঁচ বছৰতে ৰাজ্যখনত ১ লাখ ১৪ হাজাৰ ১৬৯জন লোকৰ মৃত্যু ঘটাৰ লগতে আক্ৰান্ত হৈছে ১ লাখ ৮৯ হাজাৰ ৪৭৮জন লোক৷ ৰাজ্যবাসীৰ বাবে অত্যন্ত উদ্বেগজনক এই তথ্য সদৰী কৰিছে খোদ কেন্দ্ৰীয় চৰকাৰে৷ কেন্দ্ৰীয় স্বাস্থ্য আৰু পৰিয়াল কল্যাণ মন্ত্ৰ্যালয়ৰ ৰাজ্য মন্ত্ৰী ভাৰতী প্ৰবীণ পাৱাৰে প্ৰকাশ কৰা মতে, অসমত প্ৰতিবছৰেই কেঞ্চাৰত আক্ৰান্ত হোৱা লোকৰসংখ্যা যিদৰে বৃদ্ধি পাইছে সেইদৰে এই ৰোগত মৃত্যু হোৱা লোকৰ সংখ্যাও বৃদ্ধি পাইছে৷ বিস্তৃত তথ্য দাঙি ধৰি মন্ত্ৰীগৰাকীয়ে কয় যে কেঞ্চাৰত আক্ৰান্ত হৈ অসমত ২০১৮ চনত ২১,৭১৫জন, ২০১৯ চনত ২২,২৬১জন, ২০২০ চনত ২২,৮২৪জন, ২০২১ চনত ২৩,৩৯৫জন আৰু ২০২২ চনত ২৩,৯৭৪জনৰ মৃত্যু হৈছে৷ আনহাতে যোৱা পাঁচ বছৰত ৰাজ্যখনত কেঞ্চাৰত আক্ৰান্ত হৈছে ৰ লাখ ৮৯ হাজাৰ ৪৭৮জন লোক৷ অসমত সকলোতকৈ অধিক লোক কেঞ্চাৰত আক্ৰান্ত হয় কামৰূপ মহানগৰ জিলাত৷ জিলাখনৰ প্ৰতি এক লাখ পুৰুষৰ মাজত ২১৩জন আৰু এক লাখ মহিলাৰ মাজত ১৬৯গৰাকী এই মাৰাত্মক ৰোগবিধত আক্ৰন্ত হয়৷ সাধাৰণতে ৰাজ্যখনৰ পুৰুষসকলৰ মুখ, খাদ্যনলী আৰু হাওঁফাওঁত কেঞ্চাৰ ৰোগে আক্ৰমণ কৰাৰ বিপৰীতে মহিলাসকলৰ অধিকসংখ্যকৰেই স্তন আৰু জৰায়ুত কেঞ্চাৰ হয়৷ আনহাতে অসম তথা উত্তৰ-পূৰ্বাঞ্চলত ধঁপাত সেৱন, মদ্যপান আৰু খাদ্যাভ্যাসৰ বাবে অধিক লোক কেঞ্চাৰত আক্ৰান্ত হয়৷ অসমৰ কেঞ্চাৰ ৰোগীৰ ৪৮ শতাংশই ধঁপাত সেৱন কৰে৷ উল্লেখ্য যে ইণ্ডিয়ান কাউন্সিল অব্‌ মেডিকেল ৰিছাৰ্চৰ এক প্ৰতিবেদনত অনাগত পাঁচ বছৰত ভাৰতত কেঞ্চাৰ ৰোগত আক্ৰান্তৰ সংখ্যা ১২ শতাংশলৈ বৃদ্ধি পাব বুলি সম্ভাৱনা ব্যক্ত কৰিছে৷ এনে পৰিস্থিতিত অনাগত দিনত ৰাজ্যখনত কেঞ্চাৰ যে ভয়ংকৰ পৰিস্থিতিৰ সৃষ্টি কৰিব, সেয়া নিশ্চিত হৈ পৰিছে৷

Most Popular

বিস্কুটৰ গাত অসংখ্য ছিদ্ৰ থকাৰ আঁৰৰ কথা জানেনে ?

বিস্কুট খোৱাটো আমি সকলোৱে পচন্দ কৰোঁ৷ পুৱাৰ ফিকা চাহকাপৰ সৈতে এখন বিস্কুট খোৱাৰ আমেজেই সুকীয়া৷ চাহ-বিস্কুটৰ জুতি নল’লে দিনটো যেন অসম্পূৰ্ণ হৈয়ে...

বিজ্ঞানীৰ উদ্ভাৱন : বিশ্বৰ ৰূপ সলনি কৰিব Red matter-এ

আধুনিক বিজ্ঞান-প্ৰযুক্তিৰ দিশত বিজ্ঞানীসকলে ন ন কৌশল উদ্ভাৱন ব্ৰতী হৈ আছে৷ ইয়াৰে ফচল হিচাপে এইবাৰ বিজ্ঞানীসকলে নতুন পদাৰ্থ...

নিমিষতে ম’বাইল ডাটা শেষনহ’বলৈ এই পদ্ধতি অৱলম্বন কৰক

আপুনি গোটেই দিনটোত ফে’চবুক, ৱাটছএপ কোনোটোৱে ব্যৱহাৰ কৰা নাই, অথচ আপোনাৰ স্মাৰ্টফোনটোৰ ডাটা ৫০ শতাংশ শেষ হৈ গৈছে৷ তাৰ বাবে আপুনি কাষ্টমাৰ...

বেচনৰ হেয়াৰ মাস্ক : চুলিৰ যত্নত কিদৰে ব্যৱহাৰ কৰিব ?

বহু যুগ ধৰি সৌন্দৰ্য বজাই ৰখাৰ বাবে বেচন ব্যৱহাৰ হৈ আহিছে৷ ছালৰ উজ্জ্বলতা, ব্ৰুন বা মুখৰ দাগ, পিগমেণ্টটেশ্যন আদি ছালৰ যিকোনো সমস্যা...