ভাৰতৰ জনসংখ্যাৰ এটা বুজন অংশই প্ৰদূষিত পানী খাই আছে৷ ৰাজ্য সভাত সোধা এটা প্ৰশ্নৰ উত্তৰত জল শক্তি দপ্তৰৰ ৰাজ্যিক পৰ্যায়ৰ মন্ত্ৰী বিশ্বেশ্বৰ টুডুৱে দিয়া উত্তৰত ওলাই পৰে যে ২৫খন ৰাজ্য আৰু কেন্দ্ৰীয় শাসিত অঞ্চলৰ প্ৰায় ২০৯খন জিলাত ভূগৰ্ভৰ পানীত আৰ্ছেনিক আছে৷ ১৮ খন ৰাজ্যৰ ১৫২খন জিলাৰ পানীত ইউৰেনিয়ামো পোৱা গৈছে৷
টুডুৱে দিয়া তথ্য মতে, ২১খন ৰাজ্যৰ ১৭৬খন জিলাত ভূগৰ্ভৰ পানীত সীহ পোৱা গৈছে৷ সেইদৰে ২৯খন ৰাজ্যৰ ৪৯১খন জিলাত খোৱাপানীত লো, ১১খন ৰাজ্যৰ ২৯খন জিলাত কেডমিয়াম আৰু ১৬খন ৰাজ্যৰ ৬২খন জিলাত ক্ৰমিয়ামৰ উপস্থিতি ধৰা পৰিছে৷ উল্লেখ্য যে নিৰ্দিষ্ট পৰিমাণতকৈ খোৱাপানীত বেছি আৰ্ছেনিক, লো, সীহ, ক্ৰমিয়াম থাকিলে মানুহৰ বিভিন্ন ৰোগ, যেনে– ছালৰ ৰোগ, কৰ্কট ৰোগ, স্নায়ুৰ ৰোগ, এলঝেইমাৰ ৰোগ, পাৰ্কিন্ছনছ, বৃক্কৰ ৰোগ, পেটৰ ৰোগ, টেমুনা আদি হয়৷ ভাৰতৰ ভূগৰ্ভৰ জলত বিভিন্ন ধাতু অতিৰিক্ত মাত্ৰাত আছে
