আজিকালি বহুতেই ঘৰত মেকুৰী পোহে আৰু ঘৰৰ সৰু ল’ৰা-ছোৱালীয়ে সিহঁতৰ লগত খেলে৷ আনকি কিছুমানে আকৌ ৰাস্তাই-ঘাটে পোৱা মেকুৰীৰ লগতো খেলিব বিচাৰে, কাষলৈ গৈ কোঁচত লয় অথবা খাবলৈ হাতত যি থাকে দিয়ে৷ বহুতৰে ক্ষেত্ৰত জন্তু প্ৰেম থাকে৷ জন্তুৰ সৈতে সময় কটাই আনন্দ লাভ কৰে৷ এইদৰে আন জন্তু বা মেকুৰীৰ লগত সময় কটালে কেতিয়াবা মেকুৰীৰ আঁচোৰ হাত, ভৰি আদিত পৰে৷ এই ক্ষেত্ৰত বহুতে অৱহেলা কৰে অথবা পোহনীয়া মেকুৰী বুলি বিষয়টো এৰাই চলে৷ কিন্তু এনে এটা গুৰুত্বপূৰ্ণ বিষয় এৰাই চলাটো মুঠেও গ্ৰহণযোগ্য নহয়৷ কেতিয়াবা যদি মেকুৰীৰ কামোৰ বা নখৰ আঁচোৰ লাগে তেন্তে একেবাৰে অৱহেলা নকৰিব৷ এই ক্ষেত্ৰত মেকুৰীয়ে প্ৰথমে আপুনি ডক্তৰৰ ওচৰলৈ যাওক৷ চিকিৎসকে আপোনাক এণ্টিৰেবিজ ইনজেকশ্যন দিব৷ মেকুৰীয়ে কামুৰিলে মন-কাণ নিদিয়াকে নাথাকিব৷ কিয়নো মেকুৰীয়ে কুকুৰৰ লগতে আন বন্যপ্ৰাণীৰ সংস্পৰ্শত থাকে বাবে বিভিন্ন বেক্টেৰিয়া আদি ইয়াৰ পৰা মানুহৰ দেহলৈ সংক্ৰমিত হ’ব পাৰে৷ আনহাতে মেকুৰীয়ে কামুৰিলে হ’ব পাৰে বিপজ্জনক ৰোগ৷ চিকিৎসকৰ মতে সাধাৰণতে মানুহে মেকুৰীয়ে কামোৰা সৰু আঘাত বুলি হেয়জ্ঞান কৰে, যি একেবাৰে অনুচিত৷ মেকুৰীয়ে কামুৰিলে হাইড্ৰ’ফ’বিয়া নামৰ এক ৰোগ হ’ব পাৰে, যি অত্যন্ত বিপজ্জনক৷ এই ৰোগ তেতিয়া বেছি ক্ষতিকৰ হয়, যেতিয়া মেকুৰী আগৰে পৰা ৰেবিজত আক্ৰান্ত হৈ থাকে৷ গতিকে মেকুৰীয়ে কামোৰাৰ লগে লগে তৎক্ষণাৎ চিকিৎসাৰ ব্যৱস্থা কৰা উচিত৷ কুকুৰ বা মেকুৰীয়ে কামোৰাৰ সময়ত ক্ষতস্থানত ৫-১০ মিনিট পৰিষ্কাৰ পানীৰে ভালদৰে ধুই দিব৷ ইয়াৰ ফলত ভাইৰাছৰ সংক্ৰমণ কিছু পৰিমাণে কমে৷ ইয়াৰ পাছত ঘৰত থকা এণ্টিছেপটিক মলম ঠাইটুকুৰাত লগাওক৷ তাৰ পাছত ওচৰৰ চিকিৎসালয়লৈ যাওক৷ চিকিৎসকৰ মতে মেকুৰীয়ে কামুৰিলে চাৰি-পাঁচটা ইনজেকশ্যন লোৱা জৰুৰী৷ যিবোৰ ইনজেকশ্যন প্ৰথম, তৃতীয়, সপ্তম আৰু শেষৰটো ২৮ দিনত দিয়া হয়৷