ভাত খোৱাৰ পাছতেই এইবোৰ কেতিয়াও নকৰিব

অসমীয়া সমাজত দুপৰীয়াৰ ভাতসাঁজৰ কথাই সুকীয়া৷ মাছ, মাংস, কণী, তৰকাৰী, চালাড আদি বিভিন্ন ব্যঞ্জনেৰে পৰিপূৰ্ণ দুপৰীয়াৰ সাঁজৰ পাতত বহি উদৰ পূৰাই খাই আমি তৃপ্তি লাভ কৰোঁ৷ এইদৰে পেট পূৰাই ভাত খাই উঠি তামোল এচালি মুখত লৈ জিৰণি লোৱাটো আমাৰ সকলোৰে এটা অভ্যাস৷ কিন্তু কিছুমানৰ ভাত খাই উঠিয়েই কিছুমান কুঅভ্যাস গঢ় লৈ উঠে, যিয়ে আমাৰ অজ্ঞাতে শৰীৰটোৰ ক্ষতি কৰে৷ সেয়েহে ভাত খাই উঠিয়েই আমি কি কি কৰা অনুচিত জানো আহক৷

[১] বহুতেই ভাত খাই উঠিয়েই ফল খায়৷ কিন্তু ডায়েটিচিয়ানৰ মতে ভাত খোৱাৰ অন্ততঃ আধা ঘণ্টা পাছত ফল খাব লাগে৷ নহ’লে আপোনাৰ হজমৰ সমস্যাই দেখা দিব পাৰে৷

[২] ভাত খাই উঠিয়েই গা ধুব নালাগে৷ মনত ৰাখিব ভাত খোৱাৰ পাছত আমাৰ শৰীৰৰ মেটাবলিজম বাঢ়ি যায়, যিয়ে হজমত সহায় কৰে৷ যদি সেই সময়তে আমি গা ধোওঁঁ, তেন্তে শৰীৰৰ তাপমাত্ৰা কমি যায়৷ যাৰ ফলত মেটাবলিজম কমি যাব পাৰে৷

[৩] বহুতৰে ক্ষেত্ৰত ভাত খাই উঠিয়েই বিছনালৈ যোৱাৰ অভ্যাসে গঢ় লয়৷ ইয়াৰ ফলত মেদবহুলতাৰ সমস্যাই দেখা দিব পাৰে৷ ভাত খোৱাৰ পাছত অন্ততঃ ৪০ মিনিটমান পাছতহে বিছনালৈ যাওক৷

[8] আপোনাৰ যদি ভাত খোৱাৰ পাছতেই চাহ খোৱাৰ অভ্যাস, তেন্তে এই বদঅভ্যাস আজিয়েই ত্যাগ কৰক৷ চাহত থকা টানিক এচিডে খাদ্যৰ প্ৰ’টিনক ১০০ গুণ বঢ়াই তোলে৷ সেয়েহে এই অভ্যাস ত্যাগ কৰাটো মংগলজনক৷