চিকিৎসা বিজ্ঞানৰ বিভিন্ন ধৰণৰ পদ্ধতিৰ ভিতৰত আকুপানচাৰ অন্যতম৷ আকুপানচাৰত শৰীৰৰ বিভিন্ন অংশৰ কিছুমান গুৰুত্বপূৰ্ণ বিন্দুত হেঁচা প্ৰয়োগ কৰি চিকিৎসা প্ৰদান কৰা হয়৷ আমাৰ শৰীৰত এনেকুৱা কিছুমান প্ৰেছাৰ পইণ্ট থাকে, যাৰ সম্বন্ধ দেহৰ অন্য অংশৰ লগত জড়িত হৈ থাকে৷ সেয়েহে হাত আৰু ভৰিৰ কিছুমান বিন্দুত হেঁচা প্ৰয়োগ কৰি অতি সহজতে শৰীৰৰ বহুতো সমস্যা নিৰ্মূল কৰিব পাৰি৷ তেন্তে জানো আহক কি ৰোগত কোনটো প্ৰেছাৰ পইণ্টত হেঁচা দিব৷
তৰ্জনী আৰু মধ্যমা আঙুলিৰ তলৰ ফালে পাঁচ মিনিটমান হেঁচিলে চকুৰ বিভিন্ন সমস্যা তথা দৃষ্টিশক্তি উন্নত হয়৷
বুঢ়া আঙুলিৰ এক ইঞ্চিমান তলত হেঁচিলে থাইৰয়েডৰ সমস্যা নিৰ্মূল হয়৷
মধ্যমা আৰু অনামিকা আঙুলিৰ তলৰফালে হেঁচিলে হাঁওফাঁওজনিত সমস্যা, কফ, এজমা নিৰ্মূল হয়৷
কাণেৰে কম শুনা, কাণৰ অন্যান্য সমস্যাৰ বাবে অনামিকা আঙুলি আৰু কনিষ্ঠা আঙুলিৰ তলফালে হেঁচিব লাগে৷
তাৰ আৰু অলপ তলত হেঁচিলে হাৰ্ট সুস্থ হৈ থাকে৷ যদি এনেদৰে হেঁচাৰ ফলত আপুনি বিষ অনুভৱ কৰে, তেন্তে গম পাব আপোনাৰ ভিতৰি ভিতৰি হাৰ্টৰ কিছুমান সমস্যা আৰম্ভ হৈছে৷
কিডনীজনিত সমস্যাৰ বাবে হাতৰ তলুৱাৰ একেবাৰে মাজঅংশত দবাব লাগে৷
অনামিকা আঙুলিৰ ওপৰফালে হেঁচিলে স্ত্ৰেচ নিৰ্মূল হয়৷
একেদৰে আপোনাৰ যদি মূৰৰ বিষ হৈছে তেন্তে দুই চেলাউৰিৰ মাজত হাতৰ আঙুলিৰে চাৰ্কুলাৰ ম’শ্যনত মাচাজ কৰক৷
মাহেকীয়াৰ সময়ত হোৱা পেটৰ বিষ নিৰাময়ৰ বাবে ভৰিৰ তলুৱাত দুই তিনি মিনিটমান মাচাজ কৰিলে আৰাম পোৱা যায়৷
যদি আপোনাৰ চৰ্দি লাগিছে, তেন্তে চকুৰ তলত তথা নাকৰ অলপ ওচৰত দুইফালে মাচাজ কৰক৷