আজিকালি প্ৰায়ভাগ লোকৰে এটা প্ৰধান সমস্যা হৈছে ইউৰিক এচিড বৃদ্ধিৰ সমস্যা৷ ইউৰিক এচিড হৈছে আমাৰ শৰীৰৰ পিউৰিন নামৰ উপাদানবিধৰ পৰা নিৰ্গত এক প্ৰাকৃতিক আৱৰ্জনা৷ আমাৰ শৰীৰত ইউৰিক এচিডৰ পৰিমাণ বৃদ্ধি হ’লে বিভিন্ন দিশত বিৰূপ প্ৰভাৱ পৰে৷ ইউৰিক এচিডৰ মূল সমস্যাটো হ’ল গাঁঠিৰ বিষ বা Arthritis৷ ই গাঁঠিবোৰক প্ৰভাৱিত কৰি মানুহ এজনক বাৰুকৈয়ে যন্ত্ৰণাত ভোগায়৷ ইয়াৰ পৰিমাণ বাঢ়িলে বৃক্কৰ নিষ্কাশন কৰাৰ ক্ষমতা হ্ৰাস পায়৷ ইলাচী সেৱনে ইউৰিক এচিড নিয়ন্ত্ৰণ কৰে৷ ইলাচীয়ে কিদৰে ইউৰিক এচিড নিয়ন্ত্ৰণ কৰে জানো আহক৷(১) ঔষধি গুণসম্পন্ন ইলাচীয়ে ইউৰিক এচিডৰ স্তৰ নিয়ন্ত্ৰণ কৰি ৰখাত সহায় কৰে৷ লগতে ই Arthritis ৰোগীসকলৰ বাবেও উপকাৰী৷ ইলাচীত পোৱা উপাদানে গাঁঠিৰ বিষ নিৰ্মূলত সহায় কৰে৷
(২) 8-৫ টা ইলাচী লৈ ইয়াৰ বাকলিবোৰ গুচাই পানীত তিয়াই ৰাখক৷ এই পানীখিনি আঠ ঘণ্টামানৰ পাছত খাওক৷ এইদৰে দৈনিক দুবাৰকৈ খালে গাঁঠিৰ বিষ, আঙুলিৰ বিষ আদিৰ পৰা উপশম পাব পাৰি৷
(৩) ইলাচীৰ দৈনিক সেৱনে শৰীৰৰ ওজন হ্ৰাসতো সহায় কৰে৷ দৈনিক ২টা ইলাচী ভালদৰে চোবাই খালে শৰীৰত কলেষ্টৰেল নিয়ন্ত্ৰণত থাকে৷
(8) উচ্চ ৰক্তচাপ নিয়ন্ত্ৰণত ৰাখিবলৈ দৈনিক ইলাচী সেৱন কৰক৷ কিয়নো ইয়াৰ এণ্টিঅক্সিডেণ্ট আৰু এণ্টিবায়’টিক গুণে ৰক্তচাপ নিয়ন্ত্ৰণত সহায় কৰে৷
(৫) হৃদৰোগীসকলৰ বাবে ইলাচী অতি উপকাৰী৷ কিয়নো শৰীৰত শৰ্কৰাৰ স্তৰ নিয়ন্ত্ৰণত ৰখাত ইলাচী কাৰ্যকৰী৷
