Home Daily news প্ৰচণ্ড গ্ৰীষ্ম প্ৰৱাহে দহিছে দক্ষিণ পশ্চিম ইউৰোপক

প্ৰচণ্ড গ্ৰীষ্ম প্ৰৱাহে দহিছে দক্ষিণ পশ্চিম ইউৰোপক

গ্ৰীষ্ম প্ৰৱাহে দহিছে দক্ষিণ পশ্চিম ইউৰোপক৷ উক্ত অঞ্চলত উষ্ণতাই অভিলেখ গঢ়াৰ লগে লগে বিধবংসী বনজুয়ে ছাৰখাৰ কৰিছে বিশাল অঞ্চল৷ যোৱা সপ্তাহৰ প্ৰথমৰ পৰা বনজুইত হাজাৰ হাজাৰ হেক্টৰ ভূমি পুৰি ছাৰখাৰ হোৱা তথা বহু লোকৰ মৃত্যু হোৱাৰ মাজতে ফ্ৰান্স, পৰ্টুগাল, স্পেইন আৰু গ্ৰীচত অগ্নি নিৰ্বাপক বাহিনীৰ লোকে অগ্নি নিৰ্বাপণৰ চেষ্টা কৰি আছে৷ যোৱা কেইসপ্তাহৰ ভিতৰত দক্ষিণ পশ্চিম ইউৰোপত হোৱা এয়া হৈছে দ্বিতীয় গ্ৰীষ্ম প্ৰৱাহ৷ 
বিজ্ঞানীসকলে ইয়াৰ বাবে জলবায়ুৰ পৰিৱৰ্তনকে দোষী কৰিছে৷ বনজুইৰ কাৰণে ফ্ৰান্সৰ জিৰণ্ড অঞ্চলৰ পৰা প্ৰায় ১৪ হাজাৰ লোকক স্থানান্তৰ কৰা হয়৷ স্পেইনত ৪০ ডিগ্ৰী চেণ্টিগ্ৰেডৰ [১০৪ ডিগ্ৰী ফাৰেনহাইট]  অধিক উষ্ণতাৰ সৈতে গ্ৰীষ্ম প্ৰৱাহৰ বাবে যোৱা সপ্তাহত অতি কমেও ৩৬০জন লোকৰ মৃত্যু হৈছে৷ স্পেইনৰ কিছু অঞ্চলত উষ্ণতা ৪৫ ডিগ্ৰী চেণ্টিগ্ৰেড হোৱাৰ সময়ত ১২৩জন লোকৰ মৃত্যু হয়৷
স্পেইনৰ প্ৰতিৱেশী দেশ পৰ্টুগালত ৭-১৩ জুলাইত যোৱা বৰ্ষতকৈ ২৩৮জন অধিক লোকৰ মৃত্যু হয়৷ এই মৃত্যু কৰ’নাৰ বাবে নহয়, গ্ৰীষ্মৰ বাবেহে বুলি নিশ্চিত কৰা হৈছে৷ বেছিভাগ ক্ষেত্ৰতে মৃত্যু হোৱা লোকসকল হৈছে বয়সৰ বাবে বা পূৰ্বৰ ৰোগৰ বাবে দুৰ্বল লোক৷ ইফালে ইউনাইটেড কিংডমত অত্যধিক গৰমৰ বাবে প্ৰথমবাৰৰ বাবে ‘ৰেড’ সতৰ্কীকৰণ জাৰি কৰা হৈছে৷ বতৰ বিজ্ঞান বিভাগৰ আগজাননী মতে দক্ষিণ ইংলেণ্ডত অনাগত দিনত উষ্ণতা ৪০ ডিগ্ৰী চেণ্টিগ্ৰেডতকৈ বৃদ্ধি পাব৷

Most Popular

জিভাখন চাফা নকৰিলেকি কি ৰোগ হ’ব পাৰে

আমাৰ শৰীৰৰ অত্যন্ত প্ৰয়োজনীয় অংগৰ ভিতৰত জিভাখন অন্যতম৷ কিন্তু শৰীৰৰ আন অংগৰ সমান্তৰালভাৱে জিভাখনৰ যত্নত আওকাণ কৰা দেখা...

সাৱধান ! বিশ্বজুৰি ভয়ংকৰভাৱে বৃদ্ধি পাইছে বায়ু প্ৰদূষণ

বিশ্বজুৰি ভয়াৱহভাৱে বৃদ্ধি পাইছে বায়ু প্ৰদূষণৰ মাত্ৰা৷ এই বায়ু প্ৰদূষণৰ ফলতে বছৰি লাখ লাখ লোকে প্ৰাণ হেৰুৱাবলগীয়া হৈছে৷ আনহাতে গোলকীয় উষ্ণতা বৃদ্ধিৰ...

ভাৰতীয় কফ ছিৰাপৰ বিৰুদ্ধেWHO-ৰ সতৰ্কীকৰণ

বিশ্ব স্বাস্থ্য সংস্থা চমুকৈ ডব্লিউ এইচ অ’-ই পৰামৰ্শ দিছে যে নয়দা-ভিত্তিক মেৰিয়ন বায়’টেক কোম্পানীয়ে প্ৰস্তুত কৰা দুটা কফ ছিৰাপ উজবেকিস্তানত শিশুসকলৰ বাবে...

প্ৰস্ৰাৱৰ এইধৰণৰ সমস্যাবোৰে বুজাই দিয়েকিডনীজনিত বিকাৰৰ কথা

শৰীৰক সুস্থ ৰখাত কিডনীৰ ভূমিকা গুৰুত্বপূৰ্ণ৷ সেয়ে কিডনীৰ সুস্থতা অতি জৰুৰী৷ কিডনীৰ সমস্যা হ’লে প্ৰথমে ধৰা নপৰে৷ প্ৰায় ৮০-৯০ শতাংশ কিডনী ক্ষতিগ্ৰস্ত...