আমি মুখৰ ছালখন ভালে ৰাখিবলৈ অশেষ যত্ন কৰোঁ৷ বিভিন্ন ধৰণৰ প্ৰসাধন সামগ্ৰী, স্ত্ৰাবিং কৰা, উন্নত ব্ৰেণ্ডৰ ক্ৰিম লগোৱা আদি নানা পৰিচৰ্যা কৰোঁ৷ ইয়াৰ সমান্তৰালভাৱে কিন্তু হাতৰ ছালখন কথা পাহৰিয়েই যাওঁ৷ এইদৰে অৱহেলাৰ কৰাৰ ফলত হাতখনৰ মুখৰ লেখীয়া বয়সৰ চাপ পাৰে, আনকি হাতৰ ছালখন কোঁচ খাই যায়৷ ইয়াৰ পৰা পৰিত্ৰাণ কিদৰে পাব পাৰি জানো আহক৷ ৰ’দৰ ওলাল অতিবেঙুনীয়া ৰশ্মি যে অকল মুখখনৰ ছালৰ ক্ষতি কৰে তেনে নহয়৷ হাতৰ ছালৰো যথেষ্ট ক্ষতি কৰে৷ সেয়েহে ৰ’দত ওলালে মুখৰ সনাৰ দৰে হাততো ছানক্ৰীন সানি লওক৷ ইয়ে হাতৰ ছালখনৰ বচাই ৰাখিব৷ হাতৰ ছালখন ভালে ৰখাৰ উপায় হ’ল নিয়মিতৰূপে হাতত ক্ৰীম সনা৷ ৰাতি শোৱাৰ আগতে হাত দুখনত ক্ৰীম ঘঁহিব৷ ইয়ে ছালখন মসৃণ আৰু মুলায়ম কৰি ৰাখিব৷ সঘনাই চাবোন বা ছেনিটাইজাৰ লগেৱোৰ ফলত হাত দুখনৰ ছালৰ স্বাভাৱিক আৰ্দ্ৰতা হ্ৰাস পায়৷ সেয়েহে যিমানবাৰ হাত ধুব, সিমান বাৰেই মইশ্বৰাইজাৰ লগাওক৷ এনে কৰিলে হাতৰ ছালখনৰ শুষ্কতা দূৰ হয়৷ ঘৰত কাম কৰাত ক্ষেত্ৰত বহু সময় ধৰি পানীৰ সংস্পৰ্শত থকা হয়৷ অত্যধিক পানীৰ ব্যৱহাৰেও হাতৰ ছালখনত প্ৰভাৱ পেলাব পাৰে৷ তেনে সময়ত হাতত গ্ৰ’ভছ পিন্ধি লওক৷ হাতৰ ছালখন ভালে ৰাখিবলৈ মাজে মাজে পাৰ্লাৰলৈ গৈ অথবা ঘৰতে ঘৰুৱা উপায়েৰে মানিকিয়োৰ কৰিব লাগে৷ এনে কৰিলে হাতত বয়সৰ চাপ নপৰে আৰু হাত দুখন উজ্জ্বল আৰু নৰম হৈ থাকে৷
