হৰমনৰ সমস্যা এদিনতেই নহয়৷ দিনৰ পাছত দিন ধৰি অনিয়মৰ কাৰণে বহুতো মহিলাই হৰমনজনিত সমস্যাত ভোগে৷ ইয়াৰ পৰা পৰিত্ৰাণ পাবলৈ হ’লে একল ঔষধেই নহয়, ডায়েটৰ ওপৰতো বিশেষ লক্ষ্য ৰাখিব লাগে৷ ঋতুস্ৰাৱৰ সময়ত তলপেটৰ অসহ্য যন্ত্ৰণা, অতিৰিক্ত ৰক্তপাত হ’লে আতংকত মহিলাসকলে ভোগে৷ কিবা মাৰাত্মক ৰোগ হোৱা বুলি ভাবি লয়৷ আৰু সন্তান ধাৰণৰ সময়ত সমস্যাৰ সৃষ্টি কৰিব পৰা এটা ৰোগ হ’ল ফাইব্ৰয়েড৷ মনত ৰাখিব ফাইব্ৰয়েড মানেই আতংকিত হোৱাৰ প্ৰয়োজন নাই৷ হৰমনৰ খেলিমেলিৰ বাবে এই ৰোগৰ তীব্ৰতা বাঢ়ে৷ ফাইব্ৰয়েড হ’ল জৰায়ুৰ প্ৰাচীত হোৱা টিউমাৰ, যি কেঞ্চাৰ সৃষ্টিকাৰী নহয়৷ অৱশ্যে এই টিউমাৰ যদি আয়তন বা সংখ্যাত বেছি থাকে, তেনেহ’লে কিছু জটিলতা আহে৷ খোৱা-বোৱাৰ ক্ষেত্ৰত বিশেষ নজৰ দিলে এই ৰোগ নিয়ন্ত্ৰণ কৰিবলৈ সম্ভৱ৷ মহিলাসকলৰ ইষ্টে˜াজেন আৰু প্ৰোজেষ্টেৰম হৰমনৰ ভাৰসাম্য যদি নোহোৱা হয়, তেন্তে সমস্যাই দেখা দিয়ে৷ ফাইব্ৰয়েডো তেনেকুৱাই৷ সাধাৰণতে ২১-৫০ বছৰ বয়সৰ ক্ষেত্ৰত বেছি হয়৷ জৰায়ুত মায়োমেট্ৰিয়াম পেশীৰ বাবে টিউমাৰ বৃদ্ধি হৈ থাকে৷ এই পেশীৰ কোষবোৰ অনিয়মিতভাৱে বাঢ়ি থাকে আৰু সৰু সৰু টিউমাৰ সৃষ্টি হয়৷ জৰায়ুৰ পেশীৰ প্ৰাচীৰত যদি টিউমাৰ হয়, তেনেহ’লে সেইটো ইণ্ট্ৰামুৱাল ফাইব্ৰয়েড৷ আবþু যদি জৰায়ুৰ বাহিৰৰ ফালে টিউমাৰ হয়, তেনেহ’লে সেইটো চাবটেৰোচাল ফাইব্ৰয়েড৷ আৰু যদি জৰায়ুৰ ভিতৰৰ আস্তৰণ বা এণ্ডোমেট্ৰিয়ামৰ তলত যদি টিউমাৰ হয়, সেইটো চাবমিউকোজাল৷ এই টিউমাৰ ফাটি গ’লে জৰায়ুৰ ভিতৰত ৰক্তপাত হ’ব পাৰে৷ এই ফাইব্ৰয়েড নিয়ন্ত্ৰণ বা কমাবলৈ কিধৰণৰ খাদ্য খাব৷ ফাইবাৰে শৰীৰৰ ইষ্টে˜াজেন হৰমনৰ ভাৰসাম্য ঠিকে ৰাখে৷ ফাইবাৰৰ বাবে দানাশস্য যেনে– ব্ৰাউন ৰাইচ, ওটছ খাব পাৰে৷ তৰকাৰীৰ ভিতৰত ব্ৰকলি, পালেং শাক, বন্ধাকবি আদি খোৱা ভাল৷ মচুৰ দাইলত ফাইবাৰ থকা বাবে উত্তম৷ আপেল, নাচপতিৰ দৰে ফল নিয়মিতভাৱে খাদ্য তালিকাত ৰাখক৷ বন্ধাকবি, ফুলকবি, লাও, তিঁয়হ আদি বেছিকৈ খাব৷ এইবোৰ প্ৰচুৰ পৰিমাণে ভিটামিন-কে আৰু এণ্টিঅক্সিডেণ্ট থাকে, যি শৰীৰৰ প্ৰদাহ কমোৱাত সহায় কৰে৷ তৈলাক্ত মাছ, গাখীৰ, কণাী আদি খোৱাৰ ভাল৷ দৈও খাব পাৰে৷ ভিটামিন-ডিয়ে টিউমাৰৰ বৃদ্ধি আৰু বিভাজন বন্ধ কৰিব পাৰে৷ পটাচিয়ামে ৰক্তচাপ নিয়ন্ত্ৰণ কৰাত সহায় কৰে৷ আনহাতে ৰেড মিট, অতিৰিক্ত চেনি, অত্যধিক মাত্ৰা নিমখ খোৱাৰ অভ্যাস, মদ্যপান কেফেইনসমৃদ্ধ খাদ্য দ্ৰব্য, প্ৰক্ৰিয়াজাত খাদ্য আদি খাবলৈ এৰি দিয়ক৷
