নাকটো কেনেকৈ ৰোগমুক্ত কৰি ৰাখিব?How to keep the nose disease-free?

ধূলি-বালি, প্ৰদূষণ, গাড়ী-মটৰৰ পৰা ওলোৱা ধোঁৱা, বেমাৰৰ বীজাণু আদি আমাৰ নাকৰ জৰিয়তে শৰীৰত প্ৰৱেশ কৰে৷ ফলত শৰীৰত নানা ধৰণৰ বেমাৰে দেখা দিয়ে৷ গতিকে বেমাৰ কঢ়িওৱা অন্যতম কাৰক হৈছে আমাৰ নাকটো৷ সেয়েহে ইয়াৰ সঠিক পৰিচৰ্যা কৰাৰো প্ৰয়োজন৷

[১] প্ৰথমতে নাকত যাতে ধূলি-বালি, ধোঁৱা আদি সোমাব নোৱাৰে তাৰ বাবে সতৰ্ক হোৱা উচিত৷ ইয়াৰ বাবে মাস্ক ব্যৱহাৰ কৰাটো প্ৰয়োজনীয়৷

[২] অফিচ-বজাৰ বা ধূলিময় পৰিৱেশত কাম কৰি আহি অলপ কুহুমীয়া গৰম পানীত নিমখ মিহলি কৰি নাকৰ ভিতৰখন চাফা কৰিব লাগে, তেতিয়া নাকটো ৰোগাক্ৰান্ত হোৱাৰ পৰা বচাব পাৰি৷

[৩] নাকৰ বিন্ধাত সৰিয়হৰ তেল দিলে বীজাণু নাশ হয়৷

[৪] পুৱা আৰু সন্ধিয়া নাকৰ বিন্ধাত তিলৰ তেল, নাৰিকলৰ তেল অথবা ঘিউ লগালে বীজাণুমুক্ত হোৱাৰ লগতে নাকৰ পথবোৰ পৰিষ্কাৰ হয়৷

[৫] নাকেৰে দিনটোত চাৰিবাৰমান গৰম পানীৰ ভাপ ল’লে নাক বীজাণুমুক্ত হোৱাৰ লগতে শুকান কাহ, নাক বন্ধ হোৱা আৰু মগজুৰ কোষসমূহক সঠিকভাৱে পৰিচালনা হোৱাত সহায় কৰে৷ এই গৰম পানীত সতেজ পদিনাৰ পাত অথবা আজৱাইন মিশ্ৰণ কৰিব পাৰে৷

[৬] নাকৰ পৰা তেজ ওলালে দূবৰি বন নাইবা পিঁয়াজ খুন্দি নাকেৰে শুঙিলে তেজ ওলোৱা বন্ধ হয়৷

[৭] অনুলম-বিলোম কৰাটো নাক আৰু শৰীৰৰ অন্য অংগসমূহৰ বাবে যথেষ্ট লাভদায়ক৷

[৮] পানীলগা, ইনফ্লুয়েঞ্জা প্ৰতিৰোধ কৰিবৰ কাৰণে আমলখি, শিলিখা, নেমুৰ ৰস আদি ভিটামিন-C যু্‌ক্ত খাদ্য যথেষ্ট পৰিমাণে খাব লাগে৷