সাধাৰণতে ভেণ্ডি খাদ্য হিচাপে প্ৰায়ভাগ লোকেই নাখায়৷ বহুতেই ইয়াক খাবলৈ অৱহেলা কৰে৷ যেতিয়া পাকঘৰত একো এটা খাদ্য নাথাকে, তেতিয়াহে ৰান্ধনীয়ে ইয়াক বনায়, একমাত্ৰ খাদ্য-তালিকা পূৰ কৰিবলৈ৷ কিন্তু আচৰিত কথাটো হ’ল আমি খাবলৈ মন নকৰা ভেণ্ডিত বহুতো খাদ্যগুণ পোৱা যায়৷ জানো আহক ইয়াৰ উপকাৰী গুণ৷
পেটৰ কষ্টৰ পৰা ভেণ্ডিয়ে মুক্তি দিয়ে৷ ইয়াত থকা ফাইবাৰে হজম হোৱাত বিশেষ সহায় কৰে৷ ভেণ্ডিত প্ৰচুৰ পৰিমাণে বিটা কেৰ’টিন পোৱা যায়৷ ইয়াৰ উপৰি ইয়াত ভিটামিন-এ থকা বাবে চকুৰ কাৰণে খুব উপকাৰী৷ নিয়মিতভাৱে ভেণ্ডি খালে শৰীৰত জৰুৰী ইমিউনিটি ছিষ্টেম প্ৰস্তুত হয়৷ আনহাতে ভাইৰাছজনিত সংক্ৰমণ ৰোধত ভেণ্ডিয়ে সহায় কৰে৷ ইয়াত থকা ভিটামিন-চিয়ে ছালখনক সুৰক্ষা দিয়ে৷ তদুপৰি ভিটামিন-C থকা বাবে আমাৰ মৰা কোষবোৰৰ পৰা নতুন কোষৰ সৃষ্টি হোৱাত সহায় কৰে৷ সেয়ে ভেণ্ডিয়ে গৰমকালি ছালখন সুস্থ ৰাখিবলৈ খুব কাৰ্যকৰী কাম কৰে৷ ওজন নিয়ন্ত্ৰণ কৰাত ভেণ্ডি খোৱাটো দৰকাৰী৷ ডায়েবেটিছ ৰোগীৰ বাবে ভেণ্ডি মহৌষধৰ দৰে কাম কৰে৷ ভেণ্ডিত কলেষ্টৰেল লেভেল খুব কম হোৱা বাবে হৃদৰোগীৰ বাবে উপকাৰী৷ ভেণ্ডিয়ে তেজত লোহিত ৰক্ত কণিকা বঢ়োৱাত সহায় কৰে৷ সেয়েহে পাচলিৰ বজাৰ কৰোঁতে তালিকাত ভেণ্ডিকো অন্তৰ্ভুক্ত কৰক৷
