বিট এবিধ স্বাস্থ্য উপকাৰী পাচলি৷ সাধাৰণতে আমি বিট চালাড বনাই, ভাজি অথবা ইয়াৰ ৰস উলিয়াই সেৱন কৰে৷ বিটৰ ৰস বিভিন্ন পুষ্টিকৰ উপাদান থাকে বাবে যথেষ্ট উপকাৰ পোৱা যায়৷ তদুপৰি বিটত ষ্টাৰ্চ আৰু গ্লাইচেমিক ইনডেক্সৰ পৰিমাণ যথেষ্ট থাকে৷ বহুতেই ভাবে যে ডায়েবেটিছ বা ছুগাৰ থাকিলে বিটৰ ৰস খোৱা উচিত নহয়৷ কিন্তু অধিক মাত্ৰাত বিটৰ ৰস সেৱনৰ ফলত ছুগাৰৰ মাত্ৰা বাঢ়িব পাৰে যদিও বিটত প্ৰচুৰ পৰিমাণে ডায়েটৰি ফাইবাৰ পোৱা যায়, যাৰ বাবে এই ফাইবাৰে ৰক্ত শৰ্কৰা নিয়ন্ত্ৰণত সহায় কৰে বাবে ছুগাৰ নিয়ন্ত্ৰণৰ বাবে কম পৰিমাণে বিট খাব পাৰে৷৷ ইয়াৰ লগতে হজমৰ সমস্যা, কোষ্ঠকাঠিন্য আদি পেটৰ সমস্যা বিট খোৱাৰ ফলত সমাধান হয়৷ অৱশ্যে বিট সিদ্ধ কৰি বা কেঁচাই খালে বেছি উপকাৰ পোৱা যায়৷ ইয়াৰ উপৰি বিটৰ ৰসে তেজৰ হিমগ্লবিনৰ পৰিমাণ বৃদ্ধিত সহায় কৰে৷ ছাল তথা চকুৰ স্বাস্থ্যৰ বাবে বিট উপকাৰী৷
