Home Daily news GMCH-ত প্ৰথমটো ব’ন মেৰ’ ট্ৰেন্সপ্লাণ্ট সফলতাৰে সম্পন্ন

GMCH-ত প্ৰথমটো ব’ন মেৰ’ ট্ৰেন্সপ্লাণ্ট সফলতাৰে সম্পন্ন

গুৱাহাটী চিকিৎসা মহাবিদ্যালয়ত প্ৰথমটো হাড়ৰ মজ্জা সংৰোপণ [ব’ন মেৰ’ ট্ৰেন্সপ্লাণ্ট] সফলতাৰে সম্পন্ন হোৱাৰ সুখবৰ দিয়ে ৰাজ্যৰ মুখ্যমন্ত্ৰী ড॰ হিমন্ত বিশ্ব শৰ্মাই৷ জি এম চি এইচত হাড়ৰ মজ্জা সংৰোপণ সফলতাৰে সম্পন্ন হোৱা কাৰ্য ৰাজ্যৰ চিকিৎসা ক্ষেত্ৰখনৰ বাবেই অত্যন্ত সুখবৰ বিবেচিত হৈছে৷ এই চিকিৎসা পদ্ধতি অসমতে সম্ভৱ হোৱাত এতিয়াৰ  পৰা তেজৰ কৰ্কট ৰোগ আৰু থেলাছেমিয়া ৰোগৰ চিকিৎসা জি এম চি এইচতে সম্ভৱ হ’ব৷ মুখ্যমন্ত্ৰী ড॰ শৰ্মাই হাড়ৰ মজ্জা সংৰোপণৰ প্ৰথমটো প্ৰক্ৰিয়া সফলতাৰে সম্পন্ন কৰা চিকিৎসকৰ দলটোক সাক্ষাৎ কৰি উৎসাহিত কৰে৷ আনহাতে জি এম চি এইচত হাড়ৰ মজ্জা সংৰোপণ কৰিলে মাত্ৰ ২ লাখ টকাহে ব্যয় হ’ব বুলিও তেওঁ সদৰী কৰে৷ জি এম চি এইচত হাড়ৰ মজ্জা সংৰোপণ কৰোৱা ৰোগীজন কামৰূপ জিলাৰ কমলপুৰৰ বুলি সদৰী কৰে মুখ্যমন্ত্ৰীজনে৷ তেওঁৰ চিকিৎসা জি এম চি এইচৰ হেমাট’লজি বিভাগৰ উদ্যোগত আৰু বিভাগটোৰ মুৰব্বী চিকিৎসক ডাঃ জীনা ভট্টাচাৰ্যৰ নেতৃত্বত সম্পন্ন হয়৷ 
উল্লেখ্য যে হাড়ৰ মজ্জা সংৰোপণ তিনি প্ৰকাৰে সম্ভৱ হয়৷ ইয়াৰে প্ৰথম দুটা ভাগৰ চিকিৎসা জি এম চি এইচত ইতিমধ্যে সম্ভৱ হৈছে যদিও তৃতীয়বিধ চিকিৎসাৰ বাবে আৰু কিছু আন্তঃগাঁথনিৰ প্ৰয়োজন হ’ব বুলি মুখ্যমন্ত্ৰীয়ে সদৰী কৰে৷ এতিয়া অট’লগাছ আৰু এল’জেনিক পদ্ধতি সম্ভৱ হোৱা বুলি তেওঁ প্ৰকাশ কৰে৷ অট’লগাছ পদ্ধতিত ৰোগীৰ নিজৰে মজ্জা সংৰোপণ কৰা হয়৷ এই পদ্ধতি তেজৰ কৰ্কট ৰোগৰ চিকিৎসাত কৰা হয়৷ আনহাতে এল’জেনিক ৰোগীৰ আত্মীয়ৰ মজ্জা ১০০ শতাংশ মেট্‌ছ কৰিলে সংৰোপণ কৰা হয়৷ এই পদ্ধতি থেলাছেমিয়া ৰোগৰ চিকিৎসা সম্ভৱ হয়৷ আনহাতে জি এম চি এইচৰ উপৰি শেহতীয়াকৈ বি বৰুৱা কৰ্কট প্ৰতিষ্ঠানতো হাড়ৰ মজ্জা সংৰোপণ সম্ভৱ হোৱা বুলি সদৰী কৰি এতিয়া চৰকাৰীভাৱে অসমত জি এম চি এইচ আৰু বি বৰুৱা কৰ্কট প্ৰতিষ্ঠানত সমান্তৰালভাৱে হাড়ৰ মজ্জা সংৰোপণ কৰা হ’ব বুলি মুখ্যমন্ত্ৰীজনে প্ৰকাশ কৰে৷

Most Popular

বেদতে আছিল বিজ্ঞানৰ সমস্ত সূত্ৰতোলপাৰ লগাইছে এই দাবীয়ে

বিজ্ঞানৰ সমস্ত সূত্ৰ বেদতে আছিল৷ এই দাবী কৰিছে ইছৰ’ৰ অধ্যক্ষ এছ সোমনাথে৷ ভাৰতৰ মহাকাশ গৱেষণা সংস্থা চমুকৈ ইছৰ’ৰ অধ্যক্ষ সোমনাথে কোৱা মতে...

প্ৰথমবাৰৰ বাবে মঙল গ্ৰহৰপৰাপৃথিৱীলৈ এলিয়েন ছিগ্‌নেল প্ৰেৰণ

পৃথিৱীৰ বাহিৰতো আন জীৱৰ সন্ধান অব্যাহত থকা অৱস্থাত প্ৰথমবাৰৰ বাবে মঙল গ্ৰহৰ পৰা পৃথিৱীলৈ মহাবিশ্বৰ এটা সংকেত প্ৰেৰণ কৰা হৈছে৷ আন...

সুখবৰ : ডায়েবেটিছৰ বাবে বিশ্বৰ প্ৰথম অৰেল ইনছুলিন উদ্ভাৱন

বৰ্তমান বিশ্বত ডায়েবেটিছ ৰোগে ভয়াৱহভাৱে দেখা দিছে৷ অনিয়মীয়া খাদ্য গ্ৰহণ, দৈনন্দিন জীৱন প্ৰণালীৰ সালসলনি, আৰামপ্ৰিয় জীৱন, পৰিশ্ৰমহীন কৰ্ম, খাদ্য সামগ্ৰী ভেজালকৰণ ইয়াৰ...

ধুমুহা আহে লাহে লাহে

(৩১ মে' : বিশ্ব ধঁপাত-বিৰোধী দিৱস উপলক্ষে) ডাঃ অৰূপ কুমাৰ নাথঅধ্যক্ষ তথা মুখ্য পৰিচালন সঞ্চালক আৰু মুখ্য ইউৰ'লজি বিশেষজ্ঞ,