বৰ্তমান যুগত সকলোৱে নিজকে সুন্দৰ আৰু ধুনীয়া কৰিবলৈ বিচাৰে৷ দৰাচলতে ল’ৰাতকৈ ছোৱালীসকলে তেওঁলোকৰ সৌন্দৰ্য বঢ়াবলৈ বা ধৰি ৰাখিবলৈ বিভিন্ন টিপছ, কৌশল বা বিভিন্ন পন্থা অৱলম্বন কৰা দেখা যায়৷
কিন্তু এই সময়খিনিত আমি বুজি বা অজ্ঞাতে কৰি অহা কিছুমান অভ্যাসৰ ফলত সৌন্দৰ্য বৃদ্ধি হোৱাৰ পৰিৱৰ্তে সৌন্দৰ্য নষ্ট বা হ্ৰাস হোৱালৈহে আৰম্ভ কৰে৷ এই অভ্যাসবোৰ অতি সাধাৰণ যেন লাহিলেও ইয়ে আমাৰ সৌন্দৰ্য ধৰি ৰখাত আঘাত হানে৷ জানো আহক কি কু-অভ্যাসৰ ফলত আমাৰ সৌন্দৰ্য হ্ৰাস পায়৷
এইটো সকলোৱে জনা কথা যে ৰাতি শোৱাৰ আগতে মুখখন ভালদৰে ধুই ল’ব লাগে৷ যিসকল লোকে ভাগৰৰ বাবে বা এলাহৰ বাবে ৰাতি মুখৰ ছালখন পৰিষ্কাৰ নকৰে, তেওঁলোকৰ ছালখন বিভিন্ন ধৰণে ক্ষতিগ্ৰস্ত হয়৷ যাৰ ফলত তেনে লোকৰ মুখৰ উজ্জ্বলতা হ্ৰাস পোৱাৰ লগতে বিভিন্ন ৰোগে ছালখন আক্ৰান্ত কৰে৷
প্ৰধানকৈ শীতকালত বেছিভাগ লোকে পানী কমকৈ খোৱা দেখা যায়৷ যাৰ ফলত ছালখন শুকান, ৰুক্ষ হৈ পৰে৷ কম পৰিমাণে পানাী খোৱাৰ ফলত ছালৰ খজুৱতি, ছাল টান ৰৈ পৰা, খহটা হোৱা আদি লক্ষণে দেখা দিয়ে৷
অৰ্থাৎ ছালখনে ডিহাইড্ৰেশ্যনত ভোগে৷ নে পৰিস্থিতিত যদি লোকজনে পৰ্যাপ্ত পৰিমাণৰ পানী সেৱন নকৰে, তেন্তে এই সমস্যাবোৰৰ পৰা পৰিত্ৰাণ নাপাই ছালখনৰ সৌন্দৰ্যত আঘাত কৰে৷
ব্যস্ত সময়সূচীৰ বাবে বেছিভাগ লোকে ঘৰৰ পৰা ওলাই যাওঁতে ছানস্ক্ৰীন প্ৰয়োগ নকৰে৷ যাৰ ফলত তেওঁলোকৰ ছাল সম্বন্ধীয় বিভিন্ন সমস্যা আৰম্ভ হয়৷ আমি জানো যে ছানস্ক্ৰীনত ছালৰ উপযোগী কিছুমান গুৰুত্বপূৰ্ণ উপাদান যেনে– জিংক অক্সাইড, টাইটেনিয়াম অক্সাইড ইত্যাদি থাকে৷ যি ছালখনক সূৰ্যৰ ক্ষতিকাৰক ৰশ্মিৰ পৰা সুৰক্ষিত কৰি ৰাখে৷
