বিশ্বৰ প্ৰথম কাঠৰ ছেটেলাইট প্ৰস্তুত : ক’ত?

বিশ্বৰ প্ৰথম কাঠৰ কৃত্ৰিম উপগ্ৰহ তৈয়াৰ কৰিছে জাপানৰ গৱেষকে৷ জাপানৰ কিয়োটা বিশ্ববিদ্যালয় তথা লগিং কোম্পানী ছুমিটোমো ফৰেষ্ট্ৰিৰ বিজ্ঞানীসকলৰ দ্বাৰা পৰীক্ষামূলকভাৱে তৈয়াৰ কাঠৰ এই ছেটেলাইটটোৰ নাম দিয়া হৈছে লিগনোছেট৷ বিজ্ঞানীসকলে জনোৱা অনুসৰি কৃত্ৰিম উপগ্ৰহটো অহা ছেপ্টেম্বৰ মাহত কেনেডি স্পেচ চেণ্টাৰৰ পৰা এটা স্পেচএক্স ৰকেটত মহাকাশলৈ পঠোৱা হ’ব, যিয়ে আন্তৰ্জাতিক মহাকাশ ষ্টেচন বা আই এছ এছৰ বাবে আবদ্ধ হ’ব৷ তাৰ পাছত এই উপগ্ৰহটোক তাৰ শক্তি আৰু স্থায়িত্ব পৰীক্ষা কৰাৰ কাৰণে জাপানী আই এছ এছ পৰীক্ষা মডিউলৰ পৰা এৰি দিয়া হ’ব৷ উপগ্ৰহটো নিৰ্মাতাই আশা ব্যক্ত কৰিছে যে যেতিয়া ডিভাইচটো বায়ুমণ্ডলৰ পুনৰায় প্ৰৱেশ কৰিব, তেতিয়া কাঠৰ উপাদান সম্পূৰ্ণভাৱে পুৰি যাব৷ এটা ম্যাদহীন উপগ্ৰহ পৃথিৱীলৈ ঘূৰি অহাৰ সময়ত ধাতৱ কণা তৈয়াৰ হোৱাৰ সম্ভাৱ্য এটা উপায় উদ্ভাৱন কৰিব৷ কিয়নো এই ধাতৱ কণাবোৰে পৰিৱেশ তথা টেলি যোগাযোগৰ ওপৰত নেতিবাচক প্ৰভাৱ পেলাব পাৰে বুলি অনুমান কৰা হৈছে৷ কিয়োটা বিশ্ববিদ্যালয়ৰ গৱেষকৰ মুৰববী অধ্যাপক টাকাও দোৱে কয় যে মূলতঃ এই সমস্যাৰ বাবেই কাঠেৰে উপগ্ৰহ তৈয়াৰ পৰিকল্পনা কৰা হৈছিল৷ ইয়াৰ ম্যাদ শেষ হ’লে পৃথিৱীত প্ৰৱেশৰ সময়ত বায়ুমণ্ডলৰ প্ৰৱেশৰ সময়ত নিশ্চিহ্ন হৈ যাব ঠিকেই, কিন্তু বতাহত ইয়াৰ ধবংসাৱশেষৰ অস্তিত্ব নাথাকিব৷ উল্লেখ্য যে মেগনোলিয়া কাঠৰ দ্বাৰা তৈয়াৰী তথা লিগানোছেট নামৰ উপগ্ৰহটো মহাকাশ সংস্থা জে এ এ এক্সক হস্তগত কৰাৰ পৰিকল্পনা কৰা বুলি জানিব পৰা গৈছে৷