Home Daily news ভাৰতৰ বৈচিত্ৰ্যই জনতাকশক্তিশালী আৰু ঐক্যবদ্ধ কৰে : মোদী

ভাৰতৰ বৈচিত্ৰ্যই জনতাকশক্তিশালী আৰু ঐক্যবদ্ধ কৰে : মোদী

ভাৰতৰ বৈচিত্ৰ্যক গুৰুত্ব দি প্ৰধানমন্ত্ৰী নৰেন্দ্ৰ মোদীয়ে ২৯ মে’ত তেওঁৰ মাহেকীয়া ৰেডিঅ’ অনুষ্ঠান ‘মন কী বাত’ত কয় যে ভাৰত বহু ভাষা, লিপি আৰু উপ-ভাষা বা দোৱানৰ সমৃদ্ধ ভাণ্ডাৰ৷ বিভিন্ন অঞ্চলৰ বিভিন্ন পোছাক, খাদ্য আৰু সংস্কৃতি আমাৰ উল্লেখযোগ্য দিশ৷ এখন দেশ হিচাপে এই বৈচিত্ৰ্যই আমাক শক্তিশালী আৰু ঐক্যবদ্ধ কৰে,– তেওঁ কয়৷ 
এই সন্দৰ্ভত তেওঁ কৰ্ণাটকৰ কল্পনা নামৰ ছাত্ৰী এগৰাকীয়ে তিনি মাহত কানাড়া ভাষা শিকি দশম শ্ৰেণীৰ পৰীক্ষাত উত্তীৰ্ণ হোৱা আৰু পশ্চিম বংগৰ শ্ৰীপতি টুডু নামৰ চাওঁতালী ভাষাৰ এজন শিক্ষকৰ উদাহৰণ দিয়ে৷ টুডুৱে চাওঁতালী সম্প্ৰদায়ৰ বাবে অল চিকি লিপিত ভাৰতৰ সংবিধানখন লিখি উলিয়ায়৷ মোদীয়ে কয় যে এইটো এক ভাৰত শ্ৰেষ্ঠ ভাৰতৰ এটা জীৱন্ত উদাহৰণ৷ প্ৰধানমন্ত্ৰীয়ে তেওঁৰ মাহেকীয়া ৰেডিঅ’ বক্তৃতা আৰম্ভ কৰে
 ইউনিকৰ্নৰ কথাৰে৷ ভাৰতত ইউনিকৰ্নৰ সংখ্যা এই মাহত ১০০টা হ’ল বুলি উল্লেখ কৰি প্ৰধানমন্ত্ৰী নৰেন্দ্ৰ মোদীয়ে কয় যে আনকি কভিড মহামাৰীৰ সময়তো ভাৰতীয় ষ্টাৰ্টআপ্‌বোৰে সম্পদ আৰু মূল্য সৃষ্টি কৰিলে আৰু সৰু সৰু মহানগৰ আৰু নগৰবোৰৰ পৰাও উদ্যোগী ওলাইছে৷ 
ইয়াৰ অৰ্থ হ’ল যে আন্তঃৰাষ্ট্ৰীয় মহামাৰীৰ সময়তো আমাৰ ষ্টাৰ্টআপবোৰে সম্পদ আৰু মূল্যৰ সৃষ্টি কৰিছে৷ মোদীয়ে কয় যে ই-কমাৰ্চ, ফিন-টেক্‌ আৰু বায়’-টেকৰ দৰে বহু ক্ষেত্ৰত এই ইউনিকৰ্নবোৰে কাম কৰিছে৷ ভাৰতৰ ষ্টাৰ্টআপ্‌ ইক’ছিষ্টেম কেৱল ডাঙৰ মহানগৰসমূহতে সীমিত হৈ থকা নাই, সৰু সৰু মহানগৰ আৰু নগৰবোৰতো উদ্যোগী ওলাইছে৷ 
এই কথাই সূচায় যে ভাৰতত উদ্ভাৱনী ধাৰণা থকাসকলে সম্পদ সৃষ্টি কৰিব পাৰে৷ প্ৰধানমন্ত্ৰীয়ে অহা ২১ জুনত হ’বলগীয়া অষ্টম আন্তঃৰাষ্ট্ৰীয় যোগ দিৱসৰ বিষয় ‘মানৱ জাতিৰ বাবে যোগ’ আৰু সকলোকে উৎসাহেৰে যোগ দিৱস পালন কৰিবলৈ আহ্বান জনায়৷ তেওঁ আৰু কয় যে স্বাধীনতাৰ অমৃত মহোৎসৱত আমি দায়িত্বৰ পথত আগবাঢ়ি দেশক শক্তিশালী কৰাৰ পণ লোৱা উচিত৷ তদুপৰি প্ৰধানমন্ত্ৰীয়ে তীৰ্থস্থানসমূহ পৰিষ্কাৰ কৰি ৰাখিবলৈও আহ্বান জনায়৷

Most Popular

মছলা হিচাপে খোৱা কলাজিৰাৰআছে বিস্ময়কৰ শক্তি

প্ৰাচীন কালৰে পৰা কালজিৰা মানৱদেহৰ নানা ৰোগৰ চিকিৎসাত ব্যৱহাৰ হৈ আহিছে৷ কালজিৰা অকল খাদ্যৰ সোৱাদ বৃদ্ধিতে নহয়, ইয়াৰ বীজৰ পৰা উৎপন্ন হোৱা...

ৰেস্তোৰাঁত ফলৰ ৰসৰ পৰিৱৰ্তে ডিটাৰজেণ্ট মিহলি পানী : ক’ত?

ছ’চিয়েল মিডিয়াত প্ৰকাশিত এক আজব আৰু দায়িত্বজ্ঞানহীন কৰ্মই সৰ্বসাধাৰণৰ মাজত চাঞ্চল্যকৰ সৃষ্টি কৰিছে৷ চীনৰ ৰেস্তোৰাঁত ফলৰ ৰসৰ পৰিৱৰ্তে...

মহাবিশ্বত ISRO-ৰ ৰিইউজেবললঞ্চ ভেহিকলৰ পৰীক্ষাৰ পদক্ষেপ

এটা সময়ত সমুদ্ৰ বিশ্বৰ বাণিজ্য তথা শক্তিৰ কেন্দ্ৰ আছিল৷ কিন্তু লাহে লাহে এতিয়া মহাকাশে সেই স্থান পূৰ কৰিবলৈ...

পাঁচখন গাঁৱত ধূমপান নিষিদ্ধ!জানক ইয়াৰ আঁৰৰ কথা

ধূমপানৰ পৰা হ’ব পৰা ক্ষয়-ক্ষতিৰ তালিকাখন আমাৰ সকলোৰে জ্ঞাত৷ সেয়ে সময়সাপেক্ষে কিছুমান এলেকা বা অঞ্চল ধূমপানৰ পৰা সুৰক্ষিত হ’বলৈ নিষিদ্ধ কৰা হয়৷...