Home Daily news নাছাৰ নতুন অভিযান : পৃথিৱীলৈ আনিব মঙল গ্ৰহত সংগ্ৰহ কৰা নমুনা

নাছাৰ নতুন অভিযান : পৃথিৱীলৈ আনিব মঙল গ্ৰহত সংগ্ৰহ কৰা নমুনা

আমেৰিকাৰ মহাকাশ গৱেষণা সংস্থা নাছাই মঙল গ্ৰহত সংগ্ৰহ কৰা বিভিন্ন তথ্য তথা নমুনা পৃথিৱীলৈ অনাৰ পৰিকল্পনা কৰিছে৷ নাছাৰ এই অভিযানত ইউৰোপীয়ান মহাকাশ সংস্থায়ো [ই এছ এ] সহযোগ কৰিব৷ মঙল গ্ৰহৰ পৰা নমুনা পৃথিৱীলৈ ঘূৰাই অনাৰ এই অভিযানক নাম দিয়া হৈছে ‘নাছা মাৰ্ছ চেম্পল ৰিটাৰ্ন কেম্পেইন [মঙলৰ পৰা নমুনা অনাৰ অভিযান]৷ এই অভিযানৰ অধীনত ২০৩৩ চনৰ ভিতৰত মঙল গ্ৰহৰ পৰা নমুনাসমূহ পৃথিৱীলৈ অনা হ’ব৷ নাছাই অলপতে প্ৰকাশ কৰা মতে, এই অভিযানৰ বাবে প্ৰয়োজনীয় প্ৰণালীৰ সমীক্ষা ইতিমধ্যে কৰা হৈছে৷ নাছাই এটা ভিডিঅ’ৰ জৰিয়তে মঙল গ্ৰহৰ পৰা নমুনাসমূহ কেনেকৈ পৃথিৱীলৈ অনা হ’ব সেয়া প্ৰকাশ কৰিছে৷ বৰ্তমান নাছাৰ পাৰ্ছিভেন্স ৰ’ভাৰে মঙল গ্ৰহৰ জেজেৰ’ গহবৰত অভিযান চলাই আছে৷ যানখনে জেজেৰ’ৰ নমুনা সংগ্ৰহ কৰি আছে৷ নাছাই এই প্ৰণালীৰ জৰিয়তে ভৱিষ্যতৰ অভিযানবোৰত জটিলতা হ্ৰাস কৰা আৰু অধিক সফলতা লাভ কৰাৰ সম্ভৱনা বৃদ্ধি পোৱাৰ আশা কৰিছে৷ ভিডিঅ’টোত দেখুওৱা মতে, মঙলৰ পৰা নমুনা আনিবলৈ যোৱা মাৰ্ছ ৰ’ভাৰ লেণ্ডাৰৰ কাষ চাপিব এই পাৰ্ছিভেন্স৷ পাৰ্ছিভেন্সে যানখনৰ কণ্টেইনাৰত নমুনাসমূহ জমা কৰিব৷ ইয়াৰ পাছত ৰ’ভাৰৰ দুখলপীয়া ৰকেটৰ বিস্ফোৰণ ঘটিব আৰু ইয়াৰ পাছৰ পৰ্যায়ত ইউৰোপীয়ান মহাকাশ সংস্থাৰ এম এছ আৰ অৰ্বিটাৰৰ লগ লাগিব৷ মাৰ্ছ লেণ্ডাৰ, মাৰ্ছ ৰকেট আৰু ই এছ এ অৰ্বিটাৰ ২০২৮ চনত উৎক্ষেপণ কৰা হ’ব আৰু ২০৩১ত মঙল গ্ৰহ পাবগৈ৷ ২০৩৩-ত  পৃথিৱীলৈ উভতি আহিব৷

Most Popular

৮০০ কোটি বছৰৰ আগৰ ৰেডিঅ’ সংকেত আৱিষ্কাৰ ভাৰতীয় বিজ্ঞানীৰ!

মহাকাশত পুনৰ চমক সৃষ্টি কৰিলে ভাৰতীয় বিজ্ঞানীয়ে৷ মঙল গ্ৰহৰ তৰংগৰ স্ৰোত আৱিষ্কাৰৰ সময়ত ৮০০ কোটি বছৰ আগৰ ৰেডিঅ’ সংকেত ধৰা পেলাবলৈ সমৰ্থ...

প্ৰকৃতিৰ জামাদাৰখ্যাত শগুনৰঅস্বাভাৱিক মৃত্যু ঃ ক’ত?

পক্ষীকুল ৰক্ষা কৰাৰ সময়তে শিৱসাগৰত এজাক পক্ষীকুলৰ নিধনত ব্যথিত হৈছে প্ৰকৃতিপ্ৰেমী৷ প্ৰকৃতিৰ চাফাই কৰ্মীৰূপে খ্যাত আকাশ শুৱনি কৰা এজাক শগুন শিৱসাগৰ নগৰৰ...

বুকিং আৰম্ভ বিশ্বৰ প্ৰথমখনউৰন্ত মটৰচাইকেলৰ

বাইক বা মটৰচাইকেল সকলোৱে দেখিছে বা কেনেদৰে চলে সেয়াও সকলোৰে জ্ঞাত৷ পথ ৰাস্তাত চলা মটৰচাইকেল সকলোৱে দেখিব, কিন্তু উৰিব পৰা মটৰ চাইকেল...

অন্তঃসত্ত্বা মহিলাক ৩৩ সপ্তাহৰ পাছতগৰ্ভপাত কৰোৱাৰ অনুমতি ন্যায়ালয়ৰ

অন্তঃসত্ত্বা অৱস্থাত যিকোনো সময়ত কোনো সমস্যা দেখা দিয়ে, তেন্তে ভ্ৰূণৰ বিভিন্ন সমস্যাৰ সৃষ্টি হ’ব পাৰে৷ শেহতীয়াকৈ এক খবৰ মতে ২৯ সপ্তাহৰ এগৰাকী...