Home Daily news সাৱধান ! এতিয়াৰ পৰা এডাল গছ কাটিলে ১০ডাল ৰুব লাগিব

সাৱধান ! এতিয়াৰ পৰা এডাল গছ কাটিলে ১০ডাল ৰুব লাগিব

বিজেপি নেতৃত্বাধীন ৰাজ্য চৰকাৰে কাৰ্যভাৰ গ্ৰহণৰ পৰা কিছুমান সুদূৰপ্ৰসাৰী সিদ্ধান্ত গ্ৰহণ কৰি আহিছে৷ ড্ৰাগছকে ধৰি চৰকাৰী কাৰ্যালয়বোৰত বিভিন্ন কেলেংকাৰী উন্মোচন কৰি ৰাইজৰ আস্থাভাজন হ’বলৈ চেষ্টা কৰিছে৷ চৰকাৰৰ প্ৰতিখন কেবিনেটে জনহিতকৰ আচনি তথা পদক্ষেপ গ্ৰহণ কৰি আহিছে৷ এইবাৰৰ কেবিনেট বৈঠকৰ পাছত কেবিনেটে লোৱা সিদ্ধান্তসমূহৰ ভিতৰত অন্যতম এটা হ’ল যে চৰকাৰী পথ বনাওঁতে কাষত থকা গছ কাটিবলগীয়া হ’লে এডাল গছ কটাৰ বিপৰীতে ১০ ডাল গছ ৰোপণ কৰাৰ সিদ্ধান্ত লোৱা হয়৷ ৰাজ্য চৰকাৰৰ মুখপাত্ৰ তথা স্বাস্থ্য মন্ত্ৰী কেশৱ মহন্তই চৰকাৰৰ এই সিদ্ধান্তৰ বিষয়ে সদৰী কৰে৷ চৰকাৰী পথ বা ফ্লাই অ’ভাৰ নিৰ্মাণৰ সময়ত পথৰ কাষত থকা গছ কাটিবলগীয়া হয়৷ এডাল গছ কটাৰ বিপৰীতে দহ ডাল গছ ৰোপণ কৰিব লাগিব৷ এইক্ষেত্ৰত ডি এফ অ’ই গছ ক’ত ৰোপণ কৰিব সেই কথা নিৰ্ধাৰণ কৰিব লাগিব৷ কেবিনেটে জামুগুৰিহাটৰ চকীঘাটত ৪৪টা আত্মসহায়ক গোটক ১০ বিঘাকৈ মুঠ ৪৪০ বিঘা আবণ্টনৰ সিদ্ধান্তত অনুমোদন জনাইছে৷ উল্লেখ্য যে এই স্থানৰ পৰা ৫২টা পৰিয়ালক উচ্চেদ কৰা হৈছিল৷ মাটি আবণ্টন পোৱা আত্মসহায়ক গোটসমূহ খিলঞ্জীয়া লোকৰ দ্বাৰা গঠন হোৱা বুলি উল্লেখ কৰে মুখপাত্ৰ তথা স্বাস্থ্যমন্ত্ৰী কেশৱ মহন্তই৷

Most Popular

শীতকালত আপোনাৰচকুযুৰিৰ যতন কিদৰে ল’ব

আমি সকলোৱে শৰীৰৰ বিভিন্ন অংগৰ যতনৰ ওপৰত গুৰুত্ব দিওঁ৷ কিন্তু চকুৰ যতন ল’বলৈ পাহৰি যাওঁ৷ চকুযুৰিৰ জৰিয়তে আমি ধুনীয়া পৃথিৱীখনৰ সৌন্দৰ্যৰ দেখিবলৈ...

চলিত সপ্তাহত পৃথিৱীৰ একেবাৰেকাষেৰে পাৰ হ’ব এটা গ্ৰহাণু

ন্ডপৃথিৱীৰ কাষেৰে গ্ৰহাণু বা গ্ৰহাণুপুঞ্জ পাৰ হোৱাৰ ঘটনাটো নতুন নহয় যদিও পৃথিৱীৰ একেবাৰে কাষেৰে গ্ৰহাণু পাৰ হোৱাৰ ঘটনা এইবাৰ সংঘটিত হ’ব৷ চলিত...

বাহন চলিব গোবৰ গেছৰ ইন্ধনেৰে ! ক’ত, কেতিয়া?

দেশৰ বাহন নিৰ্মাণ প্ৰতিষ্ঠান মাৰুতি ছুজুকি মটৰ কৰ্প’ৰেশ্যনে ২০৩০ চনলৈকে শেহতীয়াকৈ এক দীৰ্ঘকালীন পৰিকল্পনা হাতত লৈছে৷ বাহন নিৰ্মাণ কৰা প্ৰতিষ্ঠানটোৱে আগন্তুক সময়ত...

জনসংখ্যা বৃদ্ধিৰ পদক্ষেপ : অবিবাহিত হৈও জন্ম দিব পাৰিব সন্তান ! ক’ত?

জনসংখ্যাৰ বৃদ্ধিৰ হাৰ পৃথিৱীয়ে সহিব নোৱৰাৰ সময়তে বিভিন্ন দেশে কিদৰে জনসংখ্যা ৰোধ কৰিব পাৰি তাৰ জনসংখ্যা ৰোধৰ ফলপ্ৰসূ আঁচনি ৰূপায়ণৰ চিন্তা-চৰ্চা অব্যাহত...